Euronews телеканали Самарқанд, Бухоро ва Хивадаги тарихий ёдгорликларга бағишланган реклама ролигини намойиш қила бошлади. Ролик 2016 йил мартига қадар кўрсатилади, дейилади «Ўзбектуризм» Миллий компанияси тарқатган хабарда.
Бундан ташқари, телеканалнинг Le Mag рукнида яқинда Самарқанд шаҳрида бўлиб ўтган ва бутун жаҳон аҳли эътиборини жалб қилган «Шарқ тароналари» халқаро мусиқа фестивалига бағишланган репортаж узатила бошлади.
«Ўзбектуризм» 2013 йилдан бери Euronews билан Ўзбекистоннинг тарихий ёдгорликларини кенг тарғиб этиш бўйича бир қанча соҳада ҳамкорлик қилмоқда.
Euronews телеканали дастурлари 13 тилда тайёрланиб, эфирга узатилади ва 370 миллион телетомошабинни қамраб олади.
