«rasul kusherbayev» tegli maqolalar
Deputat Twitter bloklanishi sababi yuzasidan so‘rov yubordi
Deputat Rasul Kusherbayev «O‘zkomnazorat» ga Twitter bloklanishini asoslantirilgan holda tushuntirib berish va tarmoqdan cheklovni olib tashlash choralarini ko‘rish masalasida so‘rov kiritdi. Uning so‘zlariga ko‘ra, bu kabi cheklovlarning ijobiy tarafidan salbiy oqibatlari ko‘proq.
Xorijda pasport va sertifikat olish to‘lovlari qimmatligi bo‘yicha TIV rahbariga deputatlik so‘rovi yuborildi
Xorijda O‘zbekiston pasporti va qaytish sertifikatini olish bo‘yicha to‘lovlar Markaziy Osiyo davlatlari orasida eng qimmati hisoblanadi. Qonunchilik palatasi deputati Rasul Kusherbayev narxlarni asoslash va pasaytirish yuzasidan tashqi ishlar vaziri Abdulaziz Kamilovga deputatlik so‘rovi kiritdi.
Senat «snos» to‘g‘risidagi qonunni qaytarishi mumkin
Senat «snos» to‘g‘risidagi qonunni quyi palataga qaytarishi kutilmoqda. Senatorlarning fikricha, qonunni qayta ko‘rib chiqishga 7 ta moddadagi kamchiliklar va ochiq qolgan masalalar sabab bo‘lmoqda. Deputat Rasul Kusherbayev esa bu noto‘g‘ri ekanligini aytib, qonun qaytgudek bo‘lsa, Qonunchilik palatasi hujjatni prezidentga to‘g‘ridan-to‘g‘ri kiritishi mumkinligini eslatib o‘tdi.
Toshkent tibbiyot akademiyasi binosi qurilishida 22 mlrd so‘mdan ortiq mablag‘ samarasiz sarflangani aniqlandi
Hisob palatasi Toshkent tibbiyot akademiyasi binosi qurilishida 22,4 mlrd so‘m mablag‘ samarasiz sarflanganini ma’lum qildi. Bundan tashqari, 9 ta tuman va shahar tibbiyot birlashmasi 16,7 mlrd so‘mlik maoshga soxta «vedomost» larni rasmiylashtirib, o‘zlashtirgani aniqlandi.
9 fevral kuni O‘zbekistonda sodir bo‘lgan eng muhim xabarlar dayjesti
UzAuto Motors avtomobillari uchun oldindan to‘lov ko‘pi bilan 50% bo‘lishi kerakligini aytgan Rasul Kusherbayev, Marhamat hokimi tashabbusi bilan ota-onalardan uzr so‘ragan o‘qituvchilar, raqobat rivojlangan sohalarda davlat muassasalari tugatilishi, «Kapitalbank» aksiyalariniing boshqaruv paketini qo‘lga kiritgan Alisher Usmonov, yakshanba kuni yig‘ilish o‘tkazgan Buxoro viloyati hokimi va boshqalar — «Gazeta.uz» ning 9 fevraldagi eng muhim xabarlari dayjestida.
UzAuto Motors avtomobillari uchun oldindan to‘lov ko‘pi bilan 50% bo‘lishi kerak — Rasul Kusherbayev
Rasul Kusherbayev UzAuto Motors avtomobillari uchun 85 foizlik oldindan to‘lov miqdorini pasaytirish bo‘yicha hukumatga takliflar tayyorlanayotganini ma’lum qildi. Deputat «Gazeta.uz» ga bergan intervyusida oldindan to‘lov ko‘pi bilan 50% bo‘lishi kerakligini ta’kidladi. «Hali ko‘rsatilmagan xizmat va xarid qilinmagan tovar uchun oldindan to‘lov qilinishi mantiqsiz o‘zi», — dedi u.
«Davlat yoki jamoat?» Qonun loyihasi nomi deputatlar o‘rtasida bahsga sabab bo‘ldi
Qonun loyihasi nomida yer uchastkalarini olib qo‘yish «davlat ehtiyoji uchun» emas, balki «jamoat ehtiyojlari uchun» deb qayd etilgani deputatlar o‘rtasida bahs-munozaralarga sabab bo‘ldi. Rasul Kusherbayev «gap nomda emas, balki qonunni ishlashida» ekanligini qayd etdi. Boshqa deputatlar esa «jamoat» tushunchasiga qonunchilikda ta’rif yo‘qligi, «mavhum narsa hech qachon xalqqa foyda keltirmasligini» ta’kidlashdi. Doniyor G‘aniyev esa adliya vaziri o‘rinbosari bilan tortishdi. Bahslarga quyi palata spikeri yakun yasadi.
Deputatlar Ma’muriy javobgarlik to‘g‘risidagi kodeksni yangi tahrirda ko‘rib chiqishmoqda
Ma’muriy javobgarlik to‘g‘risidagi kodeksning nomi «Ma’muriy huquqbuzarliklar to‘g‘risidagi kodeks» deb o‘zgartirilishi kutilmoqda. Qonunchilik palatasi fraksiyalari tomonidan ko‘rib chiqilayotgan kodeksning yangi tahririda dalillar taqdim etish, isbot qilish, xolislar, videokonferensiya shaklidagi sud kabi yangi tartiblar kiritiladi. Huquqbuzarlik sodir etilgan joyda naqd pulda jarima undirish bekor qilinadi.
Poytaxtlik deputat unga qarshi «siyosiy buyurtma» bo‘lganini ma’lum qildi
Toshkentning Uchtepa tumani kengashi deputati Nuriddin Zaynitdinov «siyosiy buyurtma, provakatsiyalar va bosim» tufayli deputatlik faoliyatini yakunlashi mumkinligini ma’lum qildi. «Gazeta.uz» bilan suhbatda u bular ortida «tuman va shahar hokimliklari bilan bog‘liq uch-to‘rtta deputat» turgan bo‘lishi mumkinligini aytdi. Senat mazkur vaziyatni o‘rganmoqda.
Suv hisoblagichlarini o‘rnatish xarajatlari iste’molchilar bo‘ynida qoldi
Qonunchilik palatasi «Ichimlik suvi ta’minoti va oqava suvlarni chiqarish to‘g‘risida»gi qonunni ma’qulladi. Deputat Rasul Kusherbayev «yangi O‘zbekistonda suv ta’minoti masalasi eskiligicha qolayotganini» aytdi. Uning so‘zlariga ko‘ra, iste’molchi «suv hisoblagichini o‘zi sotib oladi, hisobini o‘zi yuritadi va ko‘rsatkichlarni o‘zi tekshiradi». «O‘zsuvta’minot» korxonasi rahbari Sohib Saifnazarovning aytishicha, korxona o‘z hisobidan hisoblagichlarni o‘rnatishga tayyor, ammo keyin «barcha xarajatlarni tariflarga qo‘shishga to‘g‘ri keladi».
21 dekabr kuni O‘zbekistonda sodir bo‘lgan eng muhim xabarlar dayjesti
Orol dengizining kuni kutayotgan Aydar-Arnasoy ko‘llar tizimi, «Shovotlandiya» kafesini yoqib yuborgani uchun butun umrga qamalgan shaxslar, changli bo‘ron kuzatilayotgan Qarshi, avtomobillarni chaqirib olayotgan UzAuto Motors, Qibrayda qariyb 14 gektar yerni 3,4 mln dollarga sotmoqchi bo‘lganlar, totalizatorlar faoliyatiga qarshi Ruslanbek Davletov, bloklangan Twitter post e’lon qilayotgan Tanzila Narbayeva, O‘zbekistonlagi rahbarlarning mutaxassisligi va karera yo‘li — «Gazeta.uz» ning 21 dekabrdagi eng muhim xabarlari dayjestida.
Prokuratura kesilgan daraxtzor uchun to‘langan 1,89 mlrd so‘mni Ekoqo‘mga o‘tkazmadi — deputat
2020 yil fevral oyida Toshkent shahar prokuraturasi tomonidan poytaxtning Yakkasaroy tumanidagi 81 tup daraxt kesilgani uchun quruvchidan qariyb 2 milliard so‘m undirilgan edi. Departament bu pullarni Ekologiya davlat qo‘mitasiga o‘tkazishi kerak edi, biroq haligacha o‘z hisobida saqlab kelmoqda. Bu haqda deputat Rasul Kusherbayev ma’lum qildi. Biroz vaqt o‘tgach, u o‘z postini o‘chirib tashladi.
Adliya vazirligi Rasul Kusherbayevni «qora bozor»dan valyuta ayirboshlaganini qoraladi
Adliya vazirligi deputat Rasul Kusherbayevning valyutani bila turib «qora bozor»dan ayirboshlaganini amaldagi qonunlarni buzishga qaratilgan namoyishkorona harakat deb baholadi. «Rasul Kusherbayevning shaxsiy o‘rnak sifatida qonunlarni buzish orqali muammoni hal etish usulini tanlagani, shu orqali huquqiy nigilizmni targ‘ib qilishga olib kelayotganini oqlab bo‘lmaydi», — deyiladi xabarda. Vazirlik ushbu muammo mavjudligini tan olgan, biroq uni birgalikda hal qilishga chorlagan.
Deputat dollarni «qora bozor»da almashtirishga majbur bo‘ldi
Rasul Kusherbayev Markaziy bankni dam olish kunlari valyuta ayinboshlash shoxobchalari ishlamasligi tufayli odamlarni valyutani «qora bozorda» almashtirishga majbur qilayotganlikda aybladi. Deputat guvohlar ishtirokida 50 dollarni ko‘chada almashtirdi. «Har qanday vaziyatda ham fuqarolar huquqbuzarlik qilmasliklari uchun ularni shuni qilishga majbur qiluvchi barcha sabablar bartaraf etilishi shart», — deya ta’kidladi u.
«Pastkash erkaklari bor huquqni himoya qiluvchilar ishlayotgan jamiyatning borligi uyatli» — Rasul Kusherbayev
Oliy Majlis Qonunchilik palatasi deputati Rasul Kusherbayev deputat ayol Feruza Babasheva atrofida bo‘layotgan voqealarga munosabat bildirdi. U ayolning bir erkak bilan birgalikdagi fotosuratlari va videosining ijtimoiy tarmoqlarga tarqalib ketganini keskin qoralab, «kim va nima bo‘lishidan qat’i nazar, odamni sindirish bunday usul bilan uyushtirilmasligini» ta’kidladi.
Marhum xodimning otasi nafaqa pullarini talab qilib, Bosh prokuraturani sudga berdi
Aprel oyida vafot etgan Bosh prokuratura xodimi Samir Rahmonovning otasi qonunda belgilangan tartibda nafaqa pullari to‘lab berilmaganini ma’lum qildi. Shu sabab marhumning otasi Bosh prokuratura ustidan sudga murojaat qildi. Biroq, FIB Mirobod tuman sudi da’vo arizasini rad qildi. Da’vogar esa sudga apellyatsiya shikoyatini kiritgan.
“20 yildan oshdi, qonun qabul qildik, lekin uni buzganlik uchun javobgarlik yo‘q” — deputat jurnalistlar himoyasi bo‘yicha qonundagi kamchilik haqida
Deputat Rasul Kusherbayev jurnalistlar himoyasiga oid qonunlarni buzganlik uchun javobgarlik belgilanmagani sohada ko‘plab muammolarni keltirib chiqarayotganini ta’kidladi. Uning aytishicha, Qonunchilik palatasi deputatlari bu masalada bir necha bor harakat qilib ko‘rishgan. “Biz, shaxsan men ham tarafdormanki, himoya qonunini qabul qildikmi, himoyani buzganga doir javobgarlik masalasini ham jinoyat kodeksida belgilab qo‘yishimiz shart”, — dedi deputat.
Denovda 109 tup daraxt kesilishidan yetkazilgan zarar 65 mln so‘m emas, 995 mln so‘m ekani ma’lum bo‘ldi
Surxondaryo viloyat ekologiya boshqarmasi Denov tumani markazida noqonuniy kesilgan 109 tup daraxt uchun 65 mln so‘m miqdorida zarar hisobladi. Deputat Rasul Kusherbayevning so‘rovidan so‘ng zarar qayta hisoblanib, aslining uning miqdori 995 mln so‘m ekani ma’lum bo‘ldi. Holat yuzasidan jinoiy ish qo‘zg‘atildi.
«Cheklovlar ko‘pincha «orqasi»da hech kimi yo‘q, oddiy fuqarolar uchun ishlatildi» — deputat karantin choralari kuchaytirilishi haqida
Deputat Rasul Kusherbayevning fikricha, karantin choralarining kuchaytirilishi amalda katta natija bermaydi, aksincha, aholining hukumat va huquq-tartibot idoralari xodimlariga nisbatan noroziligini oshirishi mumkin. U ham koronavirusga qarshi emlashni majburiylikka o‘tkazish kerakligini ta’kidladi.
«Arzon mashina olgan odamning qadri yo‘qmi?» Rasul Kusherbayev xavfsizlik yostiqchasi bo‘lmagan avtomobillar haqida
Deputat Rasul Kusherbayev UzAutoMotors mashinalari «pachoqlanib» ketayotganliklari ularning xavfsizlik jihatidan yaxshi jihozlanmaganligida ekanligini ta’kidladi. «Ilgari odamlarni temir o‘ldirgan bo‘lsa, hozir plastmassa o‘ldiryapti. Avtomobillar agar shunchalik yaxshi chiqayotgan bo‘lsa, nimaga haligacha o‘lim xavfi ko‘payib bormoqda?», — dedi deputat. Avtomobil yo‘llari bo‘yicha mutaxassis Orifjon Nazarov mashinalar sifatini tanqid qilishdan ko‘ra, haydovchilar madaniyatini oshirish kerakligini ta’kidladi.
Eng ko‘p o‘qilgan xabarlar | So‘nggi yangiliklar
- Elektrning tannarxi qariyb 1000 so‘m, tabiiy gazniki esa qariyb 2000 so‘mni tashkil qiladi — Iqtisodiyot vazirligi
- 1-maydan elektr va gaz uchun tariflar oshiriladi, ijtimoiy norma joriy etiladi
- Rossiyada qarovsiz qolgan bolalar O‘zbekistonga qaytarildi
- Toshkentda niqobli shaxslar tunda ekskavator yordamida daraxtni qo‘porib oldi
- Demokratiya, qancha qusuri bo‘lsa ham, baribir avtokratiyadan yaxshiroq
Qo‘shimcha imkoniyatlarga ega bulish uchun saytda ro‘yxatdan o‘ting