Jamiyat

30 iyul 2021, 21:00

30 iyul kuni O‘zbekistonda sodir bo‘lgan eng muhim xabarlar dayjesti

O‘zbekistonda pandemiya boshlangandan beri koronavirusdan kunlik kasallanish bo‘yicha eng yuqori antirekord qayd etilishi, mamlakatga 3 mln doza Moderna vaksinasi olib kelinishi, yangi qaror va qonun imzolanishi — “Gazeta.uz"ning 30 iyuldagi eng muhim xabarlari dayjestida.

30 iyul 2021, 19:26

29,5 mlrd so‘mlik davlat xaridlari bo‘yicha ishlar tenderlar g‘oliblari aniqlanmasdan boshlab yuborilgan

Antikorrupsiya agentligi O‘zbekistonning bir nechta hududlarida davlat xaridlari bo‘yicha qonun buzilishi holatlarini aniqladi. Qoraqalpog‘iston Respublikasida 63,6 mlrd so‘mlik davlat xaridlari bo‘yicha tenderlar qonunga zid ravishda e’lon qilingan. Bundan tashqari, qator hududlarda 29,5 mlrd so‘mlik davlat xaridlari bo‘yicha tenderlarning g‘olibi aniqlamay turib, qurilish va ta’mirlash ishlari boshlab yuborilgan yoki tugatilgan.

30 iyul 2021, 18:08

O‘zbekistonda 6 oyda 45 mingdan ortiq jinoyatlar sodir etilgan

2021 yilning yanvar-iyun oylarida O‘zbekistonda 45 mingdan ortiq jinoyatlar sodir etilib, bu ko‘rsatkich o‘tgan yilga nisbatan 111,9 foizga oshgan. 217 ta qotillik jinoyatlarining har uchinchisi qarindoshlar yoki qo‘shnilar o‘rtasida sodir bo‘lgan.

30 iyul 2021, 16:08

Yarim yilda 104 nafar voyaga yetmagan bola YTHlarda halok bo‘lgan

2021 yilning 6 oyi davomida sodir bo‘lgan 542 ta YTHlarda 458 nafar bola jarohatlangan, 104 nafari halok bo‘lgan. Halok bo‘lgan bolalar soni o‘tgan yilning 6 oyiga nisbatan 33,3 foizga ortgan. Yarim yilda umumiy YTHlar soni 3,5 mingdan ortiq, ularda 1000ga yaqin inson halok bo‘lgan.

30 iyul 2021, 13:13

TIV xorijlik sayyohlar uchun O‘zbekistonga tashrif buyurish tartiblarini e’lon qildi

TIV pandemiya davrida xorijliklarning O‘zbekistonga kirishi bo‘yicha tartiblarni e’lon qildi. Unga ko‘ra, endilikda avtomobil orqali kelayotganlar mamlakat hududidiga faqat PZRning manfiy ko‘rsatkichiga ega bo‘lsagina kiritiladi. Shuningdek, mamlakatga kirish vaqtida turistda koronavirus infeksiyasining alomatlari bo‘lib, PZR musbat bo‘lsa, o‘ni o‘z davlatiga qaytarish ishlari yo‘lovchilarni tashish tartibiga muvofiq amalga oshiriladi.

30 iyul 2021, 13:12

«Sog‘liqni saqlash xodimlari uyma-uy yurib, aholining ko‘proq kaysi kasalliklar bilan og‘riyotganini aniqlashi kerak» — Tanzila Narbayeva

Senat raisi Tanzila Narbayevaning ta’kidlashicha, tibbiyot xizmat sohasidagi ko‘plab muammolar joylarda vaqtida o‘rganishlar olib borilmaganligi sababli kelib chiqmoqda. U aholining salomatligini ta’minlashda mahalliy kengashlar ham faol bo‘lishi kerakligini qayd etdi.

30 iyul 2021, 12:26

O‘tgan 6 oy davomida Ayollar reabilitatsiya markazlariga deyarli 400 nafar erkak murojaat qilgan

2021 yilning yanvar-iyun oylarida Ayollarni reabilitatsiya qilish va moslashtirish markazlariga jami 5 958 nafar fuqaro murojaat qilgan bo‘lib, shundan 5 348 nafari ayol, 393 nafari erkak hisoblanadi. Hududlar kesmidida eng ko‘p murojaat Toshkent shahri (1598), Jizzax (861) va Namangan viloyatidan (540) bo‘lgan.

30 iyul 2021, 12:01

O‘zbekistonda dunyodagi eng yirik mis va oltin zaxirasi mavjud — AQSh konsalting kompaniyasi rahbari

AQShning SRK Consulting kompaniyasi direktori Mayk Bir O‘zbekistonda 45 mln tonna mis va 5,5 ming tonna oltin zaxirasi mavjudligini ma’lum qildi. Uning so‘zlariga ko‘ra, elektromobillarni ishlab chiqarish hajmi oshishi bilan jahon bozorida misga bo‘lgan talab ham keskin ortadi. U O‘zbekistonda mis ishlab chiqarishga qaratilayotgan e’tiborni uzoqni ko‘zlovchi siyosat deb atadi.

30 iyul 2021, 11:31

Yakshanba kuni havo harorati yana ko‘tarila boshlaydi

1 avgustda mamlakatni salqin havo massalari asta-sekin tark eta boshlaydi. Havo harorati +40 darajagacha ko‘tarilishi kutilmoqda. 30−31 iyulda Farg‘ona vodiysining tog‘ oldi va tog‘li hududlarida sel kelishi xavfi bor.

30 iyul 2021, 08:24

Qibrayda besh kishi shafqatsiz ravishda o‘ldirildi

Qibray tumanida besh kishi shafqatsiz ravishda o‘ldirildi, gumondor qo‘lga olindi.

30 iyul 2021, 08:08

Toshkentga 3 mln doza Moderna vaksinasi olib kelindi

O‘zbekistonga COVAX mexanizmi doirasida AQShdan 3 million doza Moderna vaksinasi olib kelindi. Ushbu vaksina butun mamlakat bo‘ylab 18 yoshdan oshgan fuqarolarni emlashda qo‘llaniladi. Kuzda AstraZeneca va Pfizer vaksinalarini yetkazib berish rejalashtirilgan.

29 iyul 2021, 23:31

Taxiatosh IIBga olib ketilgan fuqaroning o‘limi yuzasidan izoh berildi

Qoraqalpog‘istoning Taxiatosh tumanida mast holda IIBga olib ketilgan fuqaro vafot etdi. Fuqaroning yaqinlari uning o‘limida profilaktika inspektorini ayblamoqda. Hozirda IIB xodimlarining xatti-harakatlari yuzasidan xizmat tekshiruvi harakatlari olib borilmoqda.

29 iyul 2021, 21:53

“Uyim yo‘q edi, uyli bo‘ldim. Malibu mashinam ham bor”. Shavkat Mirziyoyev samosval haydovchisi bilan suhbatlashdi

Prezident tog‘-kon sanoati texnikasini ko‘zdan kechirib, samosval haydovchisi bilan suhbatlashdi. Shavkat Mirziyoyev undan mashinaning qulayliklar, oylik maoshi, hayotidagi o‘zgarishlar haqida so‘radi. “11−12 mln, ko‘tarilib boryapti hozir. Uyim yo‘q edi, uyli bo‘ldim. Hozir Malibu avtomashinam bor”, — dedi haydovchi.

29 iyul 2021, 21:34

Adliya vazirligi O‘zbekiston gerbi va bayrog‘i tasvirlangan oyoq kiyimini «davlat ramzlariga hurmatsizlik» deb baholadi

Italiyalik dizayner Stefano Richchi O‘zbekiston gerbi va bayrog‘i aks etgan 18 mln so‘mlik poyabzallar taqdim etdi. Adliya vazirligi buni «davlat ramzlariga hurmatsizlik» deb baholadi. Shuningdek, Toshkent adliya boshqarmasi poytaxtdagi davlat organlarida davlat ramzlaridan foydalanishda 363 ta qonunbuzilish holatlarini aniqlagan. Natijada, 55 nafar shaxs intizomiy javobgarlikka tortilgan.

29 iyul 2021, 21:00

29 iyul kuni O‘zbekistonda sodir bo‘lgan eng muhim xabarlar dayjesti

O‘zbekistonda pandemiya boshlangandan beri koronavirusdan kunlik kasallanish bo‘yicha eng yuqori antirekord qayd etilishi, Shavkat Mirziyoyevning Olmaliqqa tashrifi, O‘zbekistonga koronavirusga qarshi yana 17,9 mln doza vaksina olib kelinishi rejalashtirilayotgani — “Gazeta.uz"ning 29 iyuldagi eng muhim xabarlari dayjestida.

29 iyul 2021, 20:46

Zangiotada yangi bolalar maydonchasining sun’iy qoplamasi yig‘ishtirib olindi

Rost24 nashri Zangiotadagi «Ibrat» mahallasida bolalar maydonchasi ochilish marosimidan so‘ng u yerga to‘shalgan sun’iy qoplama yig‘ishtirib olingani haqida xabar qildi. Tuman hokimligi sun’iy maysazor kun issiqligi sababli yaroqsiz holga kelganini va yangisi bilan almashtirilishini ma’lum qildi.

29 iyul 2021, 20:37

Surxondaryoda profilaktika inspektori yordamchilari fuqaroni urib, uning o‘limiga sabab bo‘ldi

Surxondaryo viloyati Denov tumanida ikki nafar IIO FMB profilaktika inspektori yordamchilari fuqaroni bir necha bor urib, tan jarohati yetkazgan. Oqibatda fuqaro shifoxonada vafot etgan. Holat yuzasidan jinoyat ishi qo‘zg‘atilib, 2 nafar shaxsga nisbatan “qamoqqa olish” ehtiyot chorasi qo‘llanilgan.

29 iyul 2021, 18:43

Abituriyentlarga ruxsatnomalarni berish 1 avgustdan boshlanadi

OTMlarning bakalavriat ta’lim yo‘nalishlariga kirish test sinovlarida ishtirok etish onlayn ro‘yxatdan abituriyentlarga “Abituriyent ruxsatnomasi"ni berish 1 avgust sanasidan boshlanadi.

29 iyul 2021, 17:00

«ISHONCH» do‘konlar tarmog‘i endi Buxoroda

Buxoro shahrida maishiy texnika, mebel, santexnika vositalari, sport anjomlari va boshqa ko‘plab mahsulotlar muddatli to‘lov asosida sotiladigan «ISHONCH» do‘konlar tarmog‘ining filiali ish boshladi.

29 iyul 2021, 15:31

O‘zbekistonga 1,2 mln doza Pfizer vaksinasi olib kelinadi

O‘zbekistonga koronavirusga qarshi yana 17,9 mln doza vaksina olib kelinishi rejalashtirilmoqda. Ular orasida Pfizer/Bio N Tech vaksinasining 1,2 mln dozasi olib kelinishi ham ko‘zda tutilgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting