Jahon

3 avgust 2020, 13:31

Berlinda karantinga qarshi namoyishlar bo‘lib o‘tdi

Berlinda koronavirus pandemiyasi sababli qo‘yilgan cheklovlarga qarshi mitinglar bo‘lib o‘tdi. To‘qnashuvlar natijasida 45 politsiya xodimi jarohatlandi, 133 ishtirokchi hibsga olindi.

3 avgust 2020, 12:06

Crew Dragon kemasi Yerga qaytdi

SpaceX kompaniyasining Crew Dragon kosmik kemasi ikkita kosmonavt bilan birga ilk kosmik parvozidan keyin Yerga xavfsiz tarzda qaytib kelishdi. Missiya 64 kun davom etdi.

1 avgust 2020, 18:10

Belarusda eng yirik miting bo‘lib o‘tdi

Belarus prezidentligiga nomzod Svetlana Tixanovskayani qo‘llab-quvvatlash uchun 30 iyul kuni Minskda o‘tkazilgan miting 63 mingga yaqin odamni to‘pladi (huquq himoyachilarining ma’lumotlariga ko‘ra). Bu mamlakatdagi eng yirik mitingga aylandi.

30 iyul 2020, 14:22

Facebook, Google, Amazon va Apple AQSH Kongressi tomonidan so‘roq qilindi

«Eng yirik IT-korporatsiyalar foydalanuvchilar ma’lumotlarini raqobatchilarini „yo‘q qilish“ uchun qo‘llashmoqda, bu kompaniyalar juda yirik», — deydi AQSH kongressmenlari. Shu masalada ushbu yirik kompaniyalar, Apple, Facebook, Google va Amazon rahbarlari Kongress savollariga javob berishdi.

29 iyul 2020, 12:42

Qozog‘istonda karantin yana ikki haftaga uzaytiriladi

Qozog‘iston Prezidenti Qosim-Jomart Tokayev mamlakatda iyul oyi oxirigacha amalda bo‘lgan karantin tadbirlarini yana ikki haftaga cho‘zish va undan keyin bosqichma-bosqich yumshatishni buyurdi.

29 iyul 2020, 12:29

Lukashenko koronavirusni «oyoqda» o‘tkazganini ma’lum qildi

Belarus prezidenti Aleksandr Lukashenko koronavirus infeksiyasi bilan kasallanganini ma’lum qildi. Unda kasallik simptomsiz kechganini va u infeksiyani «oyoqda» o‘tkazganini ta’kidladi.

23 iyul 2020, 14:19

Turkmaniston JST kuzatuvchisiga aylandi

Jahon savdo tashkiloti a’zolari Turkmanistonga kuzatuvchi maqomini berishni qo‘llab-quvvatladilar. Turkmaniston sobiq sovet respublikalari orasida JST bilan rasmiy munosabatlar o‘rnatgan oxirgi mamlakatga aylandi.

23 iyul 2020, 13:37

Xitoy Marsga ilk missiyasini boshladi

Xitoy Mars sayyorasini o‘rganish uchun Tianwen-1 zondini uchirdi. Sayyora yuzasiga chiqish uchun yetti oy kerak bo‘ladi. Agar missiya rejadagidek amalga oshirilsa, zond 2021 yilda Yerga birinchi ma’lumotlarni yuboradi.

23 iyul 2020, 11:21

AQSHda qayta ishlatiladigan niqoblar yaratildi

Massachusets texnologiya instituti muhandislari qayta ishlatish mumkin bo‘lgan, arzon va N95 respiratori bilan bir xil himoya qiladigan silikon niqob ishlab chiqishdi.

22 iyul 2020, 13:35

Ukrainaning Lutsk shahrida qurollangan shaxs 20 yo‘lovchisi bo‘lgan avtobusni garovga oldi

Ukrainaning Lutsk shahrida qurollangan shaxs 20 ga yaqin yo‘lovchisi bo‘lgan avtobusni 12 soatga yaqin garovda ushlab turdi. Mamlakat prezidenti Volodimir Zelenskiy bosqinchining talabini bajargandan so‘ng garovga olinganlar ozod etildi. Qurbonlar yo‘qligi tasdiqlandi.

20 iyul 2020, 17:38

Xabarovsk gubernatorini qo‘llab-quvvatlash uchun namoyishlar bo‘lib o‘tmoqda

Rossiyaning Xabarovsk o‘lkasi gubernatori Sergey Furgal 2000 yillar boshida uyushtirilgan suiqasdda gumon qilinib, qo‘lga olindi. 10 mingdan ortiq Xabarovsk aholisi bunga qarshilik bildirish uchun ommaviy namoyishlarga chiqishdi. Sergey Furgalning nima uchun qo‘lga olinganligi bo‘yicha siyosatshunos va ekspertlar fikri.

17 iyul 2020, 18:01

«Moskvaning 60% aholisida koronavirusga qarshi jamoaviy immunitet shakllangan» — Sobyanin

Moskva meri Sergey Sobyanin Rossiya poytaxtida koronavirus holatlari sezilarli darajada pasayganiga asosiy sabab shahar aholisining 60 foizida koronavirus infeksiyasiga qarshi «jamoaviy immunitet shakllangani», deya ta’kidladi.

17 iyul 2020, 12:41

Hindistonda koronavirus bemorlari soni 1 milliondan oshdi

Hindiston koronavirus bilan kasallanganlarning umumiy soni 1 milliondan oshgan uchinchi davlatga aylanib, AQSH (3,5 mln dan ortiq) va Braziliya (2 mln dan ortiq) mamlakatlaridan keyingi o‘rinda ketmoqda.

16 iyul 2020, 17:10

Turkmanistonda ibodat maskanlari vaqtinchalik yopildi

Turkmanistonda masjidlar, cherkovlar va boshqa ibodat muassasalari hamda ziyoratgohlar profilaktika maqsadida vaqtinchalik yopildi. Shuningdek, mamlakatga tashrif buyurgan JSST rasmiy delegatsiyasi Turkmanistonda COVID-19 bilan bog‘liq holatlar qayd etilmaganini ma’lum qildi.

15 iyul 2020, 15:53

Xitoy AQSHning Gonkong to‘g‘risidagi qonunga qarshi sanksiyalariga javob qaytaradi

Donald Tramp Gonkongda milliy xavfsizlikni ta’minlash to‘g‘risidagi qonunni ishlab chiqish va qabul qilishda qatnashgan kompaniyalar va shaxslarga nisbatan cheklovlar joriy etish to‘g‘risidagi qonunni imzoladi. Shundan so‘ng Xitoy AQSHga qarshi javob sanksiyalarini qo‘llashi mumkinligi bilan ogohlantirdi.

15 iyul 2020, 13:22

AQSHda onlayn ta’lim olayotgan chet ellik talabalar deport qilinmaydigan bo‘ldi

AQSH hukumati pandemiya sababli onlayn ta’limga o‘tgan chet ellik talabalar uchun vizalarni bekor qilish rejalaridan voz kechdi. Oldinroq, Garvard universiteti va Massachusets texnologiya instituti, shuningdek 17 shtat va Kolumbiya okrugi rasmiylari Tramp ma’muriyatining ushbu qarori bo‘yicha sudga murojaat qilishgan edi.

14 iyul 2020, 19:51

AQSHda 17 yil ichida ilk bor federal jinoyatlarda ayblangan mahkum qatl etildi

AQSHda so‘nggi 17 yil ichida ilk bor federal darajadagi jinoyatda ayblangan mahkum qatl etildi. Uch kishilik oilani o‘ldirganlikda ayblangan 47 yoshli mahkumning tanasiga o‘lim in’eksiyasi yuborildi. Mamlakatda iyul-avgust oylarida yana uch kishi qatl etiladi.

13 iyul 2020, 22:16

Qozog‘istonda karantin muddati uzaytirildi, ehtiyojmandlarga pul to‘lanadi

Qozog‘iston prezidenti Qosim-Jomart Tokayev karantin rejimi yana ikki haftaga uzaytirilishi hamda iyul oyida ehtiyojmandlarga 42,5 ming tengedan to‘lanishini ma’lum qildi.

13 iyul 2020, 21:43

Koronavirusga qarshi ilk vaksina birinchi sinovdan muvaffaqiyatli o‘tdi

Dunyodagi birinchi COVID-19 vaksinasi Rossiyada klinik sinovlardan muvaffaqiyatli o‘tdi. Sinovlarda vaksinaning inson uchun zararsiz ekani aniqlandi. Birinchi ko‘ngillilar guruhi 15 iyul kuni kasalxonadan chiqariladi.

13 iyul 2020, 18:37

Dunyoda koronavirus bo‘yicha kunlik rekord yangilandi — 230 mingdan ortiq

JSST koronavirus infeksiyasining kunlik tasdiqlanish holati yana rekord darajada oshganini ma’lum qildi — kuniga 230 mingdan ortiqroq. Dunyo bo‘yicha umumiy qayd etilgan kasallik holatlari 12,93 mln, vafot etganlar soni esa 570 mingdan oshdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting