Юз минглаб тошкентликлар эрта тонгдан Ўзбекистоннинг Биринчи Президенти Ислом Каримовни сўнгги манзилга кузатиш учун пойтахт кўчаларига чиқди.
Давлат раҳбари бўлган кортеж Тошкент кўчаларидан одатдаги йўналиш бўйлаб Самарқандга, кўмиш жойига самолётда учиб кетиш учун аэропорт томонга сўнгги бор йўл олди.
Ёшу кексалар, талаба ва ўқитувчилар, ишчи ва хизматчилар қўлида гул, кўзида ёш билан давлат раҳбари билан видолашиб, уни сўнгги манзил томон кузатиб қолди.
Кортежни кутаётганларнинг қалбида Биринчи Президент номи билан боғлиқ энг яхши хотиралар ғужғон ўйнаган бўлса ажаб эмас.
Ниҳоят кортеж пайдо бўлди. Автомобиллар остига гуллар отилди. Кортеж кўчалар бўйлаб барчага сўнгги видолашув сўзларини айтиб олиши учун имкон яратгандек жуда секинлик билан ҳаракатланиб борарди.
Фото
