Farg‘onada “Agrobank” filiali sobiq xodimlari uchta holatda salkam 4 mlrd so‘mni o‘zlashtirgani aniqlandi. Ularga nisbatan sud hukmi o‘qilib, tegishli jazolar tayinlangan.
Toyloq tumanida aholi xonadonlariga yetkazib berilgan suyultirilgan gaz sotuvidan tushgan 346,9 mln so‘mni bank kassasiga kirim qilmasdan o‘zlashtirganlikda gumonlanib 4 nafar shaxs qo‘lga olindi.
Yakkasaroy tumanida yashovchi fuqarolardan kommunal to‘lovlar uchun yig‘ilgan 158,5 million so‘mni o‘zlashtirgan xususiy uy-joy mulkdorlari shirkati aniqlandi. Holat yuzasidan jinoyat ishi qo‘zg‘atilib, tergov harakatlari boshlangan.
Urganchda o‘tkazilgan tergovga qadar tekshiruvda ikkita MCHJ rahbari hududiy tijorat banki filialidan ajratilgan 5,8 va 4,5 milliard so‘m kreditni o‘zlashtirgani aniqlandi. Mazkur holat yuzasidan jinoyat ishlari qo‘zg‘atilib, tergov harakatlari o‘tkazilmoqda.
Qo‘shko‘pir tumanida imom masjid qurilishi uchun yig‘ilgan 40 mln so‘mni o‘zlashtirgani aytilmoqda. Holat yuzasidan jinoyat ishi qo‘zg‘atildi.
Toshkent viloyati O‘rta Chirchiq tumanida xususiy korxonalarni norasmiy boshqarib kelgan shaxs va tijorat banki xodimlari 2 mlrd so‘m kredit mablag‘larini o‘zlashtirganlikda gumonlanmoqda. Ularga nisbatan ikkita modda doirasida jinoyat ishi qo‘zg‘atildi.
Mirzo Ulug‘bek tumanidagi xususiy uy-joy mulkdorlari shirkati rahbari alohining kommunal to‘lovlari uchun bergan jami 350,6 mln so‘m mablag‘larini bank kassasiga kirim qilmasdan, noqonuniy o‘zlashtirgani aniqlandi. Gumondorga nisbatan jinoyat ishi qo‘zg‘atildi.
Muborak tumanida korxona rahbari va boshqalar tomonidan piyodalar va velosiped yo‘laklari qurish uchun ajratilgan 1,1 mlrd so‘m pul mablag‘lari talon-toroj qilingani aytilmoqda.
Jizzax viloyatida tuman hokimligining mansabdor shaxslari 7 mlrd so‘mdan ortiq mablag‘ni o‘zlashtirish yoki rastrata orqali talon-toroj qilganlikda gumon qilinmoqda.
Hisob palatasi tomonidan o‘tkazilgan tekshiruvlar natijasida 2 ta oliygohda 22,5 mlrd so‘m mablag‘ o‘zlashtirilganligi aniqlandi. Qarshi muhandislik-iqtisodiyot instituti buxgalteriya xodimlari tomonidan 21 mlrd so‘m naqd pul, Jizzax politexnika institutida esa 1,5 mlrd so‘m plastik kartochkaga o‘tkazilib o‘zlashtirilgan.
Mingbuloq tumanida «G» MCHJ rahbari va boshqalar 1 mlrd so‘m imtiyozli kreditni talon-toroj qilgani aniqlangan. Ular soxta hujjatlarni tuzib, mablag‘larni naqdlashtirib olgani ma’lum bo‘lgan. Ularga nisbatan Jinoyat kodeksining talon-toroj qilish va hujjatlarni qalbakilashtirishga oid moddalari bilan ish qo‘zg‘atildi.
Xalq ta’limi vazirligi tizimida 11 oy ichida 69,9 mlrd so‘m ish haqidan o‘g‘rilik va ortiqcha to‘lovlar amalga oshirilganligi ma’lum qilindi. Bundan tashqari, 220,8 mlrd so‘m miqdoridagi moliyaviy xato kamchiliklar aniqlangan.
Qo‘shimcha imkoniyatlarga ega bulish uchun saytda ro‘yxatdan o‘ting