Ўзбек спортчилари боулинг бўйича Almaty Open 2015 халқаро турнирида шоҳсупанинг иккита юқори поғонасини банд қилди, деб хабар беради республика Кегель спорти федерацияси

Ўзбекистоннинг 2014-2015 йиллардаги мавсуми чемпиони Бекзод Тўхтаниёзов олтин, бахтиёр Далабоев эса кумуш медални қўлга киритди. Учинчи ўрин қозоғистонлик Геннадий Вологинга насиб этди.

Мусобақаларда Қозоғистон, Ўзбекистон ва Россиядан 40 нафар спортчи иштирок этди, уларнинг аксарияти жаҳон ва қитъа биринчиликлари қатнашчиларидир.