Америкалик режиссёр Брайн Сонг оператор Дада Шикако билан биргаликда «Пахтакор-79» жамоаси ҳамда Михаил Ан тўғрисида ҳужжатли фильм олиш учун «Пахтакор» стадионига ташриф буюрди. Бу ҳақда футбол жамоаси матбуот хизмати хабар қилди.
Тасвирга олиш гуруҳи аъзолари айни пайтда «Пахтакор» академиясида 2003 йилда туғилган ўйинчиларга мураббийлик қилаётган футболчининг ўғли Дмитрий Ан билан суҳбатлашди.
1979 йилдаги авиафалокатда ҳалок бўлган мураббий Идгай Тазетдиновнинг беваси Алла Тазетдинова эса «Пахтакор-79» ҳақидаги хотиралари билан ўртоқлашди.
Шунингдек, узоқ йиллар давомида «Пахтакор» таркибида ўйнаган Биродар Абдураимовнинг ўғли Азамат Абдураимов ҳам тасвирга олиш ишларида иштирок этди.
Ҳужжатли фильмнинг «Пахтакор» расмий сайтида эълон қилиниши режалаштирилмоқда.
