«yth» tegli maqolalar
Samarqanddagi YTHda uch kishi halok bo‘ldi
Samarqand viloyatida Nexia avtomobilining kanalga tushib ketishi oqibatida ikki nafar maktab o‘quvchisi va 29 yoshli erkak halok bo‘ldi. Haydovchi va yana bir yo‘lovchi tirik qolgan, haydovchi voqea joyidan yashiringan.
Navoiyda avtobus ag‘darilib ketdi, 5 kishi jarohatlandi
Qiziltepa tumanida ichida 25 kishi bo‘lgan sayyohlik avtobusi ag‘darilib ketdi, oqibatda 5 kishi jarohat oldi. Avariyaga haydovchining boshqaruvni yo‘qotgani sabab bo‘lgani aytilmoqda.
Jizzax va Surxondaryodagi avariya oqibatida 4 kishi yonib ketdi
Jizzaxda Nexia-2 haydovchisi boshqaruvni yo‘qotib, qarama-qarshi yo‘nalishdagi Nexia-3 bilan to‘qnashdi. Buning oqibatida mashina yonib, bir kishi halok bo‘ldi, yana uch kishi jarohatlandi. Surxondaryodagi avariyada esa haydovchi va ikki yo‘lovchi mashina salonida yonib ketdi.
Toshkent ko‘chalarini insoniylashtirish imkoniyati paydo bo‘ldi
«Gazeta.uz» tanqidiga uchragan Navoiy ko‘chasini rekonstruksiya qilish loyihasi rossiyalik ekspertlar Arkadiy Gershman va Aleksandr Devyatkin ishtirokida qayta ko‘rib chiqildi. Asosiy tamoyillar — piyodalar xavfsizligi va jamoat transportining ustuvorligi etib belgilandi. Ilk marotaba rasmiylar tomonidan 50 km/soat tezlik shahar uchun eng maqbul deb tan olindi. Hokimiyat yangilanayotgan barcha ko‘chalarda bir xil usullardan foydalanishga va’da bermoqda.
Toshkent viloyatida “Isuzu” avtobusi yonib ketdi
Juma kuni Yangiyo‘l tumanidan o‘tuvchi “Toshkent-Termiz” avtomobil yo‘lida harakatlanib ketayotgan “Isuzu” rusumli avtobus yonib ketdi. Shu kuni boshqa bir holatda, Toshkent shahrida “Lacetti” haydovchisi 60 yoshli piyodani urib yubordi. Avariya oqibatida fuqaro shifoxonada vafot etdi.
Polsha chegarasida uch nafar o‘zbekistonlik avariyaga uchradi, ulardan biri vafot etdi
Ukrainadan Polsha chegarasiga kiraverishda uch nafar o‘zbekistonlik yo‘l transport hodisasiga uchradi. O‘zbekistonning Ukrainadagi elchisi Alisher Kurmanovning ma’lum qilishicha, ulardan biri vafot etgan, qolgan ikki nafari esa Lvovdagi shahar kasalxonasiga yotqizilgan.
Toshkentda Spark metroga tushib ketdi
Toshkentda Spark metroning «Shahriston» bekatidan chiqib ketayotgan piyodani urib yuborib, yer osti yo‘lagiga tushib ketdi.
Toshkentda avariya oqibatida Matiz va Spark ag‘darilib ketdi
Toshkentning Sebzor ko‘chasidagi ko‘prik ustida uch avtomobil to‘qnashishi natijasida Matiz va Spark mashinalari ag‘darilib ketdi. Spark`ning ikki nafar yo‘lovchisi tan jarohatlari bilan shifoxonaga olib ketilgan.
Yo‘l harakati xavfsizligi sohasi: Ishlayotgandek ko‘rinishni to‘xtatish kerak
Yo‘l harakati xavfsizligi xizmati vaqti-vaqti bilan nafaqat befoyda, balki zararli bo‘lgan, vaziyatni yaxshilashga yordam bermaydigan tashabbuslar bilan chiqmoqda. Ulardan biri — yo‘llarga o‘quvchilar mulyajlarini o‘rnatishdir. YHXB va hokimiyatlar hatto mutaxassis bo‘lmaganlar ham ko‘rib turgan kamchiliklarni payqaganlari yo‘q.
YTHlar soni yil davomida 43 foizga, o‘lim — 24 foizga ko‘paydi
2020 yilda pandemiya davrida baxtsiz hodisalar hamda ularda halok bo‘lgan va jarohatlar soni bo‘yicha statistik ma’lumotlar kamayganidan so‘ng, 2021 yilda bu ko‘rsatkichlar keskin oshdi. Baxtsiz hodisalarning asosiy sabablari tezlikni oshirish va harakatni noto‘g‘ri tashkil etishdir. Piyodalar o‘tish yo‘laklarida qancha odam urib yuborilgan bo‘lsa, belgilanmagan joylarda ham shuncha odam qurbon bo‘lgan.
Toshkentda «Malibu» urib yuborgan 45 yoshli piyoda vafot etdi
Toshkent shahrining Mirobod tumanida «Malibu» haydovchisi 45 yoshli fuqaroni urib yubordi. Buning oqibatida piyoda olgan tan jarohatlari bilan voqea joyida vafot etgan. Holat yuzasidan jinoyat ishi qo‘zg‘atildi.
Yo‘l harakati qoidalari yangidan ishlab chiqiladi
Prezident Shavkat Mirziyoyev yo‘l harakati qoidalari xalqaro standartlar asosida yangidan ishlab chiqilishini ma’lum qildi. Qoidabuzar haydovchilarga ball hisoblab boriladi, bir yilda qoidabuzarliklari 12 balldan oshgan haydovchi avtomobil boshqarish huquqidan mahrum bo‘ladi. «Har yili 500 ming kishi haydovchilik guvohnomasini olsa, ulardan 25 foizi mashg‘ulotlarga qatnashmaydi» dedi prezident va haydovchilikka o‘qitish va guvohnoma berish bo‘yicha yangi tizim joriy etilishini ta’kidladi.
2021 yilda avariya sabab 2,5 mingga yaqin odam vafot etdi — prezident
2021 yilda O‘zbekistonda 10 mingdan ortiq yo‘l transport hodisasi sodir bo‘ldi, unda 9 mingdan ortiq fuqaro jarohat olgan. Avariyalar oqibatida 2,5 mingga yaqin inson halok bo‘lgan, shundan 263 nafar yosh bola hisoblanadi. Prezident videoselektorda Namangan viloyati IIB boshlig‘i, Andijon va Samarqand viloyatlari YXHB boshliqlarini ishdan olishga ko‘rsatma berdi.
Poytaxda mashina siqib ketgan avtobus ustunga borib urildi
Toshkentda 59-raqamli avtobus yengil avtomobil siqib ketishi natijasida yo‘l chetiga chiqib ketgan va ustunga borib urilgan. YTH oqibatida 2 kishi yengil jarohat olgan.
Toshkentdagi YTHda ikki o‘smir halok bo‘ldi
Toshkentning Yashnobod tumanida haydovchilik guvohnomasi bo‘lmagan o‘smir (2005 y.t.) Spark mashinasida tezlikni oshirishi tufayli boshqaruvni yo‘qotib, yo‘l chetidagi temir panjaraga urilgan. Buning oqibatida esa avtomobil haydovchisi va yo‘lovchisi voqea joyida vafot etgan.
Toshkentda avtobus piyodani urib yubordi
Olmazor tumanida 43-sonli yo‘nalishdagi «ISUZU» rusumli avtobus svetoforning qizil chirog‘ida to‘xtash paytida yo‘l chetiga yiqilib tushgan piyodani urib ketdi. Buning oqibatida fuqaro voqea joyida vafot etgan. Piyoda mast holatda bo‘lganligi aytilmoqda.
Toshkentda mast holdagi Matiz haydovchisi avariya sodir etdi, 3 bola, jumladan bir yashar chaqaloq jarohatlandi
Toshkentning Maxtumquli ko‘chasida mast holdagi Matiz haydovchisi qarama-qarshi yo‘ldagi 2 mashina bilan to‘qnashuv sodir etdi. Buning oqibatida jarohatlangan 7 kishining 3 nafari yosh bolalar. Ular orasida travmatik shok tashxisi qo‘yilgan chaqaloq ham bor.
Qashqadaryodagi avariyada 5 kishi halok bo‘ldi
1 yanvar kuni soat 13:00 larda Dehqonobod tumani hududidan o‘tuvchi M-39 «Termiz-Toshkent» avtomobil yo‘lida Cobalt mashinasi beton to‘siqqa urilgan. YTH oqibatida haydovchi va to‘rt nafar yo‘lovchi vafot etgan.
O‘zbekistonliklar to‘la avtobus Qozog‘istonda YTHga uchradi
Ichida O‘zbekiston fuqarolari bo‘lgan avtobus Qozog‘iston trassasida Mercedes-Benz yengil avtomashinasi ustiga ag‘darildi. Yengil avtomashinadagi 3 nafar yo‘lovchi halok bo‘lgan, avtobus yo‘lovchilariga jiddiy shikast yetmagan.
Farg‘onada «Cobalt» bilan to‘qnashgan «Damas» haydovchisi mashina ichida yonib ketdi
Marg‘ilonda «Damas» haydovchisi chapda burilish vaqtida to‘g‘ridan kelayotgan «Cobalt» mashinasini o‘tkazib yubormagani natijasida avariya sodir bo‘lgani aytilmoqda. Buning oqibatida esa «Damas» avtomobilida yong‘in yuzaga kelgan va haydovchi mashina ichida vafot etgan.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Qashqadaryoda “KamAZ” tirkamasi chiqib ketib, 3 ta transportga urildi, bir kishi jarohatlandi
- Futzal JCH: O‘zbekiston Paragvayga yirik hisobda mag‘lub bo‘ldi
- Shaxmat Olimpiadasida O‘zbekiston erkaklar jamoasi vaziyatni o‘nglamoqda, ayol shaxmatchilar esa ilk bor mag‘lubiyatga uchradi
- Xodimlariga kuch ishlatgan Inbazar kiyim do‘koni muhokama mavzusiga aylandi. Tafsilotlar
Qo‘shimcha imkoniyatlarga ega bulish uchun saytda ro‘yxatdan o‘ting