Ўзбекистон Президенти Ислом Каримов Италия Респубикаси Президенти Сержо Маттареллага 12 июль куни Италия жанубидаги Апулия вилоятида юз берган темир йўл ҳалокати натижасида инсонлар қурбон бўлганлиги муносабати билан чуқур таъзия изҳор этди.

Давлат раҳбари ўз мактубида қурбон бўлганларнинг оила аъзолари ва яқинларига ҳамда жароҳатлаганларга самимий ҳамдардлик ва қайғудошлик сўзларини етказишни сўради, дейилади Ўзбекистон ТИВ матбуот хизмати хабарида.

12 июль куни Италия жанубида йўловчи поездларининг тўқнашуви оқибатида 27 киши ҳалок бўлиб, 50 киши жароҳатланган эди.