Сешанба куни эрталаб Тошкентдаги Mega Planet савдо-кўнгилочар мажмуасида ёнғин содир бўлди.
Марказ ходимларининг «Газета.uz"га хабар қилишича, тўртинчи қаватдаги умумий овқатланиш шохобчаларидан бирининг ошхонасида ёнғин келиб чиққан.
Кўрилган тезкор чоралар туфайли ёнғин зудликда бартараф этилган, ҳеч ким жабрланмаган.
Содир бўлган ҳодиса муносабати билан мажмуа ташриф буюрувчилар учун вақтинча бекитилиб, тозалик куни ўтказилиши ҳақидаги эълон осиб қўйилди.
