«xorazm viloyati» tegli maqolalar


12 iyun 2022, 12:08

Xorazm viloyati hokimiga yangi birinchi o‘rinbosar tayinlandi

Gurlan tumani hokimi lavozimida ishlab kelayotgan Murodjon Achilov Xorazm viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari etib tayinlandi. Kuzda viloyat hokimi unga hayfsan e’lon qilgan edi.

15 may 2022, 18:28

Xorazmda odamlarni do‘pposlashda gumonlanayotgan guruh qo‘lga olindi

Xorazm viloyatida odamlarni urib, do‘pposlab kelganlikda gumonlanayotgan 3 nafar shaxs qo‘lga olindi. Gumonlanuvchilarga tegishli avtomashinalardan pichoq va temir bita topilgan.

30 mart 2022, 21:17

O‘zbekiston va Turkiya prezidentlari Xivani ziyorat qildi (foto)

30 mart kuni Shavkat Mirziyoyev va Rejep Tayyip Erdog‘an hamda ularning rafiqalari Xorazmga tashrif buyurdi. Davlat rahbarlari birgalikda Xivadagi qadimiy obidalarni, jumladan Ichan qal’ani ziyorat qildi.

11 mart 2022, 12:22

Turkiyaning Odaş Enerji CA kompaniyasi Xorazm viloyatida yangi IESni qurib, ishga tushirdi

Turkiyaning Odaş Enerji CA kompaniyasi tomonidan Xorazm viloyatida qurilgan yangi IES O‘zbekiston yagona elektr tarmog‘iga quvvat berishni boshladi. 105 mln dollarlik to‘g‘ridan-to‘g‘ri investitsiya hisobiga bunyod etilgan IES yiliga 1,4 mlrd kVt-soat elektr energiyasi ishlab chiqarish quvvatiga ega.

20 fevral 2022, 12:27

O‘zbekistondagi yagona trolleybus tizimi inqirozni boshdan kechirmoqda

Urganch va Xiva o‘rtasidagi trolleybus liniyasi nafaqat O‘zbekistondagi yagona ushbu turdagi jamoat transporti tizimi, balki dunyodagi ikkita shaharlararo liniyadan biri hisoblanadi. Noyabrdan boshlab kompaniyaning elektr energiyasidan qarzdorligi sababli mazkur yo‘nalishda mashinalar harakati to‘xtatilgan. «Gazeta.uz» respublikadagi eng yosh trolleybus tizimi hamda mamlakatning boshqa shaharlarida allaqachon tugatilgan tizimlar haqida hikoya qiladi.

17 fevral 2022, 13:09

Xorazmda tuman soliq inspeksiyasi xodimi pora olganlikda gumon qilinmoqda

Xonqa tumani Davlat soliq inspeksiyasi xodimi 720 mln so‘mlik soliq to‘lovini kamaytirib berish evaziga tadbirkordan 5 ming dollar pora olganida qo‘lga tushgani aytilmoqda. Xorazmdagi boshqa bir holatda esa ikki nafar shaxs tadbirkorga noqonuniy yo‘l bilan 10 mlrd so‘m kredit olib berishga uringanlikda gumon qilinmoqda.

12 fevral 2022, 11:54

Qoraqalpog‘iston va Xorazmda boshlang‘ich sinf o‘quvchilariga bepul ovqat yetkazib berilmoqda

Qoraqalpog‘iston va Xorazmda tajriba-sinov tariqasida keytring usulida maktablarning boshlang‘ich (1−4) sinf o‘quvchilariga bepul ovqat yetkazib berilmoqda. 2022 yil uchun mahalliy budjetdan 200 mlrd so‘m ajratilgan. O‘quvchilar 470−500 kkaloriyaga ega ovqat, tabiiy sok va mevalar bilan ta’minlanadi.

27 yanvar 2022, 10:35

Xorazmda chiqindixonadan chaqaloq murdasi topildi

Urganch shahridagi chiqindixonalardan birida qiz jinsiga mansub chaqaloqning murdasi topildi. Sud-tibbiy ekspertizasi xulosasiga ko‘ra, u ona qornida 5,5−6 oy yashagan hamda «uning o‘limiga yetilmaganlik va hayotga layoqatsizlik sabab bo‘lgan». Qolaversa, chaqaloq qonidan homiladorlikni jarrohlik aralashuvisiz erta tugatishda qo‘llaniladigan dori vositasi qoldiqlari topilgan.

25 yanvar 2022, 17:40

Qoraqalpog‘iston va Xorazmda elektr energiyasi ta’minoti to‘liq tiklandi

Qoraqalpog‘iston Respublikasi va Xorazm viloyatida elektr energiyasi ta’minoti to‘liq tiklandi. Energetika vazirligi boshqa hududlarda elektr energiyasi ta’minoti bosqichma-bosqich tiklanishini ma’lum qildi.

16 dekabr 2021, 12:59

Urganch markazida yangi tunnel foydalanishga topshirildi

Urganch shahri markazida Al-Xorazmiy va Islom Karimov ko‘chalari hududida 500 metrlik yangi tunnel foydalanishga topshirildi. Yerosti yo‘li soatiga 3200 ta avtomobil o‘tkazish imkoniyatiga ega. Viloyat hokimi Farhod Ermanov bu kabi tunnel viloyatlar orasida yagona ekanligini ta’kidladi.

9 dekabr 2021, 12:29

Xorazmda ayol kishini yo‘lovchi poyezdi urib ketdi

Xorazmda 43 yoshli ayol «Istiqlol-Urganch» yo‘nalishida ketayotgan yo‘lovchi poyezdining urib ketishi oqibatida voqea joyida vafot etdi.

30 noyabr 2021, 17:36

O‘zbekistonda uchta quyosh elektr stansiyasini qurishga 15 ta xalqaro kompaniya qiziqish bildirdi

Energetika vazirligi uchta quyosh fotoelektr stansiyasini qurish bo‘yicha tenderning ilk bosqichida 15 ta xalqaro kompaniyadan ariza kelib tushganini ma’lum qildi. Loyiha Namangan, Buxoro va Xorazm viloyatlarida umumiy quvvati 500 MVtgacha bo‘lgan stansiyalarni qurishni nazarda tutadi.

22 sentabr 2021, 15:12

Amudaryo orqali o‘tadigan ko‘prikning qiymati — 174 mln dollar

Amudaryo orqali Xorazm viloyati Qoraqalpog‘iston Respublikasini bog‘lovchi ko‘prik qurilishi loyihasining qiymati 174 million dollar. Prezident mazkur qurilayotgan ko‘prikni ko‘zdan kechirdi.

8 sentabr 2021, 10:30

Belgilangan muddatda soliq hisobotini taqdim etmaganlik uchun jarima bekor qilinadi

2022 yildan boshlab tadbirkorlik subyektlari tomonidan soliq hisobotini belgilangan muddatlarda taqdim etmaganlik uchun moliyaviy sanksiyalar, shuningdek kameral soliq tekshiruv asosida aniqlangan huquqbuzarliklar uchun moliyaviy sanksiyalar bekor qilinadi. Xorazmda soliq organlari tomonidan soliq hisobotlarini shakllantirish bo‘yicha eksperiment o‘tkazish rejalashtirilgan. Shundan so‘ng yangi tartib boshqa hududlarda ham joriy etiladi.

27 iyun 2021, 17:32

Xorazmda oqova suv haydash stansiyasining ikki ishchisi quduqda gazdan zaharlanib, vafot etdi

Xorazmda oqova suv haydash stansiyasining ikki ishchisi quduqda taxminan toksik gazdan (serovodorod) zaharlanib, voqea joyida hayotdan ko‘z yumdi.

29 may 2021, 14:13

Xorazmdagi ikkita avariya oqibatida 5 nafar maktab o‘quvchisi vafot etdi

Xorazm viloyatining Yangiariq tumanida Nexia avtomobili 11 nafar yuqori sinf o‘quvchilarini urib ketdi. Olgan tan jarohatlari oqibatida ulardan uch nafari voqea joyida, yana bir nafari shifoxonada olamdan ko‘z yumgan. Urganch tumanida sodir bo‘lgan boshqa bir YTHda yuk mashinasi 2-sinf o‘quvchilarini urib yuborgan, ulardan biri voqea joyida vafot etgan.

6 may 2021, 16:50

Botir Saidov Xorazm viloyati hokimi o‘rinbosari etib tayinlandi

Xorazm viloyati hokimining turizm va sportni rivojlantirish masalalari bo‘yicha o‘rinbosari vazifasida ishlab kelayotgan Botir Saidov Xorazm viloyati hokimining turizm, sport, madaniyat, madaniy meros va ommaviy kommunikasiyalar masalalari bo‘yicha o‘rinbosari etib tayinlandi.

11 aprel 2021, 17:29

Xorazmda 19 yoshli kelin osilgan holda topildi

Xorazm viloyatining Shovot tumanida 19 yoshli Muxlisa Qadamboyeva osilgan holda topildi. Ijtimoiy tarmoqlarda uning homilador bo‘lgani hamda eri va uning oilasi tomonidan kaltaklab kelingani haqida ma’lum qilindi. Prokuratura ushbu xabarni o‘rganmoqda. Vaziyat yuzasidan Saida Mirziyoyeva ham munosabat bildirdi.

24 mart 2021, 00:06

Xorazm viloyatida 812 ta investitsiya loyihasi amalga oshiriladi

Prezident Xorazm viloyatida amalga oshirilishi reja qilingan 1,3 mlrd dollarlik 812 ta investitsiya loyihasi taqdimoti bilan tanishdi. Ularning 273 tasi sanoat, 277 tasi xizmat ko‘rsatish, 262 tasi qishloq xo‘jaligiga oid. Ularni hayotga tadbiq etish natijasida 23 mingdan ortiq ish o‘rni yaratilishi kutilmoqda.

23 mart 2021, 17:38

Xorazmda bog‘cha bolalarini yupun kiyimda tadbirga chiqarganlarga intizomiy jazo qo‘llaniladi

Xorazm viloyatidagi maktabgacha ta’lim tashkilotining ochilish marosimida bolalar yupun kiyimlarda ishtirok etgan. Ushbu holat ijtimoiy tarmoqlarda muhokamalarga sabab bo‘lgach, xodimlarga intizomiy chora ko‘rilishi ma’lum qilindi. Mas’ul tashkilot tadbir kuni ob-havo issiq bo‘lganini ta’kidlamoqda. Biroq suratda mutasaddilar bolalarga qaraganda issiqroq kiyimda ekanligini ko‘rish mumkin.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting