Ўзбек паралимпиячиси Ҳусниддин Норбеков Доҳада (Қатар) жисмоний имконияти чекланган спортчилар ўртасида енгил атлетика бўйича бўлиб ўтаётган жаҳон чемпионатида бронза медалига сазовор бўлди.
Ядро ирғитишда Норбеков 14,57 метрлик натижа кўрсатди, деб хабар қилади Миллий паралимпия уюшмаси матбуот хизмати.
«Натижадан хурсандман, лекин яхшироқ натижа кўрсатишим ҳам мумкин эди, — деди Норбеков. — Кўрсаткичларимни яхшилашга ва Риода олтин медаль олиш учун курашишга ҳаракат қиламан».
Эслатиб ўтамиз, мусобақаларнинг биринчи куни яна бир ўзбек спортчиси Бекжон Чеваров узунликка сакраш бўйича 6,65 метлик натижа кўрсатиб, бронза медали олган ва Осиёнинг янги рекордини ўрнатган эди.
21-31 октябрь кунлари бўлиб ўтаётган жаҳон чемпионатида 100 та мамлакатдан 1300 дан ошиқ спортчи иштирок этмоқда.
