Jahon

23 noyabr 2022, 20:28

Yevroparlament Rossiyani terrorizmga homiylik qiluvchi davlat sifatida tan oldi

Yevroparlament Rossiya qo‘shinlarining Ukrainadagi tinch aholiga nisbatan vahshiyliklari uchun Rossiyani terrorizm homiysi sifatida tan oldi. Shuningdek, deputatlar Yevropa kengashini Rossiyaning «Vagner» xususiy harbiy kompaniyasi va «Qodirovchilar» polkini terrorchi tashkilotlar ro‘yxatiga kiritishga chaqirdi.

23 noyabr 2022, 15:17

Orion kosmik kemasi Oyga yetib bordi

NASA`ning Orion kosmik kemasi Oyga uchib borib, Yerning sun’iy yo‘ldoshi atrofidan aylanib o‘tdi. Mazkur Artemis I missiyasi odamlarni Oyga olib chiqish, unda uzoq muddat qolish va Marsga keyingi parvozlarni amalga oshirish loyihasining boshlanishi bo‘ladi. Keyingi parvozda uni odamlar boshqarib borishi mumkin.

23 noyabr 2022, 08:49

Pskovdagi o‘zbek talabalari «notinch vaziyat» tufayli prezidentga murojaat yo‘llashdi

Rossiyaning Pskov davlat universitetida o‘qiydigan o‘zbekistonlik talabalar «notinch vaziyat» sabab o‘qishlarini O‘zbekistondagi OTMlarga istisno tariqasida ko‘chirishni so‘rab prezident Shavkat Mirziyoyevga videomurojaat yo‘llashdi. «Pskov shahriga ham urush o‘z ta’sirini o‘tkazmoqda», deya ta’kidlagan ular.

22 noyabr 2022, 15:02

Aziz Abduhakimov Yaponiyaning oliy darajadagi ordeni bilan taqdirlandi

Turizm va madaniy meros vaziri Aziz Abduhakimov Yaponiya imperatoridan «Chiqayotgan quyosh katta kordon» ordenini qabul qilib oldi. Yaponiyaning eng qadimiy ordeni ikki davlat o‘rtasidagi do‘stona munosabatlarni mustahkamlashga qo‘shilgan ko‘p yillik xizmatlar uchun berildi.

22 noyabr 2022, 11:17

Indoneziyada kuchli zilzila sabab 160 nafardan ortiq kishi halok bo‘ldi

Indoneziyaning Yava orolida bo‘lgan 5,6 magnitudali zilzila sabab Cianjur shahrida 162 kishi halok bo‘ldi, 300 nafardan ortiq odam jarohatlandi. Uylari zarar ko‘rgan 13 mingdan ortiq odam evakuatsiya qilindi. Bino va maktablar vayron bo‘ldi. Qutqaruvchilar hozir vayronalar ostida qolib ketganlarni qidirmoqda.

21 noyabr 2022, 21:34

«Uglerod chiqarishni hozirdanoq qisqartirishimiz kerak — ammo bu masalaga yechim topilmadi» — COP27 yakunlari

BMTning iqlim o‘zgarishi bo‘yicha 27-konferensiyasida iqlim ofatlaridan jabr ko‘rgan mamlakatlarga yordam ko‘rsatish jamg‘armasini tashkil etishga qaror qilindi. Shu bilan birga, qazib olinadigan yoqilg‘idan voz kechish va global isishni Selsiy bo‘yicha 1,5 daraja oralig‘ida ushlab turish zarurati masalalari ochiq qoldi.

20 noyabr 2022, 19:21

«Qaysi uchastkaga borishni o‘zimiz hal qildik». Xalqaro kuzatuvchilar Qozog‘istondagi saylov jarayoni haqida

Qozog‘istondagi prezident saylovlarida qatnashayotgan xalqaro kuzatuvchilar, jumladan Falastin, Italiya, O‘zbekiston, AQSh, Kanada vakillari o‘z fikrlari bilan o‘rtoqlashdi. Falastin elchisi qaysi uchastkaga borishni o‘zi hal qilganini aytsa, AQSh vakili norozilik namoyishlari bo‘lmaganini ta’kidladi.

20 noyabr 2022, 11:14

Foto: Qozog‘istonda prezident saylovlari bo‘lib o‘tmoqda

Yakshanba tongida Qozog‘istonda navbatdan tashqari prezident saylovi boshlandi. Ilk saylov uchastkasi Tokioda ochildi, ovoz berish jarayonlari oxirgi bo‘lib San-Fransiskoda tugaydi. «Gazeta.uz» muxbiri poytaxt Ostona va Akmola viloyatidagi saylov uchastkalaridan fotoreportaj tayyorladi.

18 noyabr 2022, 23:41

Qozog‘istonda prezident saylovi: 6 nafar nomzod, barchaga qarshi ovoz berish imkoniyati, 7 yillik muddat

Yakshanba kuni Qozog‘istonda navbatdan tashqari prezident saylovi bo‘lib o‘tadi. Bu safar qozoq xalqida barcha nomzodga qarshi ovoz berish imkoniyati ham mavjud. Qozog‘iston davlat maslahatchisi Erlan Karin jurnalistlar bilan uchrashuvda muxolifatni «mazkur siyosiy o‘zgarishlarning hammuallifi» deb atadi.

17 noyabr 2022, 22:04

Qirg‘iziston parlamenti O‘zbekiston bilan chegaradagi hujjatlarni ratifikatsiya qildi

Qirg‘iziston parlamenti qirg‘iz-o‘zbek davlat chegarasining alohida uchastkalari to‘g‘risidagi shartnoma va Kampir-obod (Andijon) suv omborining suv resurslarini birgalikda boshqarish to‘g‘risidagi bitimni ratifikatsiya qilishni ma’qulladi. Uch kun avval hujjatlar O‘zbekiston tomonidan ham ratifikatsiya qilingan edi.

17 noyabr 2022, 21:45

MN17 ishi: Uch nafar ayblanuvchi sirtdan umrbod qamoq jazosiga hukm qilindi, bir kishi oqlandi

Gaagada MN17 reysi Donbass osmonida halokatga uchragani (8 yil avval 298 kishi halok bo‘lgandi) ishi bo‘yicha hukm chiqarildi. Igor Girkin, Sergey Dubinskiy va Leonid Xarchenko sirtdan umrbod qamoq jazosiga hukm qilindi. Sud samolyot RF QKning «Buk» raketa tizimidan urib tushirilganini aniqladi.

15 noyabr 2022, 15:16

Moskvadagi bo‘sh turgan ofis maydonlari oshib bormoqda, ijarachilar soni esa aksincha

Ko‘plab xorijiy kompaniyalarning Rossiya bozorini tark etishi va mahalliy korxonalarning ularning o‘rnini bosishga tayyor emasligi ortidan Moskvada ofis binolarining 8,6 foizi bo‘sh qolmoqda. Aksariyat korxonalar o‘z biznesini O‘zbekiston, Qozog‘iston, BAA va Turkiyaga ko‘chirishni so‘rab murojaat qilmoqda.

15 noyabr 2022, 12:01

Putin xorijliklarga Rossiya armiyasida xizmat qilishga ruxsat berdi

Rossiya Federatsiyasi prezidenti Vladimir Putin chet el fuqaroligiga ega shaxslarni RF armiyasida xizmatni o‘tashga ruxsat beruvchi farmonni imzoladi. Hujjatga ko‘ra, ikkinchi fuqarolikka ega bo‘lgan rossiyaliklar ham harbiy xizmatga chaqiriladi.

15 noyabr 2022, 11:35

Dunyo aholisi 8 milliardga yetdi — BMT

BMT ma’lumotlariga ko‘ra, 15 noyabr kuni dunyo aholisi 8 milliardga yetdi. Prognozlarga ko‘ra, 2030 yilda dunyo aholisi 8,5 mlrdga, 2050 yilda esa 9,7 mlrdga yetishi mumkin. Shuningdek, 2023 yilda Hindiston aholisi eng ko‘p mamlakatga aylanishi kutilmoqda.

15 noyabr 2022, 10:41

O‘zbekiston BMTning Rossiya Ukrainaga tovon puli to‘lashi haqidagi rezolyutsiyasiga ovoz bermadi

BMT Bosh Assambleyasi Rossiya bosqinidan Ukrainaga yetkazilgan zararni qoplashni nazarda tutuvchi rezolyutsiyani qabul qildi. Uni 94 davlat qo‘llab-quvvatladi, 13 davlat qarshi ovoz berodi, 73 davlat, jumladan O‘zbekiston betaraf qoldi.

13 noyabr 2022, 21:02

Istanbulning mashhur Istiqlol ko‘chasida portlash sodir bo‘ldi, qurbonlar bor

Turkiyaning Istanbul shahridagi mashhur Istiqlol ko‘chasida portlash sodir bo‘ldi. Hodisada kamida 6 kishi halok bo‘ldi, 53 kishi yaralangan.

11 noyabr 2022, 19:51

Xerson Ukraina nazorati ostiga qaytmoqda — mamlakat Mudofaa vazirligi

Ukraina Qurolli Kuchlarining bir qismi Xersonga kirib bormoqda, mamlakat Mudofaa vazirligi Rossiya qo‘shinlarining asosiy guruhi chekinganidan keyin shaharda qolgan rus harbiylarini taslim bo‘lishga chaqirdi.

9 noyabr 2022, 21:18

Rossiya qo‘shinlari Xerson shahrini tark etadi

Rossiya mudofaa vaziri Sergey Shoygu rus qo‘shinlarini mudofaa uchun Dneprning chap qirg‘og‘iga olib chiqish haqida buyruq berdi. Bu Rossiya Xerson shahrini tark etishini anglatadi.

8 noyabr 2022, 16:14

Olmaotada ikkita yo‘lovchi tashuvchi avtobus to‘qnashib ketdi (foto)

8 noyabr kuni Olmaota shahrining Tole Bi — Abilay Xan ko‘chalari kesishmasida 2 ta yo‘lovchi tashuvchi avtobus bir-biriga urilib ketdi. Oqibatda 20 ga yaqin kishi jabrlandi, 1 nafari vafot etdi. Avtobuslardan biri xususiy tashuvchiga tegishli bo‘lgani aytilmoqda.

4 noyabr 2022, 15:51

Pokiston sobiq bosh vaziri norozilik namoyishida yaralandi

Pokistonning sobiq bosh vaziri Imron Xon muddatidan avvalgi saylovlar o‘tkazilishini talab qilib Lahordan Islomobod tomon yo‘lga chiqqan norozilik avtokarvoniga boshchilik qilib ketayotganida oyog‘idan o‘q yedi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting