РИА Новости — Россиянинг Карелия республикасидаги Сямозеро кўли яқинида жойлашган « Сямозеро парк-меҳмонхонаси» болалар соғломлаштириш оромгоҳида ҳордиқ чиқараётган болаларнинг бир гуруҳи сув экскурсияси вақтида пўртана (шторм)га дуч келди. Натижада улар кетаётган уч қайиқ ағдарилиб, чўкиб кетган. Бола ҳуқуқлари бўйича вакил Павел Астаховнинг Twitter орқали баён этишича, сўнгги маълумотларга кўра, 14 бола ҳалок бўлган.

Қайиқларда жами бўлиб 47 бола ва тўрт нафар катта ёши киши — соғломлаштириш оромгоҳи инструкторлари бўлган. 36 кишини қутқаришга эришилган, уларнинг 33 нафари болалардир. Барча қутқарилганлар Петрозаводск шаҳрига етказилган. ФВ натижасида жароҳатланган ва кучли стресс ҳолатига тушган болаларнинг 12 нафари шифохонага ётқизилган.

Тергов қўмитаси томонидан «Хавфсизлик талабларига жавоб бермайдиган иш ёки хизматларни кўрсатишда эҳтиётсизлик натижасида икки ёки ундан ортиқ кишининг ўлимига олиб келиш» моддаси бўйича жиноий иш қўзғатилди. Тергов қўмитасининг расмий вакили Владимир Маркиннинг маълум қилишича, айни пайтда болалар ўлимига алоқадорликда гумон қилиниб тўрт киши қўлга олинган.

20 июнь Карелияда мотам куни деб эълон қилинди.