Жума куни Парижда футбол бўйича Европа Чемпионати-2016 мусобақалари бошланди. Евро-2016 нинг илк учрашувида мезбон Франция ва Руминия терма жамоалари ўзаро баҳслашди.
Ўйиннинг биринчи таймида ҳисоб очилмади: жамоалар танаффусга голсиз кириб кетишди. Ўйиннинг 58-дақиқасида Оливье Жиру ҳисобни очиб, Франция термасини олдинга олиб чиқди. Орадан ҳеч қанча вақт ўтмай 65-дақиқада рақиб жамоа вакили Богдан Станку жарима майдончасида амалга оширилган қўполлик учун белгиланган пеналтини бехато якунига етказди ва ҳисобни тенглаштирди.
Ўйин тақдирини асосий вақтнинг сўнгги ўн дақиқасида Димитри Пайенинг голи ҳал қилди: Франция-Руминия — 2:1.
Франция — Льорис, Косьельни, Эвра, Санья, Рами, Матюиди, Канте, Пайе (Сиссоко, 90), Погба (Марсьяль, 77), Гризманн (Коман, 66), Жиру.
Руминия — Тэтэрушану, Кирикеш, Рац, Сэпунару, Григоре, Станчу (Кипчу, 72), Хобан, Пинтилий, Попа (Торже, 82), Станку, Андоне (Алибек, 61).
Огоҳлантиришлар: Кирикеш (32), Рац (45), Жиру (68), Попа (78).
