Интернет хизматлари сифати, жумладан, Skype, Viber, Telegram ва бошқа оммабоп мулоқот воситалари ишининг ёмонлашиши 1 октябрга қадар чўзилиши мумкин. Бу ҳақда Тошкентдаги интернет-провайдерлар хабар қилди.

«Ўзбектелеком» компанияси маълумотларига асосланган ҳолда, провайдерлар миллий телекоммуникация оператори «ҳамкорларининг тармоқларидаги профилактика ишлари»ни кейинги ойга қадар узайтирилгани ҳақида билдирди.

Ўзбекистонлик интернет фойдаланувчилари июль ойининг охиридан бери Skype орқали қўнғироқ қилиш муаммоларидан шикоят қилиб келмоқда (матнли хабарлар ушбу дастурда муаммосиз узатилмоқда). Дастлаб профилактика ишлари 8 августгача, кейинчалик 31 августга қадар тугаши кутилган эди.

«Ўзбектелеком» ўзининг Халқаро пакетли коммутация маркази орқали мамлакатдаги барча провайдерларга интернетга уланиш хизматини кўрсатади.