Yengil atletika bo‘yicha O‘zbekiston paralimpiya terma jamoasi Parijda o‘tkazilgan jahon chempionatida 17 ta medal — 6 ta oltin, 7 ta kumush va 4 ta bronza medalini qo‘lga kiritib, umumjamoa hisobida sakkizinchi o‘rinni egalladi. Sportchilar 2024-yilgi Paralimpiya o‘yinlariga 19 ta yo‘llanma oldi.
O‘zbekiston futbol assotsiatsiyasi, “Professional futbol ligasi” jamoat birlashmasi, futbol hakamlari markazi va professional futbol klublari 2026-yilgacha ijtimoiy soliqdan tashqari barcha soliqlarni to‘lashdan ozod etildi. Ular jalb qilgan chet el mutaxassislari va futbolchilari ham daromad solig‘i to‘lamaydi.
Saudiya Arabistonida o‘tgan Counter-Strike:Global Offensive on Steam (CS:GO) kibersporti bo‘yicha Osiyo chempionatida O‘zbekiston terma jamoasi 1-o‘rinni egalladi. Sportchilar Jahon chempionatida qatnashadi. Shuningdek, jamoaga 7000 dollar pul mukofoti beriladi.
Yunon-rum kurashi bo‘yicha O‘zbekiston yoshlar terma jamoasi Iordaniyada o‘tkazilgan Osiyo chempionatida sakkizta medalni qo‘lga kiritib, umumjamoa hisobida ikkinchi o‘rinni egalladi.
O‘zbekistonlik yengil atletikachilar Tailandda o‘tkazilgan Osiyo chempionatini 4 ta medal — 1 ta oltin, 2 ta kumush va 1 ta bronza bilan yakunladi.
Parijda yengil atletika bo‘yicha o‘tkazilgan jahon chempionatida O‘zbekiston paralimpiya terma jamoasi 3 ta — 2 ta oltin va 1 ta bronza medalini qo‘lga kiritdi. Shu tariqa, paraatletchilar 2024-yilgi yozgi Paralimpiya o‘yinlariga to‘g‘ridan-to‘g‘ri litsenziya olishdi.
Tailandda o‘tayotgan yengil atletika bo‘yicha Osiyo chempionatida 22 yoshli Farida Soliyeva yugurish bahslarida 2-o‘rinni, balandlikka sakrash sektorida Svetlana Radzivil 3-o‘rinni oldi. Avvalroq bosqon uloqtirish bahsida Suhrob Xodjayev kumush medalga ega chiqqandi.
Yengil atletika bo‘yicha O‘zbekiston terma jamoasi vakili Suhrob Xodjayev Tailandda o‘tkazilgan Osiyo chempionatida kumush medalga sazovor bo‘ldi.
Ruminiyada badiiy gimnastika bo‘yicha o‘smirlar o‘rtasidagi jahon chempionatida Anastasiya Saranseva va Mishel Nesterova bronza medallarini qo‘lga kiritdi. Bu natija orqali tarixda ilk bor o‘zbekistonlik gimnastikachilar JCHda medalli bo‘ldi.
Rossiyalik mutaxassis Aleksandr Krestinin poytaxtning “Bunyodkor” futbol klubi bosh murabbiyiga aylandi. Bungacha u Qirg‘iziston futbol terma jamoasi bosh murabbiyi edi.
O‘zbekiston Italiyada o‘tgan yoshlar o‘rtasidagi baydarka va kanoeda eshkak eshish bo‘yicha jahon chempionatini 16-pog‘onada yakunladi. Jamoa 4 ta kumush va 2 ta bronza medalni qo‘lga kiritdi.
O‘zbekiston futzal bo‘yicha 2024-yilgi Jahon chempionatiga mezbonlik qiladi. Musobaqalar “Humo” arena, “Yunusobod” sport majmuasi, “Alpomish” hamda boshqa bir qator muz saroylarida o‘tishi rejalashtirilgan. FIFA vakillari musobaqa boshlanishidan oldin obyektlarning holatini ko‘rgani keladi.
O‘zbekistonlik dzyudochi Diyora Keldiyorova Ulan-Batorda (Mo‘g‘uliston) “Katta dubulg‘a” turkumiga kiruvchi turnirda BAA vakili Xorlodoi Birsheltni mag‘lub etib, bronza medalini qo‘lga kiritdi.
O‘zbekiston milliy termasi o‘yinlarida bukmekerlik kompaniyasi reklama qilingani O‘zbekistonda muhokamalarga sabab bo‘ldi. O‘zbekistonda futbol uchrashuvlarida bukmekerlar birinchi marta reklama qilinmayapti, ammo bu qadar shov-shuvli holatning rasmiylar tomonidan e’tiborsiz qoldirilishi birinchi marta kuzatildi
Bishkekda o‘tkazilgan sport kurashlari bo‘yicha Osiyo chempionatida o‘zbekistonlik sportchilar 17 gacha va 23 gacha yosh toifalarida 24 ta medalni qo‘lga kiritdi.
Qilichbozlik bo‘yicha Osiyo chempionatida sablyachi Zaynab Dayibekova finalda uch karra jahon chempionati sovrindori bo‘lgan janubiy koreyalik sportchini yengib Osiyo chempionatida 1-o‘rinni egalladi.
O‘zbekistonlik gimnastikachi Oksana Chusovitina Singapurda sport gimnastikasi bo‘yicha o‘tkazilgan Osiyo chempionatida ikkinchi o‘rinni egalladi. Abdulaziz Mirvaliyev ham jamoa hisobiga yana bir kumush medalni qo‘shdi.
“O‘zavtosanoat” kompaniyasi rahbari Ulug‘bek Rozuqulov Gimnastika federatsiyasi raisi etib saylandi. Bungacha federatsiyani kompaniyaning avvalgi rahbari Shavkat Umurzoqov boshqarib kelgan.
O‘zbekistonning 16 dzyudochisi yangilangan Olimpiya reytingiga kiritildi. Ular orasida tarixda birinchi marta ayollar terma jamoasining olti nafar vakili ham bor.
Xorazm viloyatining Xiva shahrida 7−10-sentabr kunlari ilk Xalqaro etnosport festivali o‘tkaziladi. Unda sportchilar bellashuvi, milliy osh chempionati, san’ati ko‘rgazmalari, adabiyotlar namoyishlari bo‘lib o‘tadi.
Qo‘shimcha imkoniyatlarga ega bulish uchun saytda ro‘yxatdan o‘ting