Jamiyat

9 avgust 2021, 14:49

AQSh O‘zbekistonga qiymati $330 mingdan ziyod bo‘lgan tibbiy niqoblar yubordi

AQShdan beg‘araz ko‘mak sifatida qiymati 330 ming dollardan ziyod bo‘lgan 240 ming dona tibbiy niqoblarning birinchi qismi O‘zbekistonga olib kelindi. Mazkur insonparvarlik yuki «Global Jewish Assistance and Relief Network» jamg‘armasi va Buxoro yahudiylari jahon kongressi tomonidan yetkazilgan.

9 avgust 2021, 13:17

Xitoy-o‘zbek vaksinasining ikkinchi va uchinchi dozalari bilan emlash vaqtincha to‘xtatildi

9 avgustdan boshlab bir hafta davomida O‘zbekistondagi barcha emlash punktlarida xitoy-o‘zbek vaksinasining faqat birinchi dozasi bilan emlash ishlari amalga oshiriladi. Shu muddat ichida ushbu vaksinaning ikkinchi va uchinchi bilan emlanilmaydi. Bu ish vaksinatsiya jarayonini to‘g‘ri rejalashtirish va emlash bo‘yicha hisob-kitobni to‘g‘rilab olish uchun qilinganligi aytildi.

9 avgust 2021, 12:40

IIV Qalampir.uz jurnalisti Feruza Najmiddinova ishi bo‘yicha qo‘shimcha ma’lumot berdi

Qalampir.uz jurnalisti Feruza Najmiddinovaga tuhmat qilish uchun tarqatilgan videoda rasmiy nikohdagi er-xotin, chet el fuqarolari bo‘lganligi ma’lum qilindi. Ularning harakatida qonun buzilish holatlari aniqlanmagan. Videolavhani yasab, ijtimoiy tarmoqlarda tarqatish orqali jurnalistning obro‘sini to‘kishga qilingan harakat bo‘yicha jinoyat ishi qo‘zg‘atildi.

9 avgust 2021, 11:53

Hafta oxirida issiq havo biroz pasayishi kutilmoqda

Haftaning katta qismida respublika hududlari bo‘yicha asosan kam bulutli ob-havo bo‘ladi. Payshanba kuni O‘zbekistonga salqin havo kitib keladi. Havo harorati kunduz kunlari +30…+35 darajagacha pasayadi.

9 avgust 2021, 07:05

Jamoatchilik va rasmiylar Qalampir.uz jurnalisti Feruza Najmiddinovani qo‘llab-quvvatladi

Senat rahbari, ombudsman, Saida Mirziyoyeva, Komil Allamjonov, davlat organlari, deputatlar va jamoatchilik Qalampir.uz jurnalisti Feruza Najmiddinovani qo‘llab-quvvatlab chiqdi. Noma’lum shaxslar uning sha’ni va qadr-qimmatini toptaydigan montaj qilingan videoni e’lon qildi. Toshkent IIBB tergovga qadar tekshiruvni boshladi.

8 avgust 2021, 20:43

Xodimlari vaksina olgan kafe va restoranlarga kechki payt ham ishlashga ruxsat berildi

10 avgustdan boshlab xodimlari koronavirusga qarshi vaksinaning kamida 2 ta dozasini olgan umumiy ovqatlanish obyektlari 20:00 dan keyin va yopiq binolarda ishlashlari mumkin bo‘ladi. Kafe va restoranlarga vaksina bilan emlanganligi to‘g‘risidagi QR-kodi yoki sertifikati bo‘lgan mijozlarni kiritish tavsiya etiladi.

8 avgust 2021, 19:21

Zomin milliy tabiat bog‘ida sodir bo‘lgan yong‘in bartaraf etildi

Zomin milliy tabiat bog‘ida yong‘in sodir bo‘ldi. Uni o‘chirishga FVVning 55 nafar yong‘in-qutqaruvchilari jalb etildi. Hodisa natijasida 10 sotix maydonning zarar ko‘rgani ma’lum qilindi.

7 avgust 2021, 10:30

Nima tayyorlaymiz: mazali kechki ovqat

Teftellar, yunoncha musaka, vegitariancha pasta, turkcha ratatuy — Zira.uz kechki ovqat uchun mazali va noodatiy taomlar retseptlari ro‘yxatini taqdim etadi.

6 avgust 2021, 21:00

6 avgust kuni O‘zbekistonda sodir bo‘lgan eng muhim xabarlar dayjesti

O‘zbekistonda pandemiya boshidan beri eng ko‘p kunlik koronavirus holatlari aniqlanishi, “Milliy tiklanish” Alisher Qodirov nomzodini prezidentlik saylovlarida ilgari surishi, o‘zbekistonlik kurashchi Bekzod Aburahmonov Olimpiadada bronza medali olishi — “Gazeta.uz"ning 6 avgustdagi eng muhim xabarlari dayjestida.

6 avgust 2021, 20:57

O‘zbekiston va Rossiya harbiylari Surxondaryoda shartli jangarilarni yo‘q qildilar

O‘zbekiston va Rossiya harbiy xizmatchilari shartli jangarilar guruhini yo‘q qilish bo‘yicha maxsus operatsiyani amalga oshirdilar. Dushmanga aviatsiya, artilleriya, zirhlangan jangovar texnikalar va barcha turdagi o‘t ochish vositalari yordamida zarbalar berildi. Mashg‘ulotlarda Rossiyaning to‘rtta Tu-22M3 bombardimonchi samolyoti qatnashdi.

6 avgust 2021, 18:31

Test materiallari surati internetda tarqalgan abituriyentlar imtihondan chetlatilmoqda — DTM

Davlat test markazi ijtimoiy tarmoqlarda suratlari tarqalgan test materiallariga taalluqli bo‘lgan abituriyentlarni test sinovidan chetlashtirmoqda. 6 avgust kuni bunday holatlar Toshkent shahri va Qashqadaryo viloyatlarida aniqlandi. Shuningdek, DTM surati tarqalgan ayrim test topshiriqlari kitobi joriy imtihonlarga tegishli emasligini qayd etdi.

6 avgust 2021, 16:31

USAID o‘zbek maktablari uchun ingliz tili va IT bo‘yicha xorijiy darsliklarni sotib oldi

USIAD xalqaro nashriyotlar tomonidan ishlab chiqilgan O‘zbekistondagi maktablar uchun informatika va ingliz tili darsliklarini sotib oldi. Ular 2021−2022 o‘quv yilida mamlakatning 200 ta maktabida sinovdan o‘tkaziladi. Shuningdek, agentlik O‘zbekiston uchun maxsus ishlab chiqilgan ona tili, matematika va informatika bo‘yicha ta’lim standartlarini Xalq ta’limi vazirligiga topshirdi.

6 avgust 2021, 14:05

Dam olish kunlari issiq havo saqlanib qoladi

Dam olish kunlari butun O‘zbekiston bo‘ylab issiq havo davom etadi. Faqat respublikaning tog‘li hududlarida mahalliy yomg‘irlar kuzatiladi.

6 avgust 2021, 11:03

Buxorodagi «Abdullaxon» madrasasi devorining qulashi bo‘yicha jinoyat ishi qo‘zg‘atildi

Iyul oyi oxirida Buxoro shahridagi «Abdullaxon» madrasasi devorining bir qismi qulab tushgan edi. Holat yuzasidan «mansabga sovuqqonlik bilan qarash» moddasi bilan jinoyat ishi qo‘zg‘atildi.

6 avgust 2021, 11:00

Enter Engineering Samarqand me’morchiligining oltin merosini rekonstruksiya qilmoqda

Enter Engineering kompaniyasi Imom al-Buxoriy yodgorlik majmuasida rekonstruksiya ishlarini olib bormoqda. Ziyoratgohda 9200 o‘rinli masjid, jismoniy imkoniyati cheklangan kishilarning harakatlanishi uchun zamonaviy liftlar, maxsus nishab yo’lkalar va boshqa qulayliklar yaratilishi ko‘zda tutilgan.

6 avgust 2021, 10:31

Kasallanish holatlari ortmoqda: bir kunda qariyb 1000 kishida koronavirus aniqlandi

Koronavirus infeksiyasiga chalinish holatlarining kunlik rekordi yangilandi. Payshanba kuni respublika bo‘ylab 974 nafar fuqaroda virus aniqlangan. 6 nafar bemor vafot etdi.

6 avgust 2021, 10:28

So‘rovda ishtirok etgan o‘zbekistonliklarning 53 foizi koronavirusga qarshi emlanishga tayyor

«Ijtimoiy fikr» markazining so‘rovnomasida ishtirok etgan fuqarolarning 53,2 foizi koronavirusga qarshi emlanishga tayyorligini tasdiqlashdi. So‘ralganlarning uchdan bir qismidan ko‘prog‘i esa (36,5 foizi) emlanishdan bosh tortmoqda. Ular bunga asosiy sabab vaksinaning nojo‘ya ta’sirlaridan xavotir va emlanishga qarshi tibbiy ko‘rsatma ekanligini aytishgan. Vaksinatsiya borasida bir qarorga kelmagan fuqarolarning eng yuqori darajasi 18 yoshdan 24 yoshgacha bo‘lgan yoshlar orasida aniqlandi.

6 avgust 2021, 10:12

Biologiya bo‘yicha Milliy sertifikat uchun test natijalari bekor qilindi

Davlat test markazi 10 iyun kuni biologiya fani bo‘yicha milliy sertifikat uchun o‘tkazilgan test natijalari e’lon qilinmasligiini ma’lum qildi. Bunga testologiya mezonlari buzilganligi, test topshirganlarning maktabdagi o‘rtacha baholari va test natijalari o‘rtasidagi katta tafovut hamda OAV va ijtimoiy tarmoqlardagi e’tiroz sabab bo‘ldi. Testda ishtirok etgan barcha talabgorlarning to‘lovi to‘liq qaytariladi.

5 avgust 2021, 21:33

5 avgust kuni O‘zbekistonda sodir bo‘lgan eng muhim xabarlar dayjesti

O‘zbekistonda Gul yetishtiruvchilar uyushmasi tashkil etilishi, O‘zbekistonda pandemiya boshidan beri eng ko‘p kunlik koronavirus holatlari aniqlanishi, bosh vazirning koronavirusga qarshi emlanishi — “Gazeta.uz"ning 5 avgustdagi eng muhim xabarlari dayjestida.

5 avgust 2021, 21:04

Qashqadaryoda Lacetti yuk mashinasiga urildi. Oqibatda 4 kishi vafot etdi

Qashqadaryo viloyatining Dehqonobod tumanida Lacetti va Isuzu to‘qnashishi oqibatida yong‘in chiqdi. Lacetti avtomobilidagi to‘rt nafar fuqaro kuyib, vafot etdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting