«vazirlar mahkamasi» tegli maqolalar
Barcha vazirliklar ish uslubini o‘zgartiradi va aholiga xizmat ko‘rsatish sifatini oshiradi
Subsidiya uchun aholi va tadbirkorlar o‘rtacha 10 ta vazirlik va idoradan xulosa olishi kerak, elektr tarmoqlariga ulanishda ham ortiqcha byurokratiya ko‘p. Shu bois prezident bosh vazirga 1 oyda barcha vazirlik va hokimliklarda xizmat ko‘rsatish sifatini oshirish, xarajatlar va hujjatlarni qisqartirishni buyurdi.
Xodimlarni xizmat safarlariga yuborishning yangi tartibi belgilandi
Hukumat qarori bilan xizmat safari uchun transport, mehmonxona va boshqa xarajatlarining cheklangan miqdori belgilandi. Qolaversa, ayrim toifadagi ishchilardan tashqari boshqa xodimlar 30 kundan ortiq safarda bo‘lishi taqiqlanmoqda. Xarajatlarni onlayn yuritish uchun maxsus dastur va mobil ilova ishlab chiqiladi.
«Tartibga soluvchi gilotina» usuli orqali hukumatning 422 ta qarori bekor qilindi
Vazirlar Mahkamasi bitta qarori bilan o‘zining 422 ta qarorini bekor qildi. Bunda «tartibga soluvchi gilotina» usulidan foydalanildi.
10 kun ichida Vazirlar Mahkamasi, vazirliklar va hokimiyatlar ish uslubini o‘zgartiradi
Shavkat Mirziyoyev dushanba kungi videoselektorda bundan buyon yig‘ilish va qarorlar kamaytirilishi, asosiy e’tibor ijro va aholi muammolariga qaratilishini ma’lum qildi. Vazirlar Mahkamasi, vazirlar va hokimlar 10 kun ichida o‘z strukturasi va ish uslubini o‘zgartirishi shartligi ta’kidlandi.
Fuqarolar O‘zbekistonga olib kirayotgan diniy materiallar ham gologramma bilan tamg‘alanadi
Endilikda O‘zbekiston hududiga olib kiriladigan diniy mazmundagi materiallar ijobiy xulosa olingandan keyin gologramma bilan tamg‘alanadi. Shuningdek, sayt va fuqarolar tomonidan xorijda tayyorlangan diniy materiallarni ijobiy xulosa olmasdan tarqatganlik uchun javobgarlik belgilandi.
13 aprel kuni O‘zbekistonda sodir bo‘lgan eng muhim xabarlar dayjesti
Yangi yo‘l harakati qoidalarini jamoatchilik muhokamasisiz tasdiqlagan hukumat, O‘zbekistonning Ukraina mojarosidagi pozitsiyasi haqida gapirgan AQSh elchisi, yana sotuvga qo‘yilgan «Sijjak», old o‘rindiqdagi yo‘lovchilarning xavfsizlik kamarini taqishlari shart bo‘lgani, narxi oshib borayotgan oq qog‘oz va boshqalar — «Gazeta.uz» ning 13 apreldagi eng muhim xabarlari dayjestida.
Hukumat yangi yo‘l harakati qoidalarini nega jamoatchilik muhokamasisiz tasdiqladi?
Vazirlar Mahkamasi yangi tahrirdagi Yo‘l harakati qoidalarini jamoatchilik muhokamasisiz tasdiqladi. Bunga prezidentning 17 martdagi farmoni bilan muhokamaga qo‘yiladigan hujjatlar tasnifiga kiritilgan o‘zgartirish sabab bo‘lgan bo‘lishi mumkin. Unga ko‘ra, endi faqatgina muhim hujjatlar loyihalari jamoatchilik muhokamasiga qo‘yiladi. Oldingi tartibga ko‘ra, barcha hujjatlar loyihalari muhokamaga qo‘yilishi shart edi.
OAV bilan tizimli ishlamagani uchun Avtoqo‘mita raisi va Andijon shahar hokimi ogohlantirildi
Vazirlar Mahkamasi majlisida davlat organlari matbuot xizmatlari faoliyati tanqid qilindi. Jizzax viloyatidan boshqa barcha hududlar saytida ochiq ma’lumotlar uch oygacha yangilanmagani ta’kidlandi. OAV va jamoatchilik bilan tizimli aloqalarni yo‘lga qo‘ymagani uchun Avtomobil yo‘llari qo‘mitasi raisi Abdurahmon Abduvaliyev va Andijon shahar hokimi Baxromjon Haydarov ogohlantirildi.
Olimjon Mirzayev madaniyat vaziri o‘rinbosari lavozimidan ozod qilindi
Madaniyat vaziri o‘rinbosari Olimjon Mirzayev boshqa ishga o‘tishi munosabati bilan lavozimidan ozod etildi. Uning o‘rnini bunga qadar Vazirlar Mahkamasida mas’ul xodim sifatida ishlagan Murodjon Majidov egalladi.
Hokim yordamchilariga ipoteka krediti uchun 150 mln so‘mgacha subsidiya beriladi
Hukumat qarori bilan hokim yordamchilari va ularning faoliyatini samarali tashkil etishga mas’ul bo‘lgan respublika vakillariga ipoteka krediti uchun uy-joy narxining 50 foizigacha — biroq 150 mln so‘mdan oshmagan miqdorda subsidiya to‘lab beriladi. Qolaversa, ularga mukofot puli, maoshiga ustama to‘lov, uy ijarasi va shaxsiy mashinasida yurgani uchun benzin puli, chiptalar uchun konpensatsiya ham beriladi.
Tadbirkorlikni ro‘yxatdan o‘tkazish to‘lovi 5 barobarga kamaytiriladi
Tadbirkorlik subyektini ro‘yxatdan o‘tkazish to‘lovi miqdori BHMning 20 foizi (54 ming so‘m) etib belgilandi. Ilgari buning uchun BHMning 1 baravarini (270 ming so‘m) to‘lash kerak edi. Shuningdek, tadbirkorlikni qayta ro‘yxatdan o‘tkazish rad etilgan kundan 5 ish kuni ichida boj to‘lamasdan qayta murojaat qilinishi mumkin. Boshqa litsenziyalarni olish ham soddalashtirildi.
«Avtomobil tarixi»da transportda sodir etilgan huquqbuzarliklar ham aks etishi mumkin
«Avtomobil tarixi» bo‘yicha davlat xizmatini ko‘rsatishning ma’muriy reglamentiga oid hukumat qarori loyihasi ishlab chiqildi. Unga ko‘ra, endilikda avtomobilning tarixida nafaqat unga tegishli umumiy ma’lumotlar balki, unda sodir etilgan huquqbuzarlik va YTHlar, taqiq mavjud yoki yo‘qligi kabi axborotlar aks etadi.
Toshkent yer usti halqa metro liniyalarini qurish uchun 354,3 mln dollar ajratiladi
Hukumat qarori bilan «Toshkent shahrida yer usti halqa metro liniyalarining qurilishi» loyihasining texnik-iqtisodiy asoslari tasdiqlandi. Uning qiymati 354,36 mln dollarni tashkil etadi. Loyiha to‘rt yil avval boshlangan.
Ikki nafar vazir birinchi o‘rinbosari va uch nafar viloyat hokimi o‘rinbosari intizomiy jazoga tortildi
Vazirlar Mahkamasi to‘g‘ridan-to‘g‘ri xorijiy investitsiyalar va kreditlarni o‘zlashtirishda mas’uliyatsizlikka yo‘l qo‘ygan ikki nafar vazir birinchi o‘rinbosari va uch nafar viloyat hokimi o‘rinbosariga intizomiy jazo choralarini qo‘llash to‘g‘risida qaror qabul qildi.
Uy-joylarni sotib olish uchun boshlang‘ich badal kvartira qiymatining kamida 15 foizi etib belgilandi
Hukumat qaroriga muvofiq, uy-joy olish yoki yakka tartibdagi uy-joylar uchun subsidiyalarni to‘lash muddati 2021 yil 1 dekabrgacha uzaytirildi. Uy-joylarni sotib olish uchun boshlang‘ich badal kvartira qiymatining 15 foizidan kam bo‘lmagan miqdor etib belgilandi.
Apostilni elektron tarzda olish va tekshirish imkoniyati yaratiladi
Apostilni elektron tarzda olish va tekshirish imkoniyatini yaratishga oid Hukumat qarori loyihasi ishlab chiqildi. Unga ko‘ra, apostil qo‘yishning yagona tizimini yaratish taklif etilmoqda. Yangi tartib bilan xizmatdan onlayn foydalanish imkoniyati yaratiladi, ortiqcha vaqt va mablag‘ tejaladi. Qolaversa, apostilning haqiqiyligini onlayn tekshirib olish mumkin bo‘ladi.
Mamlakat bo‘ylab sayohat uchun turistik yig‘im va chegirmalar miqdori tasdiqlandi
Hukumat qarori bilan O‘zbekiston fuqarolaridan undiriladigan turistik yig‘im miqdori tasdiqlandi. U BHMning 0,4 foizi yoki kuniga 980 so‘mni tashkil etadi. Bundan tashqari, mahalliy sayyohlar uchun yangi joriy qilingan aviaqatnovlar hamda temiryo‘l chiptalariga chegirmalar qo‘llaniladi.
2020-yilgi Davlat dasturining 78 ta bandi ijrosi to‘liq ta’minlanmagan
Hukumatning Qonunchilik palatasiga taqdim etgan hisobotiga ko‘ra, 2020-yilgi Davlat dasturining 284 ta bandidan 206 tasi to‘liq bajarilgan. 20 tasining muddati uzaytirilgan va 58 ta bandning ijrosi hanuz davom etmoqda.
Deputatlar birinchi o‘qishda qabul qilgan 2021-yilgi davlat byudjeti qonunga zid bo‘lib chiqdi
Qonunchilik palatasi deputatlari birinchi o‘qishda qabul qilgan 2021-yilgi davlat byudjeti bilan Vazirlar Mahkamasiga berilayotgan vakolat qonunga zid bo‘lib chiqmoqda. Hisob palatasi yangi qonun loyihasi Byudjet kodeksiga muvofiq qayta ko‘rib chiqilishi lozimligini qayd etdi.
Xorijga hech qanday hujjatlarsiz olib chiqish mumkin bo‘lgan naqd valyuta miqdori oshadi
1 sentyabrdan boshlab O‘zbekistondan ruxsatnomasiz 100 mln so‘mgacha (9750$), deklaratsiyasiz esa 70 mln so‘mgacha (6800$) ekvivalentidagi naqd chet el valyutasini olib chiqish va mamlakatga olib kirish mumkin bo‘ladi.
Eng ko‘p o‘qilgan xabarlar | So‘nggi yangiliklar
- Gaz va elektr hisob raqamlari 1-maygacha to‘ldirib qo‘yilsa, eski tarif 2 oy mobaynida amal qiladi
- O‘zbekistonlik futbolchilar U-23 Osiyo kubogida Kuvaytni mag‘lub etdi (+ video)
- Foto, video: Toshkentning markaziy ko‘chalari bo‘ylab harbiy marsh bo‘lib o‘tdi
- O‘zbekistonning top-20 soliq to‘lovchisi ma’lum bo‘ldi. Ro‘yxatga kimlar kirdi?
- Hafta davomida havo issiq bo‘ladi, joylarda yomg‘ir yog‘ishi kutilmoqda
Qo‘shimcha imkoniyatlarga ega bulish uchun saytda ro‘yxatdan o‘ting