1 майдан бошлаб Самарқандда жамоат транспортида тўлов ўрнида пластик карточкалари орқали сотиб олиш мумкин бўлган жетонлардан фойдаланиш режалаштирилган.
Самарқанд вилоят ҳокимининг бу борадаги қарори лойиҳаси муҳокама учун Ягона интерактив давлат хизматлари порталида эълон қилинди.
Режага кўра, шаҳар бўйлаб жетонлар сотиш бўйича банк пластик карточкаларини қабул қилиш учун терминаллар билан таъминланган махсус пунктлар ўрнатилади.
Ҳужжат лойиҳасида қайд этилишича, бундай қарор аҳоли учун қулайлик яратиш мақсадида қабул қилинмоқда.
Ер усти жамоат транспортида юриш учун жетонлар Тошкентда 2013 йилнинг мартидан буён амалда. Уларни фақат пластик карточкалар орқали сотиб олиш мумкин.
