«Тошкент» халқаро аэропортида реконструкциядан сўнг «Ўзбекистон ҳаво йўллари» ва бошқа авиакомпанияларнинг бизнес-класс йўловчилари учун янги «Uzbekistan Airways» Business Lounge фойдаланишга топширилди.

Ташувчи матбуот хизматининг хабар қилишича, Business Lounge дизайнини ишлаб чиқишда янги архитектура тамойиллари ва технологиялари инобатга олинди. Бу ерга йўловчиларни рўйхатдан ўтказиш ҳамда юкларни саралаш учун жаҳон талабларига жавоб берувчи замонавий ускуналар ўрнатилди.

Кенг ва қулай кутиш залининг майдони 350 кв. м бўлиб, 160 ўринга мўлжалланган. Йўловчилар учун ўйин майдончасига эга она ва бола хонаси ҳамда ювиниш кабинаси, тиббий ёрдам хонаси, шунингдек, Duty Free божсиз савдо дўкони ҳам мавжуд.

Шинам кафе-барда таом ҳамда ичимликларнинг кенг ассортименти таклиф этилади. Ўнғай мебель, кенг форматли телеэкранлар, бепул Wi-Fi ҳамда энг сўнгги матбуот нашрлар танлови парвозни кутишнинг ёқимли ва қулай бўлишини таъминлайди. Жисмоний имкониятларга эга шахслар учун махсус хизмат кўрсатиш таклиф этилади.

Миллий авиакомпания маълумотларига кўра, айни пайтда бизнес-класс йўловчилари учун учиб келиш залини капитал таъмирлаш бўйича ишлар олиб борилмоқда.