22 март куни Брюссель шаҳрида содир бўлган қатор портлашлар натижасида қурбон бўлганлар ва жароҳатланганлар рўйхатида Ўзбекистон фуқаролари йўқ, дея хабар тарқатди ТИВ чоршанба куни.

Сешанба куни эрталаб Брюссель халқаро аэропортида икки маротаба портлаш содир этилди. Учинчи портлаш эса метронинг «Мальбек» бекатида рўй берди.

Сўнгги маълумотларга кўра, портлашлар оқибатида 31 киши ҳаётдан кўз юмган, 270 киши жароҳатланган. Бельгия ҳукуматининг тахминича, портлашларда бир қанча худкуш-террорчилар алоқадор бўлиши мумкин.