O‘zbekistonlik jangchi Mahmud Murodov UFC 280 musobaqasida braziliyalik Kayo Borralodan mag‘lubiyatga uchradi. Bu uning UFC`dagi ikkinchi mag‘lubiyati bo‘ldi.
Quvaytda yengil atletika bo‘yicha yoshlar o‘rtasidagi Osiyo chempionati yakunlandi. Unda O‘zbekiston terma jamoasi 5 ta oltin, 1 tadan kumush va bronza medallarini qo‘lga kiritdi.
Og‘ir atletika bo‘yicha Osiyo chempionatida -102 kg vazn toifasida qatnashgan o‘zbekistonlik Sharofiddin Amriddinov 1 ta oltin va 2 ta kumush medalini qo‘lga kiritdi. Avvalroq Adhamjon Ergashev terma jamoa hisobiga 3 ta oltin medal keltirgandi.
Quvaytda o‘tayotgan yengil atletika bo‘yicha yoshlar o‘rtasidagi Osiyo chempionatida ko‘pkurash bahslarida Nodir Norboyev, balandlikka sakrash dasturida Barnoxon Sayfullayeva oltin medal oldi. Avvalroq, 15 yoshli Sharifa Davronova uzunlikka sakrash bahsida oltin medalga ega chiqqandi.
Quvaytda o‘tkazilgan yengil atletika bo‘yicha 18 yoshgacha bo‘lgan o‘smirlar o‘rtasidagi Osiyo chempionatida o‘zbekistonlik 15 yoshli Sharifa Davronova uzunlikka sakrashda 6,06 metr natija qayd etib, oltin medalni qo‘lga kiritdi.
O‘zbekistonlik og‘ir atletikachi Adhamjon Ergashev Bahrayndagi Osiyo chempionatida 3 ta oltin medalni qo‘lga kiritdi.
Humo Arena`da o‘tayotgan dzyudo bo‘yicha Jahon chempionatinig 6 kunida -100 kg vazn toifasidagi bellashuvda Muzaffarbek To‘raboyev chempionlikni qo‘lga kiritdi. Shu bilan O‘zbekiston hisobiga ikkita oltin medal yozib qo‘yildi. Shavkat Mirziyoyev sportchini g‘alaba bilan tabrikladi.
Dzyudo bo‘yicha Jahon chempionatining -90 kg vazn toifasida g‘olib bo‘lgan Davlat Bobonovga oltin medalni Shavkat Mirziyoyevning o‘zi taqib qo‘ydi. «Prezident tomosha qilib o‘tirganidan keyin yutqazishga haqqim yo‘q edi», — dedi Bobonov. «Gazeta.uz» final uchrashuvidan fotoreportaj tayyorladi.
Amputantlar o‘rtasida futbol bo‘yicha O‘zbekiston milliy terma jamoasi Gaiti jamoasini mag‘lub etib, Jahon kubogida uchinchi o‘rinni egalladi. Bu terma jamoaning turnir tarixidagi yettinchi medalidir.
Toshkentda o‘tayotgan dzyudo bo‘yicha jahon chempionatining 1-kunida O‘zbekiston vakili Dilshodbek Baratov -60 kg vazn toifasida bronza medali uchun bahsda qozog‘istonlik sportchiga imkoniyatni boy berdi. 48 kg vaznda Halima Qurbonova turkiyalik sportchini yengib, ikkinchi davrada Italiya vakiliga mag‘lub bo‘ldi.(Foto)
Vazirlar Mahkamasining Ta’lim, sog‘liqni saqlash va sport masalalari kotibiyati mas’ul xodimi bo‘lib ishlab kelgan Rashid Talipov O‘zbekiston milliy karate federatsiyasi raisi lavozimiga saylandi.
«Lokomotiv» PFK futbolchisi Kaxi Maxaradze va erkin agent Yevgeniy Kochnev 2 gruziyalik bilan kelishib, totalizator hamda kelishilgan o‘yinlarda ishtirok etgani uchun O‘FA ikki futbolchini o‘yinlardan 5 va 3 yilga chetlashtirdi. Ular jarima ham to‘laydi.
«Bunyodkor» futbol klubi prezidenti olib borilayotgan ishlar qoniqarsiz, natijalar esa achinarli ahvolda ekanligi sabab Ulug‘bek Mirzayev o‘rniga Aziz Haydarovni direktor etib tayinladi. Ivan Boshkovich esa bosh murabbiy bo‘ldi. Avval bu lavozimda Viktor Karpenko ishlagan.
Velosport bo‘yicha Osiyo kubogida O‘zbekiston terma jamoasi jami 14 ta — 3 ta oltin, 4 ta kumush va 7 ta bronza medalini qo‘lga kiritdi.
Sarayevoda bo‘lib o‘tgan dzyudo bo‘yicha kadetlar o‘rtasidagi jahon chempionatida O‘zbekiston terma jamoasi 1 ta oltin, 4 ta kumush va 3 ta bronza medaliga sazovor bo‘ldi. Dzyudochilar jamoaviy bahslarda ham qatnashib, o‘z tarixida ilk marta bronza medalini qo‘lga kiritdi.
O‘zbekiston boks terma jamoasining yangi murabbiylar shtabida endi federatsiya maslahatchisi, jamoa katta murabbiyi, murabbiy, trener-fizioterapevti lavozimlarida kubaliklar faoliyat olib boradi. Tajribali murabbiy Rahmatjon Ro‘zioxunov esa murabbiylar shtabidagi ishini davom ettirishi ma’lum bo‘ldi.
Vetnamda bo‘lib o‘tayotgan kadetlar va yoshlar o‘rtasidagi Osiyo chempionatida o‘zbekistonlik taekvondochilar 6 ta medalni qo‘lga kiritib, o‘z tarixidagi eng yaxshi natijani yangiladi.
O‘zbekistonlik sobiq futbol hakami Ravshan Ermatov Rossiya futbol ittifoqining hakamlar komissiyasi a’zosi bo‘ldi. U Rossiya futbolida hakamlar bo‘yicha ekspertlik qiladi.
Vetnamning Xoshimin shahrida o‘tkazilgan para-taekvondo bo‘yicha Osiyo chempionatida O‘zbekiston terma jamoasi 2 ta oltin, 1 ta kumush va 3 ta bronza medalini qo‘lga kiritib, jamoaviy hisobda Erondan so‘ng ikkinchi o‘rinni egalladi.
Abu-Dabi shahrida bo‘lib o‘tgan aralash jang san’atlari bo‘yicha yoshlar o‘rtasidagi jahon chempionatida O‘zbekiston terma jamoasi 5 ta oltin, 2 ta kumush va 6 ta bronza medaliga sazovor bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting