Ўтган йилнинг ноябрь ойида ишга тушган Sputnik хабарлар агентлиги ўз порталининг ўзбек тилидаги версиясини (лотин ва кирилл ёзувларида) очди.

Сайтдаги материаллар «Дунёда», «Сиёсат», «Иқтисод», «Миграция», «Жамият», «Маданият», «Туризм», «Аналитика» ва «Мултимедиа» рукнларига гуруҳланади. Порталнинг рус тилидаги версиясидан фойдаланувчилар Sputnik радиодастурини ҳам тинглаши мумкин.

Sputnik «Россия сегодня» (собиқ РИА Новости) ахборот агентлигининг фақат чет элларга мўлжалланган лойиҳасидир.

Sputnik абхаз, араб, арман, грузин, дари, инглиз, испан, курд, қозоқ, қрим-татар, қирғиз, латиш, молдован, озарбайжон, олмон, поляк, португал, пушту, серб, рус, турк, тожик, ўзбек, украин, фин, француз, хитой, ҳинд, эстон ва япон тилларида хабарлар тайёрлаб тарқатади.