Сешанба куни Тошкентда инсоннинг коинотга илк бора парвоз қилган кунига 55 йил тўлиши муносабати билан қатор маросимлар бўлиб ўтди.
1961 йилнинг 12 апрель куни катта лейтенант Юрий Алексеевич Гагарин «Восток» коинот сунъий йўлдоши бортида инсоният ичида биринчи бўлиб ўз сайёраси чегаралари ва унинг ҳаво кенгликларини тарк этган эди.
Пойтахтнинг Чилонзор туманида унинг номи билан аталадиган майдонда мазкур сана муносабати билан таъсис этилган Халқаро инсоннинг коинотга парвоз қилган кунига бағишланган маросим бўлиб ўтди.
Тадбирда фахрийлар ва мактаб ўқувчилари, дипломатлар, давлат ва жамоат ташкилотлари вакиллари иштирок этиб, биринчи космонавт ҳайкали пойига гулчамбарлар қўйди.
Ёдгорлик пойида йиғилганларни Россия Федерацияси элчиси Владимир Тюрденев табриклаб, ушбу тарихий сана барча инсониятга тегишли эканини таъкидлаб ўтди.
Мазкур санага бағишланган яна бир тадбир Тошкент политехника музейида бўлиб ўтди. Шу кун муносабати билан музей фонди украиналик муаллиф Алексей Леонов томонидан тайёрланган Юрий Гагариннинг бронза бюсти билан бойиди.
Ўзининг кўп йиллик сухандонлик фаолияти давомида машхур космонавтлардан интервью олган Ўзбекистонда хизмат кўрсатган артист Галина Мелникова ҳам музейга бир қанча тарихий фотосуратлардан иборат ўз тортиғини ҳадя қилди.
Фото
