Jamiyat

17 oktabr 2022, 12:19

Qarshidagi manzil-koloniyasidan qochib ketgan mahkum qo‘lga olindi

Qarshidagi manzil koloniyasidan mahkum ruxsatsiz chiqib ketdi. U 2015 yilda 14 yoshga kirmagan shaxsni zo‘rlagani uchun 15 yilga ozodlikdan mahrum etilgandi. 2020 yilda esa yopiq turdagi qamoqxonadan manzil koloniyasiga o‘tkazilgan. U qo‘lga olindi va hozirda yopiq turdagi koloniyaga qaytarish masalasi ko‘rilmoqda.

17 oktabr 2022, 12:15

Toshkent viloyatida haydovchi 14 mln so‘m uchun o‘ldirib ketildi

Quyi Chirchiqda yo‘lovchi sifatida ketayotgan 3 kishi taksi haydovchisini 14 mln so‘m uchun bo‘g‘ib o‘ldirgani aytilmoqda. Holat yuzasidan jinoyat ishi qo‘zg‘atilib, gumonlanuvchilar qo‘lga olindi. Ular orasida maktab o‘quvchisi ham bor.

17 oktabr 2022, 12:00

E’tibor berishlarini kutish befoyda — hayqirish kerak!

Ona tiliga ehtiyoj sezmagan ijtimoiy sharoit tirik tilni ham o‘ldirishi mumkin. Xulosa aniq: xato qilishdan qo‘rqmay ona tilini faol nutqiy vaziyatda charxlash lozim. E’tibor berishlarini kutish befoyda — hayqirish kerak!, deb yozgandi Irisali Toshaliyev 1991 yildagi maqolasida.

17 oktabr 2022, 11:57

Paralimpiya sport turlari bo‘yicha mutaxassislarni tayyorlash instituti tashkil etildi

Hukumat qarori bilan Milliy paralimpiya qo‘mitasi huzurida Paraolimpiya sport turlari bo‘yicha mutaxassislarni tayyorlash instituti tashkil etildi. Mutaxassislar «El-yurt umidi» jamg‘armasi yordamida xorijda malaka oshirib keladi.

17 oktabr 2022, 11:16

Farg‘ona va Sardoba tumanlariga yangi hokimlar tayinlandi

Suv xo‘jaligi vaziri o‘rinbosari Akmal Mirzayev Sardoba tumaniga, Hamidullo Inomov esa Farg‘ona tumaniga hokim bo‘ldi. Qolaversa, Qashqadaryo hokimiga ikki yangi o‘rinbosar tayinlandi. Hokimning yana bir o‘rinbosari va Chiroqchi hokimiga esa «hayfsan» berildi.

17 oktabr 2022, 10:31

Farg‘onada psixotrop dorilar aylanmasiga chek qo‘yildi

Farg‘ona shahrida 1150 dona «Tramadol», 14 dona «Regapen» va 141 dona «Tropikamid» kabi kuchli ta’sir qiluvchi dori vositalarni xonadonida saqlab kelgan fuqaro va unga aloqador shaxs ushlandi. Gumonlanuvchilarga nisbatan jinoyat ishi qo‘zg‘atilib, protsessual tartibda qo‘lga olindi.

17 oktabr 2022, 10:27

«Tez yordam»da yolg‘on chaqiriqlar soni 2 barobar kamaydi — SSV

2022 yilning 9 oyida «103» xizmatiga jami 4 ming 452 ta yolg‘on chaqiriq kelib tushdi. SSVning ma’lum qilishicha, bu ko‘rsatkich o‘tgan yilning ayni shu davriga nisbatan ikki barobar kam.

17 oktabr 2022, 09:58

Ikkita YTHda 5 yoshli qizaloq va 2 kishi vafot etdi

Qashqadaryoda yuz bergan avariyada Spark beton to‘siqqa urilishi oqibatida haydovchi va uning yo‘lovchisi halok bo‘ldi. Farg‘onada sodir bo‘lgan avtohalokatda esa 5 yoshli qizaloq vafot etdi.

16 oktabr 2022, 20:00

Nega Dubay — «kelajak shahri» deb ataladi?

Fors ko‘rfazi bo‘yida joylashgan Dubay shahri hozirda ko‘pchilik tomonidan «kelajak shahri» deya tilga olinadi. Bir paytlar sahroning bir qismi bo‘lgan va undan «tortib olingan» ushbu shahar haqida sizga batafsil ma’lumot beramiz.

16 oktabr 2022, 12:00

Davlat tili to‘g‘risidagi qonun nega sust bajarilyapti?

Davlat tili haqidagi qonun sustkashlik bilan amalga oshirilayotganining sababi muttasil nazoratning yo‘qligidir… Xullas davlat tili haqidagi qonunni amalga oshirish avvalo rahbariy tashkilotlarning harakatiga bog‘liqdir, deb yozgandi G‘anijon Abdurahmonov bundan 30 yillarcha muqaddam.

16 oktabr 2022, 11:08

Jizzax viloyatida paxta qabul qilish punktida yong‘in sodir bo‘ldi

Sharof Rashidov tumanida joylashgan Paxta qabul qilish punktida yong‘in sodir bo‘ldi. Oqibatda 2 ta g‘aramning ustki qismi yonib ketdi. Hozirda yong‘inning kelib chiqish sababi va moddiy zarar miqdori aniqlanmoqda.

16 oktabr 2022, 10:48

Qashqadaryoda yo‘l chetiga chiqib ketgan Gentra yo‘lovchisi halok bo‘ldi

G‘uzor tumanida Gentra haydovchisi boshqaruvni yuqotishi natijasida yo‘lning chap tomoniga chiqib ketib YTH sodir etdi. Oqibatda u tan jaroxati bilan shifoxonaga yotqizildi, mashinada bo‘lgan yo‘lovchi esa vafot etdi.

16 oktabr 2022, 10:36

Rossiyada har kuni o‘ndan ziyod o‘zbekistonlik mobilizatsiya muammosiga to‘qnash kelmoqda

Tong Jahoni va “Rus sidyashaya” huquqni himoya qilish tashkilotlari rahbarlari Valentina Chupik va Olga Romanova “Gazeta.uz"ga Rossiyada mehnat qilayotgan va hibsdagi O‘zbekiston fuqarolari Ukrainaga urushga qanday jalb qilinayotgani haqida so‘zlab berishdi. Ushbu tashkilotlar aloqa raqamlarini ham taqdim etamiz.

16 oktabr 2022, 09:41

Toshkentda Veolia kompaniyasi xodimi $600 pora bilan qo‘lga tushdi

Yangihayot tumanida Veolia Energy Tashkent xorijiy kompaniyasi xodimi $600 pora olayotgan vaqtda qo‘lga olindi. U shu yo‘l bilan abonentning qarzini so‘ndirishga va’da bergan.

16 oktabr 2022, 02:33

Har 10 nafar o‘smirdan biri maktabi bilan aloqani his qilmaydi — tadqiqot

YUNISEF o‘smirlarning ruhiy salomatligini o‘rganish bo‘yicha O‘zbekiston tarixidagi ilk tadqiqot natijalarini taqdim etdi. Unga ko‘ra, o‘quvchilarning katta qismi (15,4%) o‘rtacha va o‘ta og‘ir bezovtalik va depressiyadan (9,8%) aziyat chekmoqda. Tadqiqot xulosasi va tavsiyalari — «Gazeta.uz» materialida.

15 oktabr 2022, 20:41

Uchko‘prikda o‘z yerlaridan «ixtiyoriy» voz kechgan 16 nafar fermerning arizalari bekor qilinadi — Adliya vazirligi

Uchko‘prik tuman hokimligi binosida bir vaqtning o‘zida 16 nafar fermer o‘z yerlaridan «ixtiyoriy» voz kechish uchun ariza rasmiylashtirgani ma’lum bo‘ldi. Buning uchun notarius ham hokimlikka chaqirilgan. Adliya vazirligi buni prezident farmoniga zid deb topdi va arizalarni bekor qilish bo‘yicha choralarni boshladi.

15 oktabr 2022, 16:00

«Maqsad — ayollar oldidagi to‘siqlarni bartaraf etish». Aziza Umarova mentoring dasturi haqida

YeTTB hamda SmartGov konsalting byurosi hamkorlikda O‘zbekistonda tadbirkor ayollar uchun mentoring dasturini ishga tushirdi. Unda tajribali tadbirkorlar biznesga endi kirib kelayotgan xotin-qizlarga ko‘maklashadi. Loyiha ayollar duch kelayotgan to‘siqlarni bartaraf etishga qaratilgan, dedi Aziza Umarova.

15 oktabr 2022, 15:49

Toshkentda «Better Cotton Initiative» NNTning vakolatxonasi ochiladi

Tanzila Narbayeva «Better Cotton Initiative» (BCI) nodavlat notijorat tashkiloti menejeri Reychel Bekket bilan uchrashdi. Unda BCI`ning Toshkentdagi vakolatxonasini tez kunlarda ta’sis etish yuzasidan kelishuvga erishildi.

15 oktabr 2022, 14:58

16 oktabr kuni Islom Karimov, Afrosiyob va Sharof Rashidov ko‘chalari 5 soatga yopiladi

Yakshanba kuni «Business Run» marafoni o‘tkazilishi sabab Islom Karimov, Afrosiyob hamda Sharof Rashidov ko‘chalari soat 06:00 dan soat 11:00 gacha yopiladi.

15 oktabr 2022, 13:47

Chirchiqda bankomatlarni buzishga uringan harbiylar IIVda xizmat qiladi — Mudofaa vazirligi

Toshkent viloyatida 3 nafar harbiy xizmatchi bankomatlarni buzishga uringani xabar qilingandi. Mudofaa vazirligi qo‘lga olinganlar vazirlikka aloqasi yo‘qligini, ular IIV Qorovul qo‘shinlari harbiy xizmatchilari ekanini ma’lum qildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting