«hokimlar» tegli maqolalar
«Hokimlarning kengash raisi maqomini bekor qilish». Hujjat 2,5 yil oldin tayyorlangan, biroq qabul qilinmagan
2019 yilgi Davlat dasturiga ko‘ra, 6 oy ichida hokimlarning xalq deputatlari kengashi raisi maqomini bekor qilishga oid qonun loyihasi ishlab chiqilgan. «Gazeta.uz» ning aniqlashicha, Adliya vazirligi o‘shandayoq loyihani huquqiy ekspertizadan o‘tkazib, ijobiy xulosa bergan. Biroq, hujjatning undan keyingi taqdiri noma’lumligicha qolmoqda. Qonunchilik palatasi ma’lum qilishicha, «hujjat quyi palataga kelib tushmagan, shu sababli muhokama qilinmagan». Senat esa sukut saqlamoqda.
«Biri korrupsiyaga yo‘l ochadi, boshqasi darrov g‘o‘ddayib, oyog‘i yerdan uziladi». Prezident Toshkent viloyati hokimlari haqida
Shavkat Mirziyoyev Olmaliq shahrida faollar bilan uchrashuvda Toshkent viloyatidagi kadrlar muammosi haqida gapirdi. «Biri korrupsiyaga yo‘l ochadi, boshqasi darrov g‘o‘ddayib, oyog‘i yerdan uziladi. Men amalni beraman, lekin arqonni uzun tashlab qo‘yaman», — dedi u. Toshkent viloyatida so‘nggi 6 yilda yettinchi hokim lavozimga tayinlandi.
Bir kunda sakkizta tumanning hokimlari o‘zgardi
Bir kunda O‘zbekistonning uchta viloyatida sakkizta tumaniga yangi hokimlar tasdiqlandi.
22 dekabr kuni O‘zbekistonda sodir bo‘lgan eng muhim xabarlar dayjesti
Zaxirasi 5 ming tonnadan ortiq Olmaliqdagi oltin koni, Xovosda 7 mln dollari talon-toroj qilingan OTB, 540 mln so‘mgacha imtiyozli kredit olish imkoniga ega bo‘lgan yosh tadbirkorlar, sotuvga qo‘yilgan Hyatt Regency Tashkent mehmonxonasi, hokimlari almashgan tumanlar, yo‘l-transport infratuzilmasi ishlab chiqilayotgan Toshkent va boshqa xabarlar — «Gazeta.uz» ning 22 dekabrdagi eng muhim xabarlari dayjestida.
To‘rtta tumanda hokimlar almashdi
Buxoro viloyatining Romitan, Samarqand viloyatining Bulung‘ur va Oqdaryo hamda Namangan viloyatining Kosonsoy tumanlariga yangi hokimlar tasdiqlandi.
Hokimlik binosini ta’mirlash, hayfsan, mablag‘ ajratish — hokimlarning iste’foga chiqishdan oldingi qarorlari
Noyabr oyida Navoiy, Qashqadaryo va Toshkent viloyatlari hokimlari almashtirildi. Hududlar rahbarlari ishining so‘nggi kunlarida xilma xil qarorlarni imzoladilar — turli tashkilotlarga mablag‘ ajratishdan tortib, avtomobilni boshqa tashkilot balansiga o‘tkazishgacha. «Gazeta.uz» uch viloyat sobiq hokimlarining oxirgi qarorlarini o‘rganib chiqdi.
Hokimlarning g‘alla yetishtiruvchilar faoliyatiga har qanday aralashuvi taqiqlandi
Prezident hokimlarning g‘alla yetishtiruvchilar faoliyatiga har qanday aralashuvini taqiqlashni nazarda tutuvchi qarorni imzoladi. Endilikda, hokimliklar va huquqni muhofaza qiluvchi organlar agrotexnik tadbirlar o‘tkazish, kreditlardan foydalanish, bug‘doyni sotish jarayonlariga aralasha olmaydi.
Endi hokim kengash rahbari bo‘lmaydi — prezident
Prezident xalq deputatlari Kengashlari va hokimlarning vakolatlarini aniq belgilab beruvchi qonunchilik bazasini yaratish vaqti kelganini aytdi. Unga ko‘ra, «endi kengash rahbari ijroiya organi rahbari bo‘la olmaydi».
To‘rtta tuman hokimi o‘tib ketgan kunga yig‘ilish chaqirish to‘g‘risida qaror chiqargan
Taxiatosh, Boysun, Bo‘ston va Termiz tumanlari hokimlari Xalq deputatlari tuman kengashi majlislarini o‘tib ketgan kunga chaqirish to‘g‘risida qarorlar qabul qilishgan.
Hokim va hokim o‘rinbosarlari faoliyati reytingi natijalari ochiqlandi
Respublika bo‘ylab hokimlarning faoliyati samaradorligini aks ettiruvchi reyting natijalari argos.uz portalida e’lon qilindi. «Viloyatlarning TOP tumanlari» umumiy reytingida Navoiy hamda Xorazm viloyatlari kichik farq bilan yetakchilik qilmoqda. Eng quyi pog‘onani esa Surxondaryo viloyati egallagan.
Buxoroda 5 nafar tuman hokimiga «hayfsan» berildi, 2 nafar hokim jarimaga tortildi, yana biri qattiq ogohlantirildi
Buxoro viloyati hokimining farmoyishiga binoan, fuqarolar murojaatlari bilan ishlashga e’tiborsiz bo‘lgan 5 ta tuman hokimiga «hayfsan» berildi. 2 ta tuman hokimi esa ish haqining 20 foiz miqdorida jarima to‘laydigan bo‘ldi. Buxoro shahri hokimi qattiq ogohlantirildi. Yana bir hokimga fuqarolarning murojaatlari bilan ishlashning holatini chuqur tahlil qilish topshirildi.
Jahongir Ortiqxo‘jayev Toshkentning uchta tumani hokimiga «hayfsan» berdi
Toshkent hokimi poytaxtning uch tumani hokimlariga «hayfsan» e’lon qildi. Bunga ularning birinchi yarim yillikda sanoat mahsulotlari ishlab chiqarish hajmlarini kamaytirishga yo‘l qo‘yganliklari sabab bo‘lgan.
Hokimliklarning yerni to‘g‘ridan-to‘g‘ri ajratish vakolati bekor qilindi
Prezident farmoni bilan hokimliklarning yerni to‘g‘ridan-to‘g‘ri ajratish vakolati bekor qilindi. Shuningdek, ayni bir hujjat bilan yoki bir vaqtning o‘zida yerni olib qo‘yish, zaxiraga olish, boshqa shaxsga ajratish taqiqlandi.
Vazirlar 490 mln, hokimlar 245 mln so‘mgacha bo‘lgan xizmat mashinalarini minadi
Davlat boshqaruvi va mahalliy hokimiyat organlarida xizmat avtoransport vositalarini biriktirish me’yorlari tasdiqlandi. Endilikda, vazirlar uchun xizmat mashinasining eng yuqori narxi 490 mln, hokimlar uchun esa 245 mln so‘m etib belgilandi.
Hokimlarning ishda qolishi yoshlar bo‘yicha ko‘targan tashabbusiga bog‘liq bo‘ladi — prezident
Shavkat Mirziyoyev hokimlarning yoshlar bo‘yicha har 15 kun, 1 oyda nima tashabbus ko‘rsatganiga qarab faoliyatiga baho berilishi, shunga qarab ishda qolish-qolmasligi hal etilishini ta’kidladi. «27 yil yoshlarni o‘qitmadik, dardiga quloq tutmadik. Yoshlar bizdan 20 baravar ilgarilab ketdi», — dedi davlat rahbari.
Hokimlar Yangi yilni qanday nishonlaydi?
Andijon hokimi ish joyida, Sirdaryo hokimi navbatchi, Navoiy, Samarqand va Qashqadaryo hokimlari oila davrasida. O‘zbekistonda viloyat hokimlari Yangi yil bayramini qanday kutib oladi?
Hokimlarning yerni olib qo‘yish bo‘yicha vakolatlari qisqardi
Prezident hokimlarning yerni olib qo‘yish bo‘yicha vakolatlarini qisqartirishga qaratilgan qonunni imzoladi. Endilikda hokimlar yerga egalik qilish va yerdan foydalanish huquqini to‘xtatib qo‘yishga haqli emas.
Peshko‘ va Sherobod tumanlariga yangi hokimlar tayinlandi
Savdo-sanoat palatasi viloyat hududiy boshqarmasi boshlig‘i Vahob Qahhorov Buxoro viloyatining Peshko‘ tumaniga, Jarqo‘rg‘on tumani hokimi lavozimida faoliyat yuritib kelayotgan Ziyodulla Davlatov esa Surxondaryo viloyatining Sherobod tumaniga hokim etib tasdiqlandi.
Buxoro, Jondor va Sirdaryo tuman hokimlari lavozimidan ozod etilishi mumkin
Prezident raisligida bo‘lib o‘tgan videoselektor yig‘ilishida ish o‘rinlari tashkil etish, tadbirkorlar muammolarini hal qilish va ularni qo‘llab-quvvatlash borasida o‘zibo‘larchilikka yo‘l qo‘ygan Buxoro, Jondor va Sirdaryo tuman hokimlarini lavozimidan ozod etish masalasi ko‘tarildi.
Faoliyati qoniqarsiz deb topilgan hokimlar xalqdan uzr so‘rashdi
Ijtimoiy-iqtisodiy rivojlanish bo‘yicha «qoniqarsiz» baholangan hokimlar va tumanlar sektor rahbarlari aholidan kechirim so‘rab, vaziyatni to‘g‘irlashga va’da berishdi. Jami 33 ta tuman va shaharlar «qizil» hudud deb topildi. Kasbi, Tomdi, Konimex va boshqa tumanlarning rahbarlari birinchi bo‘lib uzr so‘rashdi.
Eng ko‘p o‘qilgan xabarlar | So‘nggi yangiliklar
- Chevrolet avtomobillarini endi yanada qulay shartlarda xarid qilish mumkin
- Urgutdagi tog‘da adashib qolgan fuqarolar qutqarildi
- Chevrolet va Ipak Yo‘li Banki qulay shartlardagi avtomobil xaridini taklif qilmoqda
- Yo‘l qoidalari buzilganda vakolatli organ 15 kun ichida qaror chiqarmasa, haydovchi jarimaga tortilmasligi belgilanmoqda (xabar yangilandi)
- O‘zbekistonga shu vaqtgacha Britaniyaning qaysi vazirlari kelib ketgan?
Qo‘shimcha imkoniyatlarga ega bulish uchun saytda ro‘yxatdan o‘ting