РИА Новости — «Бавария» футбол клубининг польшалик ҳужумчиси Роберт Левандовский футбол бўйича Германия чемпионати 6-турининг сешанба куни Мюнхенда бўлиб ўтган «Вольфсбург» жамоасига қарши ўйинида 9 дақиқада 5 та гол урди ва буни ақл бовар қилмас воқеа деб атади.
Сешанба куни Мюнхенда бўлиб ўтган ўйин 5:1 ҳисобида меҳмонлар фойдасига ҳал бўлди. 26-дақиқада Даниел Калиджури гол ургандан сўнг меҳмонлар олдинга чиқиб олди. Левандовский танаффусдан сўнг майдонга тушди ва 9 дақиқада (51-, 52-, 55-, 57 ва 60-дақиқа) 5 та гол уриб, бундеслига тарихида энг тез учта (хет-трик), тўртта (покер) ва бешта (пента-трик) гол урган футболчига айланди.
«Албатта хурсандман, Ақл бовар қилмас воқеа ва ўзим ҳам лол қолган кеча бўлди. Биринчи таймдан сўнг биз ютқазаётган эдик ва иккита гол уришимиз керак бўлгани учун жон-жаҳдим билан ўйнагим келди. Учинчи ёки тўртинчи голдан сўнг таблога қараб, яна анча ўйнашимиз кераклигини кўриб, ҳайрон қолдим. Тренер гапириши ҳам шарт эмасди, шусиз ҳам нима қилишим кераклигини билар эдим», — дея Левандовскийнинг сўзларини келтиради «Бавария»нинг расмий сайти.
Левандовскийнинг жамоадоши, ҳимояси Жером Боатенгнинг фикрича, 2014 йили «Бавария»га Дортмунднинг «Боруссия» жамоасидан ўтган 27 яшар поляк дунёдаги энг зўр ҳужумчилардан биридир.
«У дунёдаги энг зўр ҳужумчилардан биридир ва у мен билан бир жамоада ўйнаётганидан хурсандман. Унга қарши ҳимояланиш жуда қийин. Яхшиямки, унга фақат чигилёзди машқларида қарши ўйнайман», — деди Боатенг.
