Курашчи Илҳом Баҳромов Францияда бўлиб ўтган ёшлар ўртасидаги жаҳон чемпионатида кумуш медални қўлга киритди, дея хабар қилди Ўзбекистон спортча курашлар ассоциацияси матбуот хизмати.

Юнон-рум кураши бўйича 50 килограмгача бўлган вазн тоифасида кечган финал беллашувида спортчи россиялик Владислав Мельниковдан 2:11 ҳисобига мағлубиятга учради. Аввалги учрашувларда эса ўзбекистонлик Эрон, АҚШ ва Грузия спортчиларидан учтун келган эди.

Илҳом Баҳромов ҳисобида Нанкинда бўлиб ўтган II Ёзги ўсмирлар Олимпия ўйинлари ҳамда 2014 ва 2015 йиллардаги ёшлар ўртасида Осиё чемпионати ғолибликлари мавжуд.

Яна бир ўзбек жангчиси Абубакр Алимов 74 килогмрамгача вазн тоифасида «бронза» учун кечган венгриялик Золлан Леваини енга олмай, якунда бешинчи ўринни банд этди.