Тошкентда 1 сентябрь куни Ўзбекистон мустақиллигининг 25 йиллиги муносабати билан уюштирилиши лозим бўлган байрамона мушакбозлик бошқа санага кўчирилди, дея хабар қилди пойтахт ҳокимияти сайти.
Мушакбозликнинг кўчирилиши ушбу санада 20:00 да бошланадиган 2018 йилги жаҳон чемпионатининг саралаш босқичидан ўрин олган Ўзбекистон ва Сурия термалари ўртасидаги футбол учрашуви билан боғланди. «Бунёдкор» стадионида бўлиб ўтиши лозим бўлган ўйинда 35 мингдан зиёд томошабиннинг қатнашиши кутилмоқда.
Кўпчиликнинг боғ ва майдонлардаги байрам сайлларидан ўз уйларига қайтишлари чоғида автотранспорт оқимида тирбандликларнинг олдини олиш мақсадида ҳокимият мушакбозликнинг бошқа кунга кўчирилиши борасидаги таклифларни қўллаб-қувватлади. Унинг қайси санага кўчирилгани ҳозирча маълум қилинмади.
