Ғафур Ғулом номидаги нашриёт-матбаа ижодий уйи 100-жилдлик «Ўзбек халқ ижоди ёдгорликлари»нинг илк икки жилдини нашрдан чиқарди, деб хабар қилади Ўзбекистон Матбуот ва ахборот агентлиги

Биринчи жилдда «Алпомиш» достонининг Фозил Йўлдош ўғли варианти ўрин олган бўлса, иккинчи жилдда «Юсуф билан Аҳмад» достонининг Муҳаммадқул Жонмурод ўғли Пўлкан ва Фозил Йўлдош варианти берилган.

Ушбу китобларни Ўзбекистон Фанлар Академияси Алишер Навоий номли Тил ва адабиёт институти ходимлари нашрга тайёрлаган.