Texnologiyalar
Ilon Mask Twitter`ni $44 mlrdga sotib oladi
Tesla kompaniyasi asoschisi Ilon Mask Twitter ijtimoiy tarmog‘ini 44 mlrd dollarga sotib olish bo‘yicha kelishuvga erishdi. «Umid qilamanki, hatto mening eng yomon tanqidchilarim ham Twitter`da qolishadi, chunki aynan shu so‘z erkinligini anglatadi», — deb yozdi Mask. Eslatib o‘tamiz, Twitter O‘zbekistonda hanuz bloklangan tarmoqlar sirasiga kiradi.
Prezident O‘zbekistonni mintaqaviy IT-markaziga aylantirishga ko‘rsatma berdi
Prezident O‘zbekistonni mintaqaviy IT-markaziga aylantirish yuzasidan mutasaddilarga topshiriq berdi. Buning uchun IT eksportini yil yakunigacha 100 mln dollarga yetkazish, yana 6 ta hududda IT-parklarni to‘liq ishga tushirish va kamida 20 tadan kompaniya faoliyatini yo‘lga qo‘yish zarurligi aytildi. «Ushbu soha rivojlanmasa, boshqa biror bir tarmoq oldinga yurmaydi», — dedi Shavkat Mirziyoyev.
O‘zbekiston koinotni o‘rganishga qanday hissa qo‘shgan?
Insonning koinotga birinchi parvozi bundan 61 yil avval amalga oshirilgan. Kosmonavtika kuni munosabati bilan «Gazeta.uz»ning O‘zbekistonning koinotni o‘rganishga qo‘shgan hissasi haqidagi maqolasini eslaymiz. Yutuqlar qatoridan «TAPOiCh»da kosmonavtlarni sinovdan o‘tkazish uchun samolyotlar ishlab chiqarilgani, Toshkent muhandislik byurosida Oy tuprog‘ini Yerga olib tushgan qurilmaning yaratilgani, Oyni tadqiq qilish uchun Toshkentda ishlab chiqilgan asbob-uskunalar Nevich posyolkasida sinovdan o‘tkazilgani kabilar o‘rin olgan.
Crew Dragon kosmik kemasi to‘rt nafar sayyohni XKSga yetkazdi
SpaceX kompaniyasining kosmik kemasi to‘rt nafar sayyohdan iborat to‘liq tijorat reysini XKSga yetkazdi. Ular Yer orbitasida taxminan 10 kun bo‘lishadi.
Tesla 2023-yilda Optimus robotlarini ishlab chiqarishi mumkin
Tesla 2023-yilda Optimus robot modelini ishlab chiqarishi mumkin. Ilon Mask yaratiladigan robot “odamlar qilishni istamaydigan ishlarni bajarishga qodir” bo‘lishiga va’da berdi. Biroq, hali uning prototipi namoyish qilinmadi. Milliarder Tesla`ning o‘zi robotlarning birinchi foydalanuvchisiga aylanishi mumkinligini ta’kidladi.
Boston Dynamics omborda xizmat qiluvchi «aqlli» robotlar sotuvini boshladi
Boston Dynamics qutilarni bir joydan boshqa joyga ko‘chira oladigan Stretch robotlari sotuvini boshladi. Kompaniya 2022 yilda yetkazib berish rejalashtirilgan barcha robotlarni allaqachon sotib bo‘ldi. Jumladan, DHL 15 mln dollarga robotlarni xarid qildi.
Foto: Quyoshning insoniyat tarixidagi eng yaqin tasvirlari e’lon qilindi
ESA va NASA hamkorligida amalga oshirilayotgan missiya — Solar Orbiter avtomatik kosmik apparati quyoshning kuzatuvlar tarixidagi eng yaqin tasvirlarini taqdim etdi. Suratlar quyosh orbitasidan taxminan 75 mln km uzoqlikda, ya’ni qurilma Yer sayyorasi va Quyosh o‘rtasidagi masofaga yetganida olingan.
O‘zbekistonda Skype bo‘yicha cheklovlar olib tashlandi
O‘zbekistonda Skype shaxsga doir ma’lumotlar to‘g‘risidagi qonunni buzuvchilar reyestridan chiqarildi. AKT vazirligi ushbu reyestrga kiritilgan boshqa xizmatlarga taqiqni bosqichma-bosqich olib tashlash bo‘yicha ishlar olib borilayotganini qayd etdi.
AKT vaziri TikTok vitse-prezidenti bilan muzokaralar o‘tkazdi
AKT vaziri Sherzod Shermatov O‘zbekistonda bloklangan TikTok vitse-prezidenti Teo Bertram bilan onlayn-uchrashuv o‘tkazdi. Avvalroq, TikTok, qolaversa, Twitter va «VKontakte» to‘satdan ochila boshlagandi, biroq, oradan sal vaqt o‘tib, kirishda yana qiyinchiliklar yuzaga keldi.
Yashil iPhone 13, iPhone SE va eng kuchli kompyuter — Apple o‘zining yangi mahsulotlarini taqdim qildi
Apple kompaniyasi iPhone SE, iPad Air va boshqa yangi mahsulotlari taqdimotini o‘tkazdi. Yangilangan iPhone SE smartfoni endi A15 Bionic protsessoriga ega. Taqdim etilgan yangi iPad Air esa MacBook kompyuterlarida o‘rnatilgan M1 protsessoriga ega bo‘ldi. Shuningdek, kompaniya o‘zining barcha kompyuterlaridan kuchliroq deb hisoblaydigan MacStudio`ni ham namoyish qildi.
Rossiya Facebook va Twitter`ni bloklashni boshladi
Roskomnadzor «Rossiya OAVlari diskriminatsiyasi» tufayli Facebook ijtimoiy tarmog‘iga kirishni bloklashni boshladi. Twitter ham taqiq ostida qoldi.
Rossiyada faoliyatini to‘xtatgan yoki qisman cheklagan global kompaniyalar — ro‘yxat (yangilandi)
Apple, BMW, Lego, Ikea, Canon, FedEx kabi logistika, raqamli texnologiyalar, onlayn-do‘konlar, yetkazib berish xizmatlari va boshqa sohalarda faoliyat yurituvchi global kompaniyalar Ukrainadagi urush ortidan Rossiyada o‘z faoliyatini to‘xtatmoqda.
Bitcoin narxi ikki kunda deyarli 6,5 ming dollarga oshdi
Bitcoin kursi sezilarli darajada oshdi: ikki kun ichida dunyoning asosiy kriptovalyutasi narxi 6500 dollarga ko‘tarilib, 2 mart 09:55 holatiga 44 389 dollarni qayd etdi. Boshqa kriptovalyutalar narxi ham o‘smoqda.
Apple Rossiyada o‘z mahsulotlarini sotishni to‘xtatdi
Apple Rossiyaning Ukrainadagi harbiy harakatlariga javoban Rossiyada o‘z mahsulotlarini sotishni to‘xtatdi. Qolaversa, Rossiyada Apple Pay va boshqa xizmatlardan foydalanish ham cheklandi. Kompaniya shuningdek, Ukraina fuqarolari xavfsizligi uchun mamlakatda Apple maps`da tirbandlik va avariya hodisalarini kuzatish funksiyalarini ham o‘chirdi.
O‘zbekiston AQShdan Puma 3 AE harbiy dronlarini sotib oladi
O‘zbekiston Amerikaning AeroVironment kompaniyasidan razvedka ishlarini amalga oshiruvchi yengil RQ-20B Puma 3 AE dronlarini sotib oladi. Umumiy qiymati 8,54 mln dollarlik shartnoma bo‘yicha ishlar 2022 yil 30 noyabriga qadar tugatiladi. Shephard Defence Insight sayti hisob-kitoblariga ko‘ra, shartnoma doirasida O‘zbekistonga 40 ga yaqin dron yetkazib berilishi mumkin.
2021 yilda IT Park rezidentlari eksport hajmini qariyb 3 baravarga oshirdi
2021 yilda IT Park rezident kompaniyalari tomonidan 2,5 trln so‘mlik xizmatlar ko‘rsatildi, shundan 46 mln dollar eksport hissasiga to‘g‘ri keladi. Bu ko‘rsatkich 2020 yilga qaraganda 2,8 barobar ko‘p. Qolaversa, o‘tgan yili IT Park rezidentlari soni jami 523 taga yetdi, yil davomida 104 ta yangi kompaniya tashkil etilgan, 124 ta kompaniya esa rezidentlikdan mahrum etildi.
Rossiya O‘zbekiston va Qozog‘istonga «raqamli diplomatlar»ni yuboradi
2022 yildan boshlab Rossiyaning IT-mahsulotlarini targ‘ib qiluvchi «raqamli diplomatlar» mamlakatning O‘zbekiston, Qozog‘iston va yana 14 davlatdagi savdo vakolatxonalarida o‘z faoliyatini boshlaydi. Shuningdek, ushbu diplomatlar Rossiyaning IT-kompaniyalariga konsalting va huquqiy yordam xizmatlarini ko‘rsatadilar.
Axborotni bloklash texnik jihatdan juda qiyin masala. Bu samara bermaydi — adliya vaziri TikTok haqida
Adliya vaziri Ruslanbek Davletov TikTok`ni bloklash haqidagi takliflarga munosabat bildirib, axborotning erkin tarqalishi tarafdori ekanini, TikTok`ni bloklash texnik jihatdan juda qiyin masala ekanini aytdi. «TikTok`dan boshqa joyda yomon kontent yo‘qmi, internetga kirsangiz, boshqa bo‘lmag‘ur saytlar yo‘qmi?», — degan vazir.
«UZIMEI byurokratik va noqulay tizim» — Jahon banki iqtisodchisi
Jahon banki iqtisodchisi Vinayak Nagaraj O‘zbekistonda UZIMEI mobil qurilmalarini ro‘yxatdan o‘tkazish tizimini «byurokratik, noqulay va fuqarolar uchun foydasiz», deb atab, u «O‘zbekistonni orqaga tortayotganini» ta’kidladi. Huquqshunos Xushnudbek Xudayberdiyev esa davlat organlari o‘z vazifasini bajara olmagani uchun ushbu tizimni «ikki karra telefon solig‘i» deb hisoblaydi. Bloger Shahnoza Soatova esa tizimning «beti qattiq» ekanligini aytdi. UZIMEI operatori tanqidlarga javob berishga harakat qilib ko‘rdi.
Toshkent hokimligi binolar yoshini ko‘rsatuvchi interfaol xaritani ishga tushirdi
Toshkent shahar hokimligi huzuridagi Raqamli rivojlanish departamenti poytaxt binolari yoshini aniqlashga yordam beruvchi Age Tashkent portalini ishga tushirdi. Sayt orqali shahardagi binolar qurilgan sana, ularning turi va boshqa ma’lumotlarni olish mumkin.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting