Биринчи чоракда «Ўзбекистон темир йўллари» поездларида 4,9 млн йўловчи ташилди. Бу ҳақда пайшанба куни Тошкентда блиб ўтган матбуот анжуманида компания раисининг биринчи ўринбосари Даврон Деҳқонов.
Уч ой давомида юк ташиш ҳажми 16,7 млн тоннани ташкил этиб, ўтган йилнинг худди шу даврига нисбатан 100 минг тонна кўпроқ иш бажарилди.
Инвестицион лойиҳалар доирасида 187,47 млн доллар ўзлаштирилди (бутун йил мобайнида 799,22 млн доллар ўзлаштирилиши режалаштирилган). Мазкур маблағлар стратегик муҳим лойиҳалар — «Ангрен-Поп» темир йўл тармоғини электрлаштириш, тезюрар йўловчи поездлари ҳаракатини ташкил этиш кўзда тутилган «Самарқанд-Бухоро» участкасини электрлаштириш, «Навоий-Конимех-Мискен» темир йўл тармоғини қуриш ва бошқаларни амалга оширишга йўналтирилган.
Барча қурилиш ишлари жадвал асосидаамалга оширилмоқда, компаниянинг барча кучлари лойиҳаларни белгиланган муддатларда якунлашга қаратилган, дея қайд этди Даврон Деҳқонов.
«Ангрен-Поп» тармоғи қурилиши лойиҳаси доирасида Қамчиқ довони орқали ўтадиган туннел қурилишида 27 февраль куни бурғулаш ишлари ниҳоясига етказилди, ҳозирда пардозлаш, йўлларни ётқизиш ва уларни электрлаштириш ишлари олиб борилмоқда.
Август ойи сўнгида «Тошкент-Бухоро» тезюрар йўналишининг очилиши кутилмоқда. 2017 йилда эса «Қарши-Термиз» темир йўлининг электрланиши якунига етиши режалаштирилган.
Тезюрар магистраллар тармоғини ривожлантириш чоралари бўйича «Ўзбекистон темир йўллари» ҳаракат таркиби паркини ҳам кенгайтирмоқда. Ўтган йилнинг кузида Испаниянинг Patentes Talgo компанияси билан шартнома имзоланди, айни пайтда иккита янги йўловчи таркиби учун аванс тўлови амалга оширилган.
