«qonunchilik palatasi» tegli maqolalar
Voyaga yetmagan davridagi jinoyati uchun jazoni o‘tab bo‘lgan shaxs sudlanmagan deb hisoblanishi belgilanmoqda
Oliy Majlis Qonunchilik palatasining navbatdagi majlisida deputatlar voyaga yetmagan davrida sodir etgan jinoyati uchun jazoni o‘tab bo‘lgan shaxs sudlanmagan deb hisoblanishi belgilanmoqda. Voyaga yetmaganlarga nisbatan ozodlikdan mahrum qilish jazosining eng kam muddati esa 6 oydan 1 oyga qisqartirilmoqda.
O‘zbekiston Saylov kodeksi muddatidan ilgari saylovlar haqidagi moddalar bilan to‘ldirildi
Saylov kodeksiga prezident, Qonunchilik palatasi deputatlari va Senat a’zolarining navbatdan tashqari saylovlarini o‘tkazish yuzasidan o‘zgartishlar kiritildi. Prezident davlat rahbari uchun muddatidan ilgari saylovlarni tayinlaganida, ular 2 oy ichida o‘tkazilishi kerak.
“Pedagog xodimning maqomi to‘g‘risida”gi qonun loyihasini ko‘rib chiqish jarayoni qanday kechdi?
Qonunchilik palatasining navbatdagi majlisida “Pedagog xodimning maqomi to‘g‘risida”gi qonun loyihasi ko‘rib chiqildi. Taklif etilgan qonun loyihasida dastlabki taqdim etilgan loyihadagi bir qancha imtiyozlar yo‘qligi ma’lum bo‘ldi. Ayrim deputatlar loyiha haqida e’tirozlarini bildirdi.
Deputatlar O‘zbekistonda oilaviy zo‘ravonlikni jinoyat deb belgilashni ma’qulladi
O‘zbekistonda oilaviy zo‘ravonlik uchun ma’muriy va jinoiy javobgarlik joriy etilishi kutilmoqda. Shuningdek, iqtisodiy va psixologik, jinsiy zo‘ravonlik va boshqa jinoyatlar uchun javobgarlik joriy etilmoqda. Saida Mirziyoyeva buni «sog‘lom fikr va adolatning g‘alabasi» deb atadi.
«Soyuz»mi yo mustaqillik, trend doirasida, parlament islohoti. O‘zbekistonda referendumlar necha marta va nega o‘tkazilgan?
O‘zbekistonda 2023 yil 30 aprel kuni o‘tkazilishi kutilayotgan referendum mamlakat tarixida shu tartibdagi beshinchi umumxalq ovoz berish jarayoni bo‘ladi. «Gazeta.uz» bungacha 1991 (2 marta), 1995 va 2002 yillarda o‘tkazilgan referendumlar haqida ma’lumot beradi.
Deputatlar yangi Konstitutsiya bo‘yicha qonunni qabul qildi
Oliy Majlis Qonunchilik palatasi deputatlari «O‘zbekiston Konstitutsiyasi to‘g‘risida»gi qonunning yangi tahririni qabul qildi, keyinchalik u referendumga qo‘yiladi.
Qonunchilik palatasida Konstitutsiyani o‘zgartirish bo‘yicha loyiha muhokamasi qayta tiklanmoqda
Oliy Majlis Qonunchilik palatasining ikki mas’ul qo‘mitasi bugun Konstitutsiyaga o‘zgartirishlar kiritish to‘g‘risidagi qonun loyihasini muhokama qiladi. Hujjat noyabr oyida qayta ko‘rib chiqish uchun qaytarib yuborilgandi.
Davlat xizmatchilarining daromadini deklaratsiyalash to‘g‘risidagi qonun loyihasi atrofida nimalar bo‘lmoqda?
O‘zbekistonda davlat xizmatchilarining daromadlari va mol-mulkini deklaratsiyalash tizimi 2022 yil 1 yanvardan ishga tushishi kerak edi, biroq qonun haligacha qabul qilinmadi. Noyabrda qonun loyihasi Vazirlar Mahkamasiga ko‘rib chiqish uchun berilgan, lekin hukumat hujjatni haligacha parlamentga taqdim etmadi.
O‘zbekistonda advokatlar qo‘shimcha qiymat solig‘i to‘lamaydi
Endilikda O‘zbekistonda advokatlar qo‘shimcha qiymat solig‘i to‘lamaydi. Bu haqdagi norma Qonunchilik palatasida o‘tgan yig‘ilishda qonun loyihasidan chiqarib tashlandi.
«Hammasi yasama». Rasul Kusherbayev Qonunchilik palatasi majlisini qanday tark etgandi?
Tarmoqlarda deputat Rasul Kusherbayevning Qonunchilik palatasi majlisida kun tartibiga doir savol bermoqchi bo‘lgani, biroq u e’tiborga olinmagani aks etgan video tarqaldi. «Bunday yig‘ilishda o‘tirgandan o‘tirmagan yaxshi. Men ketaman. Hammasi yasama, so‘z bermaydi», — deya gapirgan u.
O‘zbekistonda tibbiyot xodimlari faoliyatiga to‘sqinlik qilgan shaxslarga ma’muriy javobgarlik belgilanmoqda
Qonunchilik palatasida tibbiyot xodimlari faoliyatiga to‘sqinlik qilgan fuqarolar va mansabdor shaxslarni jarimaga tortish yoki 15 sutkagacha ma’muriy qamoq jazosini belgilash haqidagi qonun loyihasi ko‘rib chiqildi. Deputatlar loyihani ikkinchi o‘qishda bir ovozdan qabul qilindi.
Hukumat limitga moslasha olmayotgani uchun deputatlardan budjet taqchilligining cheklangan miqdorini oshirishni so‘radi
Hukumat budjet taqchilligining amaldagi cheklangan miqdoriga moslasha olmayapti, shu bois parlamentdan uni 4 foizgacha oshirishni so‘radi, bu esa davlat xarajatlarining 8 trln so‘mga oshishini anglatadi. Jamshid Qo‘chqorovning aytishicha, kelasi yilgi budjet loyihasini tayyorlash ishlari qariyb yakuniga yetgan.
«Qonundan tashqari hech narsaga burningizni tiqishga haqqingiz yo‘q». Akmal Saidov Hisob palatasi raisi o‘rinbosariga tanbeh berdi
Qonunchilik palatasi majlisida Hisob palatasi raisi o‘rinbosari O‘tkir Jumanov nobudjet jamg‘armalar faoliyati ham «topshiriq bo‘lsa, tekshirilishini» ta’kidladi. Akmal Saidov esa Hisob palatasining «qonundan tashqari hech narsaga burnini tiqishga haqqi yo‘q»ligini aytib, unga tanbeh berdi.
Deputatlar «Davlat fuqarolik xizmati to‘g‘risida»gi qonun loyihasini ma’qulladi
Chorshanba kuni deputatlar «Davlat fuqarolik xizmati to‘g‘risida»gi qonun loyihasini ma’qulladi. Hujjat bilan davlat fuqarolik xizmati lavozimlarining davlat reyestri yuritiladi va ularga nomzodlar ochiq tanlov asosida tanlab olinadi. Davlat xizmatchisiga tadbirkorlik bilan shug‘ullanish, xizmati evaziga jismoniy va yuridik shaxslardan mukofot yoki sovg‘a olish, chet el fuqaroligiga ega bo‘lish, O‘zbekistondan tashqarida bank hisobraqami ochish, ko‘chmas va boshqa mulkka egalik qilish taqiqlanmoqda. Hujjat Senatga yuborildi.
Deputatlar mehnat migrantlariga imtiyozlar berishni nazarda tutuvchi qonunni ma’qulladi
Qonunchilik palatasi tomonidan migrantlarga oid yangi qonun ma’qullandi. Unda tashqi mehnat migratsiyasi sohasidagi davlat siyosatining asosiy yo‘nalishlari belgilangan. Qonunda shuningdek, mehnat migrantlarini ijtimoiy qo‘llab-quvvatlash, ularning huquq va manfaatlarini himoya qilish hamda xorijdan qaytganlarning reintegratsiyasi ko‘zda tutilgan.
Behzod Musayevga pandemiya uchun ajratilgan mablag‘lar sarflanishi yuzasidan parlament so‘rovi yuborildi
2021 yilda koronavirus pandemiyasiga qarshi kurashish va vaksina sotib olish uchun davlat budjetidan jami 4,2 trln so‘m mablag‘ ajratilgan. SSV 2021 yilning birinchi yarim yilligidagi mablag‘lar nimaga sarflanganini ochiqlamagan. Vazirlar Mahkamasi va Moliya vazirligi hisobotlarida ham bu ma’lumotlar o‘z aksini topmagan. Shundan kelib chiqib, Qonunchilik palatasi sog‘liqni saqlash vaziri Behzod Musayevga parlament so‘rovi yubordi.
«Davlat yoki jamoat?» Qonun loyihasi nomi deputatlar o‘rtasida bahsga sabab bo‘ldi
Qonun loyihasi nomida yer uchastkalarini olib qo‘yish «davlat ehtiyoji uchun» emas, balki «jamoat ehtiyojlari uchun» deb qayd etilgani deputatlar o‘rtasida bahs-munozaralarga sabab bo‘ldi. Rasul Kusherbayev «gap nomda emas, balki qonunni ishlashida» ekanligini qayd etdi. Boshqa deputatlar esa «jamoat» tushunchasiga qonunchilikda ta’rif yo‘qligi, «mavhum narsa hech qachon xalqqa foyda keltirmasligini» ta’kidlashdi. Doniyor G‘aniyev esa adliya vaziri o‘rinbosari bilan tortishdi. Bahslarga quyi palata spikeri yakun yasadi.
«Snos»ga tushgan hujjati yo‘q uylarga ham kompensatsiya to‘lab beriladi
Deputatlar ko‘rib chiqqan qonun loyihasiga ko‘ra, hujjati bo‘lmagan uylar «snos» ga tushganda, ularga ham kompensatsiya to‘lab berish taklif etilmoqda. Bunda da’vogar mulkka 15 yil davomida oshkora va uzluksiz egalik qilgan hamda soliqlarni to‘lagan bo‘lishi lozim. Loyiha qabul qilinib, Senatga yuborildi.
«Hokimlarning kengash raisi maqomini bekor qilish». Hujjat 2,5 yil oldin tayyorlangan, biroq qabul qilinmagan
2019 yilgi Davlat dasturiga ko‘ra, 6 oy ichida hokimlarning xalq deputatlari kengashi raisi maqomini bekor qilishga oid qonun loyihasi ishlab chiqilgan. «Gazeta.uz» ning aniqlashicha, Adliya vazirligi o‘shandayoq loyihani huquqiy ekspertizadan o‘tkazib, ijobiy xulosa bergan. Biroq, hujjatning undan keyingi taqdiri noma’lumligicha qolmoqda. Qonunchilik palatasi ma’lum qilishicha, «hujjat quyi palataga kelib tushmagan, shu sababli muhokama qilinmagan». Senat esa sukut saqlamoqda.
Mehnat migrantlari daromadlari ikki tomonlama soliqqa tortilmasligi mumkin
«Tashqi mehnat migratsiyasi to‘g‘risida»gi qonun loyihasi Qonunchilik palatasida birinchi o‘qishda qabul qilindi. Qonun loyihasida mehnat migrantlarining daromadlari ikki tomonlama soliqqa tortilmasligi belgilanmoqda.
ENG KO‘P O‘QILGAN XABARLAR
- Yoz chillasida jaziramadan qanday saqlanish mumkin?
- Toshkent viloyatidagi AGQSHda avtomobil balloni portladi
- Surxondaryodagi uylarning birida noyob turdagi kiyiklar topildi
- AQSh elchisi — O‘zbekiston fuqarolariga viza berishni rad etish darajasi yuqoriligining sabablari haqida
- Qashqadaryoda VIII — IX asrlarga oid tosh minora topildi
Qo‘shimcha imkoniyatlarga ega bulish uchun saytda ro‘yxatdan o‘ting