Ўзбекистон Республикаси Президенти Ислом Каримов Президент Владимир Путиннинг таклифига биноан 25-26 апрель кунлари расмий ташриф билан Россия Федерациясида бўлади. Бу ҳақада ЎзА хабар қилди.
Ташриф давомида давлат раҳбарлари Ўзбекистон ва Россия ҳамкорлигининг долзарб масалаларини муҳокама қиладилар, минтақавий ва халқаро аҳамиятга молик айрим муаммолар юзасидан фикр алмашадилар.
Музокаралар якуни бўйича Ўзбекистон билан Россиянинг турли соҳалардаги ўзаро ҳамкорлигини янада ривожлантиришга қаратилган қатор ҳужжатлар имзоланиши режалаштирилган.
