«videoselektor» tegli maqolalar
O‘zbekistonda 410 mingdan ko‘proq xonadonda ijtimoiy himoyaga muhtoj oilalar yashaydi
Mahallalardagi hokim yordamchilari 35,3 mln aholi istiqomat qiladigan 6,9 mln xonadonni to‘liq xatlovdan o‘tkazdi. Natijada xonadonlarning 47 foizida qo‘shimcha daromadga ehtiyoji bor, 36 foizida o‘ziga to‘q, 11 foizida kam daromadli va 6 foizida ijtimoiy himoyaga muhtoj oilalar yashashi ma’lum bo‘ldi.
1 martdan «Yashil yillik» umummilliy tadbiri boshlanadi
Prezident 1 martdan «Yashil yillik» umummilliy tadbiri boshlanishini ma’lum qildi. Joriy yil bahor mavsumida «Yashil makon» loyihasi doirasida 125 mln dona daraxt ko‘chatlarini ekish rejalashtirilmoqda. Aholiga kamida 10 mln dona mevali va manzarali daraxt ko‘chatlari bepul tarqatiladi. «Agar O‘zbekistonda ekologiyani yaxshilayman desa, har yili har bir xonadon ikkitadan daraxt eksin. Har bir tashkilot beshtadan daraxt eksin, qaysi tashkilot bo‘lishidan qat’i nazar», — dedi prezident.
Sirdaryo va Xorazm viloyatlari hokimlariga hayfsan berildi
Prezident raisligida o‘tayotgan videoselektorda Sirdaryo viloyati hokimi G‘ofurjon Mirzayev va Xorazm viloyati hokimi Farhod Ermanovga xususiylashtirish ishlarini sust tashkil etgani uchun hayfsan berildi. Qolaversa, Davlat aktivlarini boshqarish agentligining Sirdaryo, Xorazm va Buxoro viloyatlari boshqarma boshliqlari ishdan olindi.
«Virusni yengishning eng muhim sharti — vaksinatsiya». Prezident aholini yana bir bor emlanishga chaqirdi
Prezident raisligida o‘tayotan videselektorda Shavkat Mirziyoyev pandemiyani yengib o‘tish doirasida olib borilayotgan ishlarga alohida to‘xtaldi. Uning so‘zlariga ko‘ra, bugungi kunda 10 mingga yaqin bemor shifoxonada, 3 ming nafari uy sharoitida davolanayotgan bo‘lsa, 2,4 ming nafari og‘ir, 890 nafari o‘ta og‘ir ahvolda. «Virusdan himoyalanish va uni yengishning eng muhim sharti — vaksinatsiya», — dedi Shavkat Mirziyoyev.
Kasaba uyushmalari federatsiyasi raisi dam olish kuni videoselektor o‘tkazdi
22 iyul, dam olish kuni Kasaba uyushmalari federatsiyasi tomonidan prezident nutqida belgilangan vazifalarni muhokama qilish maqsadida videoselektor o‘tkazildi. Unda koronavirusdan xavf osti guruhiga kiritilgan fuqarolar ham qatnashgan. Shu kuni bosh vazir boshchiligida ham mehnat vaziri va boshqa rahbarlar ishtirokida yig‘ilish bo‘lib o‘tdi.
«Endi yer faqat auksionda sotiladi yoki ijaraga beriladi» — Shavkat Mirziyoyev
Prezident seshanba kungi videoselektorda endi yer faqat auksionda sotilishi yoki ijaraga berilishini ma’lum qildi. «Kimga yer kerak bo‘lsa, davlat auksionida qatnashsin, haloli bo‘lsin, yerni sotib olsin», — dedi u. Qolaversa, davlat rahbari Surxondaryo tajribasi doirasida 2021 yilning o‘zida qariyb 100 gektar g‘alladan bo‘shagan yer ishsiz aholiga berilishini ta’kidlagan.
2 yilda 100 ga yaqin uy-joy kommunal xizmat ko‘rsatish sohasidagi mansabdorlar korrupsiyada ayblangan
2 yil davomida uy-joy kommunal xizmat ko‘rsatish sohasidagi 100 ga yaqin mansabdor korrupsiyaviy jinoyatni sodir etgani uchun javobgar bo‘lgan. Andijon uy-joy kommunal xizmat ko‘rsatish boshqarmasi rahbarlari 240 mln so‘m, Namangan «Ta’mirlash tiklash xizmati» korxonasi mansabdorlari 250 mln so‘m va Surxondaryo Suv ta’minoti boshqarmasi xodimlari 540 mln so‘mni o‘zlashtirgan.
«Barcha sohalar va hududlarda ishlar bir xilda sifatli bajarilayapti, deb bo‘lmaydi» — prezident dasturlar haqida
Shavkat Mirziyoyev videoselektorda «Obod qishloq» va «Obod mahalla» dasturlari doirasidagi qurilish va ta’mirlash ishlari barcha hududlarda ham birdek sifatli olib borilmayotganini tanqid qildi. Yig‘ilishda qoloqliklar mavjud viloyatlarga prezident Administratsiyasi, Hukumat, Hisob palatasi va vazirliklar mas’ul rahbarlari yil yakuniga qadar biriktirilishi ta’kidlandi.
1 avgustga qadar Sirdaryodagi, 1 noyabrgacha esa Toshkentdagi poliklinikalar to‘liq raqamlashtiriladi
1 avgustga qadar Sirdaryodagi, 1 noyabrgacha esa Toshkent shahridagi barcha poliklinikalarni to‘liq raqamlashtirish rejalashtirilmoqda. Gulistondagi oilaviy poliklinikani tajriba doirasida xususiy sheriklikka berish ko‘zlanmoqda.
«Bepul tibbiyot yo‘q, hammayoqda korrupsiya deyapti odamlar» — Shavkat Mirziyoyev
Prezident tibbiyot sohasiga bag‘ishlangan videoselektorda respublikadan ajratilayotgan mablag‘lar to‘g‘ri sarflanmayotganini tanqid qildi. «Bepul tibbiyot yo‘q, hammayoqda korrupsiya deyapti odamlar», — dedi u. Qolaversa, davlat rahbari sohada o‘zgarish qilish shart bo‘lgan 5 ta yo‘nalishni belgilab bergan.
Shavkat Mirziyoyev shu hafta korrupsiyaga qarshi kurashish masalalari bo‘yicha videoselektor o‘tkazadi
Prezident Shavkat Mirziyoyevning shu hafta korrupsiyaga qarshi kurashish masalalari bo‘yicha videoselektori o‘tkazilishi rejalashtirilmoqda. Bundan tashqari, Tokio Olimpiadasiga sportchilarni tayyorlash masalalari bo‘yicha yig‘ilish bo‘lishi ko‘zda tutilgan.
Birorta viloyat rahbari mahalliy sanoat salohiyatidan foydalanishni puxta o‘ylab ko‘rgani yo‘q — prezident
Prezident sanoatni rivojlantirishga bag‘ishlangan videoselektorda birorta tuman, shahar yoki viloyat rahbari mahalliy sanoat salohiyatidan foydalanishni chuqur va puxta o‘ylab ko‘rmaganini ta’kidladi. So‘nggi 3 yilda qurilish materiallarini ishlab chiqarish 1,5 baravarga oshga, biroq bu ehtiyojni qoplamayotgani aytildi.
«Ishdan ketganlar maoshini davlatga qaytarib berishi kerak» — prezident yoshlar bilan ishlay olmagan amaldorlar haqida
Seshanba kungi videoselektorda yoshlar bilan ishlay olmagani uchun bir viloyat hokimi o‘rinbosari va ikkita tuman hokimi, bir qancha prokuror, ichki ishlar bo‘limi boshliqlari va soliq idoralari rahbarlari ishdan olindi. «Ishdan ketganlar maoshini davlatga qaytarib berishi kerak. Pulni bolalar uyiga olib borish lozim», — dedi prezident. Qolaversa, «1+1» dasturi orqali 1 mln yoshlar qamrab olinmasa Adham Ikramov va Dilmurod Qosimov ham ishdan bo‘shatilishi aytildi.
«3 oyda o‘zgarish bo‘lmasa, birinchi rahbarlarni ham ishdan olaman» — prezident
Shavkat Mirziyoyev boshchiligida o‘tayotgan videoselektorda davlat rahbari sektor rahbarlari ishdan olinishi haqida gapirdi. «3 oyda o‘zgarish bo‘lmasa, birinchi rahbarlarni ham ishdan olaman», — dedi prezident.
«Ko‘plab vazifalar qog‘ozda qolib ketmoqda» — prezident
Prezident sog‘liqni saqlash tizimida patronaj xizmatini yo‘lga qo‘yishga oid videoselektor o‘tkazmoqda. Davlat rahbari rahbarlarni ushbu jarayonni nazorat qilishi uchun viloyatlarga mas’ul etib belgiladi. 1 mayga qadar Sirdaryo viloyati tajribasi respublikaning barcha hududlarida boshlanishi kerakligi aytildi.
Qishloq xo‘jaligi jamg‘armasiga 24 trln so‘m yo‘naltiriladi
Prezident raisligida o‘tgan videoselektorda bu yil Qishloq xo‘jaligi jamg‘armasiga 24 trillion so‘m mablag‘ yo‘naltirilishi ma’lum qilindi. Bunda, birinchi marta, sabzavot yetishtirishga Markaziy bankning asosiy stavkasida kreditlar berish uchun 300 mlrd so‘m qo‘shimcha mablag‘ ajratish nazarda tutilgan.
Shavkat Mirziyoyev yoshlar masalalari bo‘yicha yig‘ilish o‘tkazadi
Prezident Shavkat Mirziyoyev chorshanba kuni yoshlar masalalari bo‘yicha yig‘ilish o‘tkazadi. Yig‘ilishda ilk bor rasmiy statistikada hisobga olinmagan yoshlar orasidagi ishsizlik ko‘rsatkichlari e’lon qilinishi kutilmoqda.
“Odamlar uchun shahar, tuman va qishloqlar orasida transportni qulay, xavfsiz va oson qilish kerak” — prezident
O‘tgan 10 oyda Xalq qabulxonalariga jamoat transporti bo‘yicha 3 mingdan ortiq murojaat kelib tushgan. Hisob-kitoblarga ko‘ra, mamlakat bo‘yicha kuniga qariyb 20 mln yo‘lovchidan bor-yo‘g‘i 4,4 mlni yoki 22 foizi jamoat transportidan foydalanmoqda. 1,2 mingta qishloq tuman markazigacha bo‘lgan yo‘nalishda jamoat transporti bilan qamrab olinmagan. Prezident mazkur muammolarni tizimli hal etish yuzasidan yig‘ilish o‘tkazdi.
Prezident COVID-19 shifoxonalarini optimizatsiya qilish bo‘yicha topshiriq berdi
Davlat rahbari bugun o‘tkazilgan videoselektor yig‘ilishda mutasaddilarga koronavirusga ixtisoslashgan shifoxonalarni optimizatsiya qilish bo‘yicha topshiriq berdi. Shuningdek, prezident matbuot xizmati COVID-19 shifoxonalarida 6570 nafar bemor davolanayotganini qayd etdi. SSV esa 17 noyabr holatiga mamlakatda 2123 nafar koronavirus bemori borligini ma’lum qilgan.
Prezident sanoat tarmoqlaridagi 9 oylik natijalar va kelgusi vazifalarga bag‘ishlangan yig‘ilish o‘tkazdi
9 oyda 55 ta hududiy loyiha ijrosi kechikkan, 144 ta loyihada ishlab chiqarish hajmi ta’minlanmagan. Oqibatda 720 mlrd so‘mlik mahsulot tayyorlash imkoniyati yo‘qotilgan. Davlat rahbari qolgan 3 oyda $7 mlrdlik 80 ta tarmoq va 44 ta hududiy loyihani ishga tushirish muhimligini ta’kidladi.
ENG KO‘P O‘QILGAN XABARLAR
- O‘zbekistonda hafta oxirida yomg‘ir yog‘adi
- O‘zbekiston Osiyo o‘yinlarida yana oltita medalni qo‘lga kiritdi
- Qatar O‘zbekistonda yuqori tezlikda harakatlanishga mo‘ljallangan avtomagistral qurishni rejalashtirmoqda
- O‘zbekistonda metan “zapravka”larda gazning bir kubometri 3250 so‘mgacha oshdi
- 1-oktabrdan nimalar o‘zgaradi?
Qo‘shimcha imkoniyatlarga ega bulish uchun saytda ro‘yxatdan o‘ting