Jamiyat

29 iyul 2022, 12:18

Dam olish kunlari qulay havo harorati bo‘lishi kutilmoqda — O‘zgidromet

Dam olish kunlari havo harorati tungi vaqtda +23 darajagacha tushadi, kunduzi esa +36 darajadan oshmaydi. Tog‘li va tog‘ oldi hududlarda yomg‘ir yog‘ishi va momaqaldiroq bo‘lishi, cho‘l zonalarda esa chang-to‘zonlar ko‘tarilishi kutilmoqda.

29 iyul 2022, 11:42

Ekoqo‘mita 831 ta holatda tadbirkorlar huquqlarini buzgan — Biznes-ombudsman

Davlat ekologiya qo‘mitasi korxonalarda tekshirish o‘tkazish, davlat xizmatini ko‘rsatish va murojaatlarni ko‘rib chiqish bo‘yicha jami 831 ta holatda tadbirkorlarning huquqlarini buzgani aniqlandi. Biznes-ombudsman qo‘mitaning 99 nafar mansabdoriga nisbatan ma’muriy bayonnoma rasmiylashtirdi.

29 iyul 2022, 10:51

Magistraturaga topshirilayotgan sertifikatlarning 70 foizi soxtalashtirilgan — Abduqodir Toshqulov

Magistraturaga qabul uchun topshirilayotgan sertifikatlarning 70 foizi soxtalashtirilgan, deya tanqid qildi oliy va o‘rta maxsus ta’lim vaziri Abduqodir Toshqulov. U mas’ullarga qabul yakunida sertifikatlarni yana bir bor tekshirish, soxta hujjatlar topshirganlarni esa o‘qishdan chetlatish yuzasidan ko‘rsatma berdi.

29 iyul 2022, 10:21

Surxondaryoda fuqaro qarindoshini o‘ldirish uchun odam yolladi

Sariosiyo tumanida fuqaro o‘zining qarindoshini o‘ldirish uchun 50 mln so‘mga odam yolladi. Huquq-tartibot organlari tomonidan o‘tkazilgan tezkor tadbirda gumondor kelishilgan puldan 1,8 mln so‘mini berganida ushlandi. Uning aybi sudda o‘z tasdig‘ini topsa, 10 yildan 15 yilgacha qamalishi mumkin.

29 iyul 2022, 09:00

«Avj olsa, kurashish qiyin». O‘zbekistonda termitlar va ular yetkazayotgan zarar ortib bormoqda

Termitlar dunyo bo‘ylab aholi uylari va tarixiy yodgorliklarga jiddiy zarar yetkazmoqda. Respublika termitlarga qarshi kurashish markazi direktori «Gazeta.uz» bilan suhbatda termit qanday hasharot ekanligi, hukumat ushbu muammoga qarshi qay darajada kurashayotgani va yechimini kutayotgan masalalar haqida gapirdi.

28 iyul 2022, 22:00

28 iyul kuni O‘zbekistonda sodir bo‘lgan eng muhim xabarlar dayjesti

O‘qishga hujjat topshirgan 1,2 mln nafar abituriyent, xalqaro plastik kartalardan pul yechishga komissiya o‘rnatayotgan banklar, AQShning O‘zbekistondagi yangi elchisi, yarim yilda javobgarlikka tortilgan 1785 nafar mansabdor shaxs, sel kelish xavfi, Gruziyaga sayohat va boshqalar — «Gazeta.uz» da kun dayjesti.

28 iyul 2022, 16:06

Xususiy sektorda ishlayotgan ayollarga ham budjetdan 2 mln so‘m «dekret» puli to‘lanadi

1 sentabrdan boshlab xususiy sektorda ishlovchi ayollarga ham davlat budjetidan 2 mln so‘m miqdordagi homiladorlik va tug‘ish nafaqasi to‘lab beriladi. Buning uchun Ijtimoiy sug‘urta jamg‘armasi tashkil etildi. Avvalroq prezident ushbu maqsadlar uchun 170 mlrd so‘m ajratilishini ma’lum qilgandi.

28 iyul 2022, 15:39

Uchta hududda o‘qishga kiritib qo‘yishni va’da qilgan shaxslar ushlandi

Poytaxtning Chilonzor tumanida $10 ming evaziga Toshkent tibbiyot akademiyasiga, Sirdaryoda $5 ming evaziga Guliston davlat universitetiga kiritib qo‘yishga uringanlikda gumonlangan shaxslar qo‘lga olindi. Samarqandda esa soxta hujjatlar asosida Qozog‘istondan o‘qishni ko‘chirmoqchi bo‘lgan shaxs ushlandi.

28 iyul 2022, 13:44

Farg‘ona vodiysi va Toshkent viloyatida sel kelish xavfi e’lon qilindi

29 iyuldan 1 avgustga qadar yomg‘irlar yog‘ishi tufayli Toshkent, Namangan va Farg‘ona viloyatlarining tog‘li va tog‘ oldi hududlarida sel-suv toshqinlari yuzaga kelishi kutilmoqda. O‘zgidromet aholi va haydovchilardan ehtiyot choralarini ko‘rishni so‘ramoqda.

28 iyul 2022, 13:00

Gruziyaga muhabbat bilan. O‘zbekistonliklarning Gruziyaga sayohat qilishga qiziqishi nega ortmoqda? (1-qism)

O‘zbekiston mediamakonida Gruziyaga qiziqish va sayohat qilish ko‘p muhokama qilinadigan mavzulardan biriga aylanmoqda. «Gazeta.uz» ushbu qiziqish nega ortayotganligi, Gruziyaning o‘ziga xos tomonlari va undan nimalarni o‘rganish mumkinligi haqidagi savollarga u yerga sayohat qilganlardan javob oldi.

28 iyul 2022, 11:26

Yarim yilda 1785 nafar mansabdor shaxs javobgarlikka tortildi

Yarim yilda 1429 ta jinoyat ishi doirasida 1785 nafar mansabdor shaxs javobgarlikka tortildi. Bunda ular yetkazgan moddiy zarar qariyb 700 mlrd so‘mni tashkil etdi. 1210 nafar mansabdor talon-toroj qilish, 158 nafari o‘z mavqeini suiiste’mol qilish, 129 nafari firibgarlik, 74 nafari poraxo‘rlikda ayblangan.

28 iyul 2022, 10:20

2022-yilda 1,2 mlndan ortiq abituriyent o‘qishga hujjat topshirdi

2022-yilda OTMlarga kirish uchun jami 1 mln 214 ming 232 nafar abituriyent hujjat topshirdi. Ularning 67 foizi avvalgi yillar bitiruvchilari hisoblanadi. Abituriyentlarning yarmidan ko‘pi kunduzgi ta’limni, 8,3 ming nafari esa masofaviy ta’limni tanlagan.

28 iyul 2022, 10:00

Prezident topshiriqlarini bajarmagani uchun 5 nafar davlat xizmatchisi ishdan bo‘shatildi

Shu yilning birinchi yarim yilligida prezident hujjatlari ijrosini ta’minlamagani uchun Moliya, Qurilish hamda Energetika vazirliklari, Davlat soliq qo‘mitasi va boshqa idoralardagi 5 nafar davlat xizmatchisi ishdan bo‘shatildi, 6 nafariga hayfsan va 1 nafariga jarima jazosi qo‘llanildi.

27 iyul 2022, 22:00

27 iyul kuni O‘zbekistonda sodir bo‘lgan eng muhim xabarlar dayjesti

Yagona maktab formasining hali beri majburiy bo‘lmasligi, ayrim soliqlarni to‘lashdan ozod qilinganlar, Komil Allamjanv bugundan biznesmen emas, hafta oxiridagi yomg‘irlar, Alisher Usmonovning ikki jiyaniga qarshi sanksiyalar, «Qo‘rqinchli Tehron» asari muhokamasi va boshqalar — «Gazeta.uz» da kun dayjesti.

27 iyul 2022, 18:20

29 iyuldan 7 avgustgacha poytaxtdagi ayrim yo‘llar avtomobillar harakati uchun yopiladi

Juma kunidan boshlab 7 avgustga qadar poytaxtda Food Fest-2022 gastronomik festivali o‘tkazilishi munosabati bilan Buyuk Turon ko‘chasi, Mustaqillik shoh ko‘chasi hamda Hyatt Regency mehmonxonasigacha bo‘lgan yo‘llar avtotransport harakati uchun vaqtincha yopiladi.

27 iyul 2022, 17:11

28−29-iyul kunlari O‘zbekistonning katta qismida qisqa muddatli yomg‘ir yog‘ishi kutilmoqda

O‘zgidromet rahbari 28−29 iyul kunlari O‘zbekiston hududining aksariyat qismida havo harorati pasayib, qisqa muddatli yomg‘ir yog‘ishi mumkinligini ma’lum qildi.

27 iyul 2022, 17:10

Uy-joyga muhtoj 12 ming xotin-qizlarning 500 nafardan ortiqrog‘iga uy berilgan, xolos — Senat raisi

Tanzila Narbayeva prezident topshirig‘iga ko‘ra bu yil 12 ming xotin-qizlar uy-joy bilan ta’minlanishi kerakligi, biroq ularning 500 nafardan sal ortiqrog‘iga uy berilganini aytdi. U joylardagi mas’ul tuzilmalar topshiriqni bajarish o‘rniga tadbirbozlik qilib yurganini tanqid ostiga oldi.

27 iyul 2022, 15:23

O‘zbekiston sharqida zilzila sezildi

Seysmoprognostik monitoring Respublika markazi epitsentri Qirg‘izistonda joylashgan 4,5 magnitudali zilzila O‘zbekiston hududida ham sezilganini ma’lum qildi. Mamlakat sharqida zilzila kuchi 2−3 ballni tashkil etgan.

27 iyul 2022, 12:52

Fuqarolar va tadbirkorlar bir qator soliqlarni to‘lashdan ozod qilindi — Soliq kodeksiga o‘zgartishlar

Fuqarolarning xususiy bog‘cha va maktablarga to‘laydigan 3 mln so‘mgacha mablag‘lari soliqdan ozod etiladi, mobil aloqa xizmatlari uchun soliq stavkalari 15 foizdan 10 foizga tushiriladi, tadbirkorlar va baliq yetishtiruvchilarga soliq imtiyozlari beriladi — Soliq kodeksiga qo‘shimcha va o‘zgartirishlar kiritildi.

27 iyul 2022, 12:10 3

Yagona maktab formasi hali majburiy bo‘lmaydi — Xalq ta’limi vaziri

Xalq ta’limi vaziri Baxtiyor Saidov yangi o‘quv yilidan boshlab maktab formasi majburiy bo‘lmasligini ma’lum qildi. Mazkur tartib 2025 yilgacha bosqichma-bosqich amalga oshiriladi. Shuningdek, o‘quvchi-qizlar maktabga ochiq rangdagi milliy ro‘molni boshning orqa tomonidan o‘rab kelishlari man etilmagani ta’kidlandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting