Ўзбекистон велосипедчилари 9-11 октябрь кунлари Бангкокда Осиё велоспорт конфедерациясининг (ACC) Thailand Round трекида бўлиб ўтган Осиё кубоги биринчи босқичида еттита медални қўлга киритди. Бу ҳақда «Газета.uz»га Велоспорт федерацияси хабар қилди.
Эркаклар ўртасидаги элита тоифасига мансуб жамоа пойгасида Тимур Гумеров, Вадим Шаехов, Руслан Фёдоров ва Сергей Медведев кумуш, 4 км.га яккалик таъқиб пойгасида Роман Шукуров ҳам кумуш, омниум пойгасида эса Вадим Шаехов бронза медалини қўлга киритди.
Ўсмирлар мусобақасининг скрэтч пойгасида Дилмуроджон Сиддиқов бронза, 3 км.га яккалик таъқиб пойгасида Андрей Измайлов кумуш медалга сазовор бўлди.
Ўсмир қизлар ўртасидаги скрэтч ва кейрин пойгаларида Рената Байметова иккита бронза медалини ютиб олди.
