Тошкентдаги «Ўзэкспомарказ»да 23-25 март кунлари VIII халқаро Uzbekistan Industrial Forum-2016 саноат форуми бўлиб ўтади.
«Жаҳон» АА хабарига кўра, IEG Uzbekistan томонидан ташкиллаштирилган форум олтита саноат кўргазмаси — UzSpectechExpo-2016, UzMetalMashExpo-2016, UzMiningExpo-2016, UzSecureExpo-2016, UzChemPlastExpo-2016 ва UzAutomationExpo-2016`ни ўзида бирлаштирди.
Кўргазмаларда дунёнинг 15 мамлакати, жумладан, Австралия, Арманистон, Германия, Эрон, Италия, Қозоғистон, Хитой, Жанубий Корея, Нидерландия, Россия, Туркия, Ўзбекистон, Украина, Финляндия ва Швейцариянинг 60дан зиёд компаниялари иштирок этмоқда.
«Турли кўргазмаларни Uzbekistan Industrial Forum`да бирлаштириш саноатнинг етакчи соҳаларини қамраб олишга имкон беради», — деди лойиҳа раҳбари Светлана Денисова. Унинг сўзларига кўра, форумда хорижий иштирокчиларнинг улуши 60 фоиздан кам эмас.
