«afg‘niston» tegli maqolalar
Mirziyoyev Afg‘onistonni mintaqadagi suv resurslari bo‘yicha muloqotga qo‘shishni taklif qildi
O‘zbekiston prezidenti Orolni qutqarish jamg‘armasi sammitida Afg‘onistonda Qo‘shtepa kanali qurilayotganiga to‘xtaldi. U kanalning ta’sirini o‘rganish bo‘yicha ishchi guruh tuzish va Afg‘oniston vakillarini suv resurslarini taqsimlash bo‘yicha mintaqaviy muloqotga jalb etishni taklif qildi.
O‘zbekiston va AQSh Afg‘onistonga yordam ko‘rsatishni yanada muvofiqlashtirmoqchi
Prezidentning Afg‘oniston bo‘yicha maxsus vakili Ismatulla Irgashev va AQSh Kongressi Senatining Tashqi aloqalar qo‘mitasi vakili Sharlott Oldhem-Mur Afg‘onistonga gumanitar va boshqa yordam ko‘rsatishda O‘zbekiston va AQShning harakatlarini muvofiqlashtirish muhimligini ta’kidladi.
O‘zbekiston YeI bilan Transkaspiy yo‘lagi orqali savdoni ko‘paytirishga kelishib oldi
O‘zbekiston va Yevropa kengashi rahbarlari kengaytirilgan sheriklik borasidagi bitim tezroq imzolanishiga umid bildirdi. Ular inson huquqlari bo‘yicha hamkorlikni kuchaytirish, Transkaspiy yo‘lagi orqali savdoni ko‘paytirishga kelishib oldi. Afg‘oniston tahdidlar manbaiga aylanmasligi kerakligi ta’kidlandi.
Vladimir Norov BMT Bosh Assambleyasida nutq so‘zladi
O‘zbekiston tashqi ishlar vaziri Vladimir Norov BMT minbarida nutq so‘zladi. Vazir nutqi davomida iqlim o‘zgarishi, ta’lim, yashil iqtisodiyot, konstitutsiyaviy tuzatishlar va Taraqqiyot strategiyasi borasida gapirdi. O‘zbekiston Afg‘onistonga xalqaro e’tiborning pasayishidan xavotirda ekanligini bildirdi.
«Millionlab afg‘onlar hali ham toliblar va’dalarini bajarishlarini kutishmoqda» — YeI
«Tolibon»ga Afg‘onistonda inklyuziv siyosiy jarayonni boshlash uchun hali ham kech emas, dedi Yevroittifoq maxsus vakili Tomas Niklasson. U aksariyat afg‘onlar qarorlar qabul qilish jarayonidan chetda qolganini ta’kidlab, inson huquqlarining poymol etilishi va qo‘rquvga asoslangan jamiyat qurish xavfi haqida gapirdi.
Rossiya muzlatilgan 7 mlrd dollarni Afg‘onistonga qaytarishni yoqlab chiqdi
Afg‘oniston bo‘yicha xalqaro anjumanda Rossiya maxsus vakili muvaqqat hukumatning xorijda muzlatilgan 7 mlrd dollarni qaytarish bo‘yicha talablarini qo‘llab-quvvatlashini ma’lum qildi. «Fuqarosi kuniga 1 dollardan kam daromad oladigan davlatning 7 mlrd dollarini o‘g‘irlash jinoyat hisoblanadi», — dedi u.
Afg‘onistondan narkotik moddalarning kontrabandasi hajmi oshdi — Giyohvand moddalarni nazorat qilish markazi
Giyohvand moddalarni nazorat qilish milliy axborot-tahlil markazi rahbari Olim Narzullayevning aytishicha, Afg‘onistondan «Shimoliy yo‘nalish» orqali narkotik moddalarni olib o‘tish holatlari ko‘paygan. Bunda ko‘p kuzatilgan narkotik moddalarni olib o‘tishga urinish O‘zbekiston transport infratuzilmasi orqali bajarilgan.
Kobuldagi ikkita maktabda sodir bo‘lgan portlashlar oqibatida kamida 6 kishi halok bo‘ldi
Kobuldagi ikkita maktabda ro‘y bergan uchta portlash natijasida kamida olti kishi halok bo‘ldi, 20 ga yaqin kishi jarohatlandi. BMT hujumni qoraladi, tashkilotchilar hozircha o‘zlarini e’lon qilmadi.
O‘zbekiston Afg‘onistondagi temir yo‘l liniyasini boshqarish huquqidan mahrum bo‘lishi mumkin
«O‘zbekiston temir yo‘llari» kompaniyasi korxonasi «Hayraton — Mozori-Sharif» temir yo‘l liniyasini boshqarish huquqidan mahrum bo‘lishi mumkin. Afg‘onistonda operatsion shartnomalarni qayta ko‘rib chiqish hamda boshqaruvni hukumat xizmatlari ancha arzon bo‘lishini kutayotgan mahalliy kompaniyalarga topshirish rejalashtirilmoqda.
Afg‘onistonga elektr yetkazib berish IESdagi muammolar tufayli vaqtincha qisqardi
Tallimarjon IESdagi nosozliklar tufayli Afg‘onistonga elektr energiyasi yetkazib berish vaqtincha to‘xtatildi. 13 yanvar kuni ertalabga kelib elektr ta’minoti tiklandi, deya xabar qildi Afg‘oniston energetika kompaniyasi.
Jahon banki Afg‘onistonga muzlatilgan aktivlardan $280 mln ajratadi
Jahon banki boshqaruvi Afg‘oniston rekonstruksiya trast jamg‘armasi donorlari mablag‘ o‘tkazishni tasdiqlaganidan so‘ng Afg‘onistonga muzlatilgan aktivlardan 280 mln dollar ajratadi. Donorlar uchrashuvi 3 dekabr kuni bo‘lib o‘tadi.
Afg‘onistonda qizlarning erta turmushga chiqish xavfi ortmoqda — YUNISEF
YUNISEF Afg‘onistonda yosh nikohlar soni ortib borayotganidan xavotirda. «Afg‘onistondagi o‘ta og‘ir iqtisodiy vaziyat ko‘proq oilalarni yanada qashshoqlikka duchor qilmoqda va bolalarni ishga yuborish yoki erta yoshda qizlarni turmushga berish kabi umidsiz tanlovni amalga oshirishga majbur qilmoqda», — deyiladi tashkilot bayonotida.
Muvaqqat hukumatda mablag‘ yo‘qligi Afg‘oniston bilan loyihalarni amalga oshirishga to‘sqinlik qilmoqda — Abdulaziz Kamilov
O‘zbekiston tashqi ishlar vaziri Abdulaziz Kamilov Afg‘oniston bilan qo‘shma loyihalar bo‘yicha savolga javob berar ekan, mamlakat aktivlari muzlatilgani sababli muvaqqat hukumatning moliyaviy salohiyati mutlaq yo‘qligi hamkorlikni rivojlantirishga to‘sqinlik qilayotganini ta’kidladi. «Butun iqtisodiyotni faqat gumanitar yordamga tayanib yo‘lga qo‘yib bo‘lmaydi», — dedi u.
«„Tolibon“ voqelikni yaxshi anglamoqda va ijobiy qadamlar qo‘yishga tayyor» — O‘zbekiston TIV rahbari
O‘zbekiston tashqi ishlar vaziri Abdulaziz Kamilov Afg‘oniston muvaqqat hukumati bilan uchrashuvlari haqida gapirdi. Uning so‘zlariga ko‘ra, toliblar voqelikni to‘liq anglamoqda, yangi hukumat xalqaro hamjamiyatga qo‘shilishni istaydi va «ba’zi ijobiy qadamlar» qo‘yishga tayyor. Masalan, uning so‘zlariga ko‘ra, O‘zbekiston delegatsiyasining Kobuldagi tashrifidan so‘ng chegaraga tutash Balh provinsiyasida ertasi kuni barcha qizlar maktabga chiqqan.
«Afg‘oniston yaqin kelajakda mintaqaviy xavfsizlikning muhim omili bo‘lib qoladi» — Abdulaziz Kamilov
Tashqi ishlar vaziri Abdulaziz Kamilov Tehron sammitidagi nutqida Afg‘oniston yaqin kelajakda mintaqaviy xavfsizlikning muhim omili bo‘lib qolishi haqida ta’kidladi. Uning so‘zlariga ko‘ra, ushbu davlatni xalqaro miqyosda yakkalanib qolishiga yo‘l qo‘ymaslik uchun Afg‘onistonga nisbatan mojarodan keyingi strategiyani ishlab chiqish zarur.
Ismatulla Irgashev Afg‘onistonda toliblar hukumatini tan olish shartlarini ma’lum qildi
O‘zbekiston hozircha toliblar tuzgan afg‘on hukumatini tan olish uchun hech qanday sabab ko‘rmayapti, dedi O‘zbekiston prezidentining Afg‘oniston bo‘yicha maxsus vakili Ismatulla Irgashev. Uning so‘zlariga ko‘ra, bu qaror xalqaro hamjamiyat bilan kelishilgan holda qabul qilinishi kerak.
O‘zbekiston va Afg‘onistonning yangi hukumati munosabatlarni rivojlantirish bo‘yicha «yo‘l xaritasi» ishlab chiqadi
Termizdagi muzokaralar yakunlari bo‘yicha O‘zbekiston va Afg‘onistonning muvaqqat hukumati hamkorlikning bir nechta sohalari bo‘yicha ishchi guruhlar tuzishdi. 10 kun ichida «yo‘l xaritasi» ishlab chiqish va uni ikki davlat yetakchilariga taqdim etish rejalashtirilmoqda.
Termizda Afg‘oniston delegatsiyasi bilan muzokaralar boshlandi
Afg‘oniston muvaqqat hukumati rahbari o‘rinbosari Abdul Salam Hanafiy boshchiligidagi delegatsiyaning Termizga tashrifi kutilmoqda. Shanba kuni u bosh vazir o‘rinbosari Sardor Umurzoqov bilan uchrashadi.
Eng ko‘p o‘qilgan xabarlar | So‘nggi yangiliklar
- Chevrolet avtomobillarini endi yanada qulay shartlarda xarid qilish mumkin
- Hafta davomida havo issiq bo‘ladi, joylarda yomg‘ir yog‘ishi kutilmoqda
- UzAuto Motors 23-aprel kuni Damas uchun kontraktatsiyani ochadi (1)
- “Sog‘inchimni qondirish uchun chizaman”. Umidjon Alimovning “Qishloq anatomiyasi” ko‘rgazmasidan reportaj
- Prokuratura, tibbiyot muassasalari va boshqa davlat idoralari flagman smartfonlar xarid qilmoqda
Qo‘shimcha imkoniyatlarga ega bulish uchun saytda ro‘yxatdan o‘ting