Tarmoqlarda yosh qizaloq maktabdan qaytishda Sirdaryo daryosidan qayiq orqali suzib o‘tayotgani aks etgan video ko‘plab muhokamalarga sabab bo‘lgandi. Viloyat hokimi v.b. Akmal Maxmudaliyev qiz va onasi bilan uchrashdi. Hokim ular uchun daryo qirg‘oqlarini bog‘lovchi maxsus uskunali tros tortilishini ma’lum qildi.
Boyovut tumanida hokimi yordamchisi o‘zi ta’sischilik qilgan 3 ta tadbirkorlik subyektidan biriga 12 holatda fuqarolarning 371,5 mln so‘m kredit mablag‘larini o‘tkazgan va ular maqsadsiz yo‘naltirilgan. Hozirda unga va boshqalarga nisbatan jinoyat ishi qo‘zg‘atildi.
Guliston tumanida elektr transformator ostiga kirib qolgan itni qutqarmoqchi bo‘lgan 2-sinf o‘quvchisini tok urdi. Bola bosh, qorin, qo‘l va oyoq qismidagi jarohati bilan shifoxonaga yotqizildi.
DXX «Sirdaryo yo‘llardan muntazam foydalanish» unitar korxonasi mansabdorlarining 1 mlrd so‘mdan oshiq mablag‘ni talon-toroj qilganini aniqladi. Sud hukmiga ko‘ra, ularga ozodlikdan mahrum qilish, ahloq tuzatish ishlari hamda boshqa jazo turlari tayinlandi.
Sirdaryo viloyati Mirzaobod tumanida erkak o‘zaro janjal sabab turmush o‘rtog‘ini urib o‘ldirdi. Oqibatda ikki nafar voyaga yetmagan bola yetim qoldi.
Prezident matbuot kotibi Sherzod Asadov Sirdaryoda sodir bo‘lgan portlash yuzasidan izoh berar ekan, holat davlat rahbarining nazoratida ekanligini ma’lum qildi. Hozirda tergov harakatlari olib borilmoqda va natijasi keng jamoatchilikka e’lon qilinadi, dedi u.
Sirdaryodagi harbiy qism ombori portlashi oqibatida 12 kishi tuman tez tibbiy yordam bo‘limiga murojaat qilgan, deb xabar berdi SSV. Ularning 5 nafari shoshilinch tibbiy bo‘limida, 7 nafariga ambulator yordam ko‘rsatildi, 4 nafari esa statsionar kuzativga olindi.
Shavkat Mirziyoyev Sirdaryoda paxta dalasida fermer va qishloq xo‘jaligi vakillari bilan uchrashdi. Nav evaziga hosildorlikni oshirish, suvdan oqilona foydalanish zarurligi ta’kidlandi. «Bir paytlar paxta maydonidan bir gektar ajratish jinoyat edi, takroriy ekin ekkan ta’qib qilinardi», — dedi davlat rahbari.
Shavkat Zayniddinov va Bahodir Botirov Sirdaryo viloyati hokimining o‘rinbosari etib tayinlandi. Shuningdek, Otabek Nosirov Yangiyer shahriga hokim bo‘ldi.
Sirdaryo viloyatida daryo qirg‘og‘idagi 4,5 gektar yerni 240 ming dollarga sotishga uringan shaxslar kelishilgan pulning 13 ming dollarini olayotgan vaqtda ushlandi. Holat yuzasidan jinoyat ishi qo‘zg‘atildi.
Boyovut tumanida ikki fuqaro Toshkent irrigatsiya va qishloq xo‘jaligini mexanizatsiyalash muhandislari institutining Qarshi filialini tugatganligi to‘g‘risida diplom olib berish uchun 3 ming dollar olgan vaqtida ushlandi. Ularga nisbatan jinoyat ishi ochildi.
Gulistonda oyog‘i ariqqa tiqilib qolgan bolaga qutqaruvchilar yordam ko‘rsatdi, u jarohat olmadi. FVV ota-onalarni o‘z farzandlarini qarovsiz qoldirmaslikka chaqirdi.
Sirdaryoning Oqoltin tumanida gaz balloni portlagan Isuzu avtobusi bo‘yicha «O‘zavtosanoat» va boshqa mas’ul xodimlar tekshiruv o‘tkazdi. Unga ko‘ra, gaz ballonlar avtobus konstruksiyasiga o‘zgartirish kiritilgan holda o‘rnatilganligi aniqlangan. Holat yuzasidan jinoyat ishi qo‘zg‘atildi.
DXX tomonidan 10,2 ming dollar evaziga Toshkent shahridagi Xalqaro Vestminster universitetiga o‘qishga kiritib qo‘yishni va’da qilgan shaxs ushlangani aytilmoqda. Gumonlanuvchi oldindan 5 ming dollar olayotgan vaqtida qo‘lga olingan.
Tez kunlarda “Guliston — Qo‘qon” yo‘nalishida Tojikiston orqali harakatlanuvchi yangi avtobuslar qatnovi yo‘lga qo‘yiladi. Yo‘l haqi 50 ming so‘m atrofida bo‘ladi, yo‘lovchilardan xorijga chiqish pasportini olish talab etiladi. Yo‘lovchilarni Tojikiston hududida tushirish va olish taqiqlanadi.
Yangiyer shahridan oqib o‘tuvchi Janubiy Mirzacho‘l kanaliga tushib ketgan 13 yoshli o‘smir FVV xodimlari tomonidan qutqarib qolindi. Aprel oyida mazkur kanalda cho‘milgan 17 yoshli bola cho‘kib ketgandi.
Qurilish vazirligi Boshqarma boshlig‘i lavozimida ishlagan Voxid Ibodullayev Sirdaryo viloyati hokimining o‘rinbosari lavozimiga tayinlandi. Bundan tashqari, O‘ktam Pardayev Qashqadaryo viloyatining Kitob tumaniga hokim bo‘ldi.
DXX Guliston shahrida ikkita noqonuniy mayning-ferma faoliyatiga chek qo‘ydi, birinchi holatda fuqaro 19 dona mayning qurilmasini o‘rnatgani aniqlandi. Ikkinchi holatda esa toshkentlik fuqaro 148 dona mayning qurilmasi yordamida fevraldan beri 40 ming dollarga teng kriptovalyuta ishlab chiqargani aytilmoqda. Ular elektr energiyadan noqonuniy foydalanib, davlatga 660 mln so‘mdan ortiq zarar yetkazgani ma’lum bo‘ldi.
Sirdaryo viloyati Yangiyer shahridan oqib o‘tgan Janubiy Mirzacho‘l kanalida 17 yoshli o‘smir cho‘kib ketdi. Qutqaruvchilar qidirish ishlarini davom ettirmoqda.
Yangiyer shahrida Nexia-3 avtomobiliga o‘rnatilgan gaz balloni portlashi oqibatida mashina butunlay yaroqsiz holga keldi. Hodisada hech kim jabrlanmadi. 2 mashina zararlandi.
Qo‘shimcha imkoniyatlarga ega bulish uchun saytda ro‘yxatdan o‘ting