Misrdan gepatit S kasalligiga qarshi “Daklatasvir” dorisining 12 ming donadan ortiq partiyasi O‘zbekistonga keltirildi. Bu yetkazilayotgan preparatlarning 8-partiyasidir. Ikki davlat o‘rtasida jami 4,8 mln dollarlik 800 ming dona dorini O‘zbekistonga bepul yetkazib berish bo‘yicha kelishuv tuzilgan.
Qohiradagi «Al-Ittihodiya» saroyida Shavkat Mirziyoyev va Misr prezidenti Abdulfattoh as-Sisi muzokara o‘tkazdi. Ikki mamlakat gaz-kimyo, to‘qimachilik, elektrotexnika, zargarlik va farmatsevtika tarmoqlarida hamkorlik bo‘yicha kelishib oldi. Shavkat Mirziyoyev mamlakat rahbarini O‘zbekistonga taklif qildi.
Shavkat Mirziyoyevning Misrga tashrifi oldidan bo‘lib o‘tgan biznes forumda 1,6 mlrd dollarlik 20 dan ziyod bitim va shartnoma yuzasidan kelishuvlarga erishildi. Shuningdek, Misr kompaniyasi O‘zbekistonda 100 MVt quvvatli shamol elektr stansiyasini qurmoqchi ekani bildirildi.
Qo‘shimcha imkoniyatlarga ega bulish uchun saytda ro‘yxatdan o‘ting