Jahon

10 iyul 2020, 11:43

Seul meri o‘lik holda topildi

Seulning bedarak yo‘qolgan meri Pak Von Sun o‘lik holda topildi. O‘limning dastlabki sababi sifatida o‘z joniga qasd qilish aytilmoqda. Uning ish stolida xayrlashuv maktubi topilgan. Avvalroq, Seul meriga qarshi jinsiy zo‘ravonlik bilan bog‘liq ayblovlar ko‘yilgandi.

9 iyul 2020, 15:34

Serbiyaning bir nechta shaharlarida norozilik namoyishlari bo‘lib o‘tdi

8 iyul kuni kechqurun Serbiyada hukumatga qarshi norozilik namoyishlari bo‘lib o‘tdi. Namoyish ishtirokchilari, bir necha ming kishi, mamlakatdagi epidemiologik vaziyatdan va xukumatning koronavirus tarqalishiga qarshi olib borayotgan harakatlaridan noroziligini bildirdi.

8 iyul 2020, 20:56

Qozog‘istonda 13 iyul motam kuni deb e’lon qilindi

13 iyul Qozog‘istonda koronavirus qurbonlari uchun milliy motam kuni deb e’lon qilindi. So‘nggi kunlarda mamlakatda vafot etganlar soni bo‘yicha rekordlar qayd etilmoqda.

8 iyul 2020, 11:06

Braziliya prezidentida koronavirus tasdiqlandi

Braziliya prezidenti Jair Bolsonaruning koronavirusga topshirgan test natijalari ijobiy chiqdi. U uydan turib o‘z ish faoliyatini davom ettiradi.

7 iyul 2020, 13:29

AQSH ayrim chet ellik talabalariga viza cheklovlarini joriy etdi

AQSH hukumati 2020 yil kuzgi semestrda to‘liq onlayn bo‘lgan o‘quv muassasalari va dasturlarga qabul qilingan F-1 va M-1 vizasiga nomzod talabalarga viza berishni vaqtinchalik to‘xtatdi. Hozirda AQSHda bunday dasturlarda ta’lim olayotgan talabalar mamlakatni tark etishlari yoki qonuniy maqomda qolish uchun yuzma-yuz o‘qitiladigan o‘quv muassasasiga o‘tish kabi boshqa choralarni ko‘rishlari kerak bo‘ladi.

6 iyul 2020, 12:22

Dunyoning eng mashhur bastakorlardan biri Ennio Morrikone vafot etdi

Butun dunyoga mashhur italiyalik bastakor Ennio Morrikone 91 yoshda vafot etdi. U “Bir zamonlar Amerikada”, “Pianist haqida afsona” va boshqa taniqli kinolarga bastakorlik qilgan hamda kino san’atiga qo‘shgan hissasi uchun ikki marta “Oskar” mukofotiga sazovor bo‘lgan.

4 iyul 2020, 00:40

Fransiyada yangi bosh vazir tayinlandi

Fransiya bosh vaziri Eduard Filipp iste’foga chiqqani sababli Jan Kasteks yangi bosh vazir etib tayinlandi.

3 iyul 2020, 22:17

Habib Nurmagomedovning otasi vafot etdi

Mashhur UFC jangchisi Habib Nurmagomedovning otasi Abdulmanap Nurmagomedov uzoq davom etgan kasallikdan so‘ng Moskvada vafot etdi. Unga koronavirus tashxisi quyilgandi.

3 iyul 2020, 18:04

Elektronika chiqindilari hajmi aholiga soniga nisbatan uch baravar tez o‘smoqda

So‘nggi besh yil ichida elektronika chiqindilari dunyo aholisiga nisbatan uch baravarga, global YAIMga nisbatan esa 13 foizga tezroq o‘sdi. Uning beshdan biridan kamroq qismi qayta ishlanadi, qolgani esa chiqindixonalarga tashlanadi va atrof-muhitga, inson salomatligiga zarar yetkazadi.

2 iyul 2020, 18:33

Rossiya konstitutsiyasiga o‘zgartirishlar kiritiladi. Nima o‘zgarmoqda?

Rossiya konstitutsiyasiga o‘zgartirish kiritish bo‘yicha o‘tkazilgan referendumda ovoz berganlarning deyarli 78 foizi ushbu o‘zgarishlarni qo‘llab-quvvatladi. Prezidentlik muddatining nollashtirilishi, sobiq prezidentlarning daxlsizligi, bosh qomusda Xudoning tilga olinishi hamda nikoh tushunchasi — “Gazeta.uz” Rossiya konstitutsiyasiga kiritilayotgan asosiy o‘zgartirishlarni taqdim etadi.

2 iyul 2020, 16:52

Nursulton Nazarboyev koronavirusdan tuzaldi

Qozog‘istonning birinchi prezidenti Nursulton Nazarboyev koronavirusdan tuzaldi. Uning koronavirus infeksiyasiga topshirgan testi manfiy natija bergani haqida ma’lum qilindi.

2 iyul 2020, 15:27

Qozog‘istonda karantin choralari kuchaytiriladi

Qozog‘istonda COVID-19 holatlari ko‘payishi sababli 5 iyuldan boshlab karantin ikki haftaga kuchaytiriladi. Ommaviy tadbirlar o‘tkazish va yopiq bozorlar, go‘zallik salonlari, bolalar bog‘chalari va boshqa ob’ektlar ish faoliyati taqiqlanadi.

1 iyul 2020, 23:29

Hindistonda COVID-19dan o‘lganlarning jasadlari chuqurga uloqtirilgan video tarqaldi

Hindistonning janubidagi Karnataka shtatida COVID-19 qurboni bo‘lganlarning jasadlari chuqurga uloqtirilgani aks etgan video ijtimoiy tarmoqlarda tarqaldi. Rasmiylar uzr so‘radi.

1 iyul 2020, 16:14

XMT: Inqirozdan chiqish oson va tez kechmaydi

Yilning ikkinchi choragida ish vaqti hajmi 14 foizga kamaydi, bu — 400 mln ish joyining yo‘qolishiga tengdir. XMT ekspertlari ish o‘rinlari yana 11,9 foizga, ya’ni 340 million ish joyiga qisqarishi mumkinligini taxmin qilmoqda.

1 iyul 2020, 13:15

Microsoft va Google eng qimmat brendlar uchligida o‘rin almashishdi

Microsoft Googleni eng qimmat brendlar uchligidan chiqarib tashladi. Microsoft 326 mlrd dollarga, Google esa 323 mlrd dollarga baholandi. Amazon yana birinchi o‘rinda. TikTok brendi deyarli 17 mlrd dollarga baholanib, Uber va Adidas kabi kompaniyalardan qimmatroq bo‘ldi.

1 iyul 2020, 12:21

Hindistonda TikTok va boshqa Xitoyda ishlab chiqilgan dasturlar taqiqlab qo‘yildi

Hindiston rasmiylari TikTok, WeChat, Weibo va Helo kabi bir qator dasturlarni «Hindistonning suvereniteti va yaxlitligiga putur yetkazadi» deb topdi. Ushbu taqiq oqibatida Xitoy mobil ilovalari hidistonlik 300 million foydalanuvchisini yo‘qotishi bildirilmoqda.

29 iyun 2020, 14:40

Boykot sababli Facebook rahbari Sukerberg $7 mlrd yo‘qotdi

Dunyodagi bir qator yirik kompaniyalar Facebook ijtimoiy tarmog‘iga qarshi uyushtirgan boykotdan so‘ng kompaniya aksiyalari 8,3 foizga tushib ketdi. Mark Sukerberg esa 7,2 mlrd dollar yo‘qotdi.

28 iyun 2020, 16:05

Dunyo bo‘ylab COVID-19 holatlari 10 mln kishidan oshdi

Dunyo bo‘ylab aniqlangan koronavirus holatlari 10 mlndan oshdi. Bunda, 5 mln nafar bemor COVID-19 infeksiyasidan sog‘aygan va 500 ming nafari esa hayotdan ko‘z yumgan. Shuningdek, AQSH, Braziliya va Rossiyada eng ko‘p koronavirus bilan zararlanish holatlari qayd etilgan.

26 iyun 2020, 16:41

«Trampni Putin bilan birga bir qoldirish mumkin emas edi» — AQSH prezidentining sobiq maslahatchisi

Donald Trampning milliy xavfsizlik bo‘yicha sobiq maslahatchisi Jon Bolton Oq uyda ishlagan davri haqida kitob chop etdi. AQSH prezidenti va administratsiyasining qattiq e’tiroziga sabab bo‘lgan memuarda Trampning Rossiya va Putinga bo‘lgan munosabatlari, Shimoliy Koreya bilan muzokaralar, Ukrainadagi vaziyat va boshqa masalalar to‘g‘risida Boltonning xotiralari berilgan. «Gazeta.uz» ushbu kitobda keltirilgan asosiy fikrlarni taqdim etadi.

26 iyun 2020, 02:35

Liverpul muddatdan avval Angliya chempioni bo‘ldi

Liverpul muddatdan avval Angliya chempioni bo‘ldi. Chempionatning 31-turidan o‘rin olgan Chelsi-Manchester Siti o‘yinida londonliklar 2−1 hisobida g‘alaba qozonganligi sababli, Liverpul 23 ochkoga o‘zib ketdi. Mersisaydliklar uchun chempionatdagi g‘alaba 1990 yildan birinchisi bo‘ldi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting