Jamiyat

11 iyul 2020, 10:23

Poytaxtda koronavirus bilan kasallangan bemor vafot etdi

Toshkentda koronavirus aniqlagan 50 yoshli ayol vafot etdi. Bu mamlakatda COVID-19 bilan kasallangan bemorlar orasida qayd etilgan 55-o‘lim holati.

10 iyul 2020, 19:05

Navoiyda SES boshlig‘i 510 mln so‘mga yaqin moddiy boyliklarini o‘zlashtirganlikda ayblanmoqda

Navoiy viloyati Sanitariya-epidemiologiya osoyishtalik markazining bosh shifokori hibsga olindi. Markaz mansabdor va moddiy javobgar shaxslari qariyb 510 mln so‘mlik tovar moddiy boyliklarini o‘zlashtirish va talon-toroj qilganlikda ayblanishmoqda. Mazkur holat yuzasidan Bosh prokuratura jinoyat ishini qo‘zg‘atdi.

10 iyul 2020, 18:38

Afg‘onistonlik ayollar O‘zbekistonda qishloq xo‘jaligini o‘rganishadi

Afg‘onistonlik yosh xotin-qizlar Termiz shahridagi Afg‘oniston fuqarolarini o‘qitish ta’lim markazida qishloq xo‘jaligi bo‘yicha tahsil oladilar. Loyiha doirasida Afg‘onistondan kelgan 50 nafar ayollar Qozog‘iston va O‘zbekiston universitetlarida o‘qishi ko‘zda tutilgan.

10 iyul 2020, 13:55

Dam olish kunlari harorat biroz pasayishi kutilmoqda

Sharqiy Qozog‘istondan kirayotgan biroz salqin havo oqimi O‘zbekistonda kunduzgi haroratning pasayishiga olib keldi. Dam olish kunlari harorat saqlanib turadi. Juma va shanba kunlari poytaxtda va Toshkent viloyatida, shuningdek, Farg‘ona vodiysida momaqaldiroq va yomg‘ir yog‘ishi kuzatilishi mumkin.

10 iyul 2020, 13:31

Majburiy obuna tashkil etish va majburiy mehnatda ayblangan hokim o‘rinbosari sudda yutib chiqdi

O‘qituvchilarni majburiy mehnatga jalb qilishda ayblangan hokim o‘rinbosari Baxtiyor Mamadaliyev birinchi instansiya sudida aybsiz deb topildi.

10 iyul 2020, 13:07 1

Qariyb 3750 nafar fuqaro Qozog‘iston-O‘zbekiston chegarasini kesib o‘tdi

Qozog‘iston-O‘zbekiston chegarasida to‘planib qolgan 3746 nafar O‘zbekiston fuqarolari “Jibek joli” — “G‘isht-Ko‘prik” nazorat-o‘tkazish punktidan o‘tkazilib mamlaktga qaytgan. TIV ma’lum qilishicha, hozirda davlatlararo chegarani kesib o‘tishda muammolar yo‘q va fuqarolarning to‘planib qolishi kuzatilmayapti.

9 iyul 2020, 20:01

“Hozircha birinchi sinflar uchun onlayn ta’limni joriy qilish haqida gap yo‘q” — Sherzod Shermatov

Xalq ta’limi vaziri epidemiologik vaziyat sentyabrgacha yaxshilansa, bolalar maktablarda o‘qishni boshlashini ma’lum qildi. Darslarni televideniye orqali namoyish etish esa to‘xtamaydi.

9 iyul 2020, 18:25

Qashqadaryoda shifokor oilaviy tadbir va deputatlar bilan uchrashuvda 30 kishiga virus yuqtirgani ma’lum bo‘ldi

Qashqadaryoda viloyati hokimi Zoyir Mirzayev shifokor karantin talablariga rioya etmagan holda qarindoshinikida oilaviy tadbirda va deputatlar bilan uchrashuvda ishtirok etib, 30 nafar fuqaroga virus yuqtirganini ma’lum qildi. Shuningdek, hokim taksilar Respublika maxsus komissiyasi talablarini bajarmasa ularning faoliyati to‘xtalishi mumkinligini ham bildirib o‘tdi.

9 iyul 2020, 17:43

Uzbekistan GTL zavodi qurilishida 130 ga yaqin COVID-19 holati aniqlandi

Qashqadaryo viloyatida Uzbekistan GTL zavodi qurilishi ishtirok etayotganlar orasida 130 ga yaqin koronavirus bilan kasallanish holatlari aniqlandi.

9 iyul 2020, 17:24 1

“Sirtqi ta’lim 100 foiz masofaviy ta’lim shakliga o‘tadi” — Inomjon Majidov

O‘zbekistonda sirtqi ta’lim 100 foiz, kechkisi esa 50 foiz masofaviy ta’lim shakliga o‘tadi. Kunduzgi ta’lim borasida qanday yo‘l tutilishi karantin sharoitidan kelib chiqib belgilanadi.

9 iyul 2020, 16:41

Jahongir Ortiqxo‘jayev poytaxt aholisiga murojaat bilan chiqdi

Toshkent hokimi karantin talablari kuchaytirilayotgani sababli poytaxt aholisini beparvo bo‘lmaslikka, zaruratsiz ko‘chaga chiqmaslikka, onlayn xizmatlardan unumli foydalanishga chaqirdi. Shuningdek, hokim uy sharoitida davolanayotgan va karantinga olingan bemorlarga tibbiy maslahat ko‘rsatuvchi 1105 raqamli Call-markazi faoliyati yo‘lga qo‘yilayotganini ma’lum qildi.

9 iyul 2020, 14:27

“Bizda yotoq-joylar va dori-darmonlar zaxirasi yetarli” — Xabibulla Oqilov

Koronavirusga qarshi kurash shtabining vakili Xabibulla Oqilovning aniqlik kiritishicha, O‘zbekistonda dori-darmonlar va yotoq-joylar zaxirasi yetarli, ammo agar hozirgi kunlik o‘sish ko‘rsatkichi saqlanib qolsa, ular yetarli bo‘lmasligi mumkin.

9 iyul 2020, 13:35

Koronavirus O‘zbekistonga 15 martdan avvalroq kirib kelgani ehtimoli istisno qilinmadi

“O‘zbekiston hududida birinchi bemor 15 martda qayd etildi. Biroq kasallik mamlakatimizga undan avval ham kirib kelgan bo‘lishi ham mumkinligini inkor etmaymiz” — Sanitariya-epidemiologik nazorat inspeksiyasi bosh inspektori Nurmat Otabekov.

9 iyul 2020, 13:26

Said-Abdulaziz Yusupov ozodlikka chiqdi

2019 yili firibgarlikda ayblanib qamoqqa olingan O‘zbekiston mustaqil bosma OAV va axborot agentliklarini qo‘llab-quvvatlash va rivojlantirish jamoat fondi direktori vazifasini bajaruvchi Said-Abdulaziz Yusupov ozod etildi. Unga nisbatan qo‘zg‘atilgan jinoiy ish to‘liq to‘xtatildi.

9 iyul 2020, 12:10

O‘zbekiston shaharlarida zilzila qayd etildi

Epitsentri Tojikistonda bo‘lgan zilzila Toshkent va boshqa hududlarda ham sezildi. Poytaxtdagi yer osti silkinishlari kuchi 3 balni tashkil etdi.

9 iyul 2020, 12:04

Qamchiqda Isuzu jarlikka ag‘darilib ketdi, ikki kishi halok bo‘ldi

Namangan viloyatining Pop tumanida Isuzu yuk mashinasi yo‘l chetidagi jarga ag‘darilib ketdi. Haydovchi va yo‘lovchi halok bo‘ldi.

9 iyul 2020, 10:10

Koronavirus bemorlari orasida yana ikki nafar o‘lim holati qayd etildi

O‘zbekistonda koronavirus bemorlari orasida ikki nafar o‘lim holati qayd etildi. Buxoro viloyatida 40 yoshli Afg‘oniston fuqarosi, Toshkent shahrida 83 yoshli onaxon vafot etishgan.

8 iyul 2020, 20:37

“Joylarda „yashil“, „sariq“ va „qizil“ hudud tamoyili to‘liq ishlamayapti” — prezident

Prezident joylarda “yashil”, “sariq” va “qizil” hudud tamoyili to‘liq ishlamayotganini ta’kidladi. Bundan tashqari, aholi orasida karantin choralariga yengil qarash, jumladan, niqoblarni noto‘g‘ri taqish, qo‘l berib ko‘rishish va oilaviy tadbirlarni o‘tkazish holatlari uchramoqda. “Bunday xatarli ofatga aslo beparvo qarab bo‘lmaydi”, — dedi davlat rahbari xalqqa murojaat qilar ekan.

8 iyul 2020, 18:56

Rossiya-Qozog‘iston chegarasida 2000 o‘zbekistonlik yig‘ildi

Rossiya-Qozog‘iston chegarasi yaqinida uylariga avtomobillarda qaytmoqchi bo‘lgan 2000 nafar o‘zbekistonlik yig‘ildi. O‘zbekiston TIV karantin choralari kuchaytirilgan Qozog‘iston orqali kelish fuqarolar salomatligi uchun xavf tug‘dirishini ma’lum qildi.

8 iyul 2020, 17:27

Xabibulla Oqilov — «koronaskeptiklar» haqida

Professor Xabibulla Oqilov koronavirusning borligiga shubha bilan qarayotgan, ushbu infeksiyaga chalingan birorta ham tanish insonlar yo‘q, deb iddao qilayotganlarga javob qaytardi. Uning ta’kidlashicha, odamlar buni juda jiddiy qabul qilishlari va bor-yo‘g‘i oddiy gigiyena, o‘z-o‘zini saqlashning birlamchi qoidalariga rioya qilishlari kerak xolos.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting