Эр (хотин)нинг доимий пропискаси Тошкент ва Тошкент вилоятига қўйилганидан сўнг бир йил ичида никоҳ бекор қилинган тақдирда шу санадан бошлаб ўз кучини йўқотади. Ушбу тартиб «Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида»ги Қонунга киритилган ўзгартишда ўз ифодасини топди.

Қонунга киритилган ўзгартиш Президент томонидан 25 апрелда имзоланган бўлиб, 26 апрелдан кучга кирди.

Пойтахт ҳудудида прописка тўғрисидаги қонун 2011 йилда қабул қилинган эди. Унда Тошкент ва пойтахт вилоятига прописка қўйилиши мумкин бўлган фуқароларнинг 12 тоифаси келтириб ўтилган.