Seshanba kuni ta’mirlash ishlari sababli Toshkent shahrining Yashnobod, Mirzo Ulug‘bek va Olmazor tumanlarining ba’zi joylarida elektr ta’minoti vaqtincha to‘xtatiladi.
Toshkentda plyajlar 1990-yillar oxiridan kamaya boshlab, 2017-yilda cho‘milish mumkin bo‘lgan eng oxirgi joy ham yopildi. Poytaxt olti yil cho‘milishga ruxsat berilgan joylarsiz yashadi (pullik akvaparklar hisob emas). Bu yil ikkita plyaj ochildi. “Gazeta.uz” ularda bo‘lib, hordiq chiqaruvchilar bilan suhbatlashdi.
Economist Intelligence Unit`ga ko‘ra, Toshkent yashash uchun qulay shaharlar reytingida 13 pog‘ona pastlab, 173 ta shahar ichida 157-o‘rinni egalladi. Ro‘yxatda Avstriyaning Vena shahri yetakchilik qilmoqda.
Seshanba kuni ta’mirlash ishlari sababli poytaxtning 7 ta tumanidagi ayrim hududlarda elektr ta’minoti vaqtincha to‘xtatildi.
Mirzo Ulug‘bek tumanida Isuzu avtobusi bilan to‘qnashgan Lacetti haydovchisi halok bo‘ldi.
Poytaxtning Yashnobod (soat 16:00 gacha), Mirobod va Chilonzor (soat 17:00 gacha) tumanlaridagi ayrim hududlarda elektr ta’minoti to‘xtatildi.
Ekobloger “O‘rikguli” Toshkent shahrida noto‘g‘ri sug‘orilayotgan yashil hududlar aks etgan navbatdagi tasvirlarni e’lon qildi. U sug‘orish favvoralarini ta’mirlashga, daraxtlarni sug‘orishga ortiqcha suv sarflamaslikka chaqirmoqda.
Toshkent shahri hokimligi ikki ko‘cha — Katta halqa yo‘lining bir qismi (Oxangaron shohko‘chasi va yangi aylanma yo‘l oralig‘i) hamda Yakkasaroy va Sergeli tumanlarini bog‘lovchi yangi ko‘chaga nom berish bo‘yicha aholidan takliflar qabul qilmoqda.
Chorshanba kuni ta’mirlash ishlari sabab Toshkent shahrining Yashnobod, Uchtepa, Yakkasaroy va Chilonzor tumanlarining ba’zi joylarida vaqtincha elektr energiyasi ta’minoti to‘xtatildi.
Yangi avtobus va elektrobuslar xarid qilinishi tufayli Toshkent shahrida avtobus yo‘lovchilari soni keskin oshdi. May oyida kuniga o‘rtacha 782 ming yo‘lovchi tashildi, bu o‘tgan yilning shu oyiga nisbatan 63 foizga ko‘p degani.
“Hududiy elektr tarmoqlari” korxonasi Toshkent filiali direktori o‘rinbosari Bekzod Kulibayev shahar elektr ta’minotida kuzatilayotgan uzilishlar sabablari, rejali ta’mirlash ishlari va avariyaviy holatlar bo‘yicha ma’lumot berdi.
Yashnobod, Sergeli, Mirobod, Chilonzor, Yakkasaroy va Yunusobod tumanlarining ayrim hududlarida 13-iyun kuni elektr energiyasi “ta’minlash hamda elektr tarmoqlaridagi avariyaviy holatlarni oldini olish maqsadida” vaqtincha o‘chiriladi.
Toshkentdagi “Oltintepa” mahallasi 2016-yildan beri “snos”ni kutadi. O‘tgan yetti yilda ularning hovlilari atrofida “dom”lar va uch qavatli ko‘prik qurildi. Ularning yashash sharoitlari esa yomonlashdi: hovlilarni doim suv bosadi, namlik devorlarni buzadi. Aholi ularning muammolari hal etilishini so‘ramoqda.
Toshkent shahri hokimligi Amir Temur, Shahrisabz, Shota Rustaveli va Yangi Sergeli ko‘chalarida tezyurar avtobuslar yo‘laklarini tashkil etish to‘g‘risidagi hujjat loyihasini muhokama uchun e’lon qildi. Loyihada xorij tajribasi asosida ko‘chalarni optimallashtirish nazarda tutilgan.
Olmazor tumanida 38 yoshli erkak o‘zini 4-qavatdan tashlab, halok bo‘ldi. Voqeaga marhumning qarzlari ko‘payib ketgani uchun tushkunlikda yurgani sabab sifatida ko‘rilmoqda.
So‘nggi haftalarda poytaxtda yo‘l-qurilish ishlari faol tarzda ketmoqda. Bu elektr energiyasi ta’minoti barqarorligini oshirish maqsadida qilinyapti, dedi hokimlik. 2023-yilda 903 km past kuchlanishli elektr tarmoqlari, 228 ta transformator yangilanadi. Bunday yirik masshtabdagi ish ilk marta amalga oshirilmoqda.
Toshkentda xususiy firma rahbarlari tanishlari orqali fuqaro va uning onasiga Haj vizasini tayyorlab berish uchun 20 ming dollar so‘ragani aytilmoqda. Ular 4 ming dollarni olgan vaqtda ashyoviy dalillar bilan ushlangan.
Uchtepa tumanida yuk mashinasi va 7 ta yengil avtomobil to‘qnashdi. YTH oqibatida haydovchilardan biri shifoxonaga olib ketildi.
Toshkent shahri hokimi vazifasini bajaruvchi Shavkat Umurzoqovning so‘zlariga ko‘ra, yaqinda shahardagi har bir mahallada yashil hududlar barpo etiladi. “Toshkentga „xalq shahri“, „xalq hordiq chiqaradigan shahar“ nomlarini olib berish siyosatini yuritamiz”, — deydi u.
Bektemir tumanida Cobalt haydovchisi to‘xtab turgan “Jiguli”ga to‘qnashib, yo‘l chetidagi 3 nafar piyodani urib yubordi. YTH oqibatida ulardan biri kasalxonada vafot etdi.
Qo‘shimcha imkoniyatlarga ega bulish uchun saytda ro‘yxatdan o‘ting