Jamiyat

14 avgust 2020, 10:59

15 avgustdan mahalliy avia va temir yo‘l qatnovlari tiklanadi (jadval)

15 avgustdan boshlab mahalliy aviaqatnovlar va temir yo‘l qatnovlari bosqichma-bosqich tiklanadi. Toshkentdan Nukus va Urganch shaharlariga haftasiga uch marotaba, Termizgacha haftasiga ikki marotaba aviaqatnovlar yo‘lga qo‘yiladi. «O‘zbekiston temir yo‘llari» esa jami 3 ta yo‘nalish bo‘yicha 5 ta poyezd qatnovini amalga oshiradi.

14 avgust 2020, 00:16

O‘zbekiston shaharlarida kuchsiz zilzila sezildi

Tojikiston hududida sodir bo‘lgan 4,9 ballik zilzila O‘zbekiston shaharlarida ham sezildi.

13 avgust 2020, 20:15

Toshkent chegaralarini o‘zgartirish rejasi qayta ko‘rib chiqiladi

Toshkent shahri va Toshkent viloyati hududini o‘zgartirish to‘g‘risidagi loyihani qayta ko‘rib chiqish rejalashtirilmoqda. Uchtepa va Sergeli tumanlari hamda Ulug‘bek shaharchasi aholisi ushbu rejalardan norozi bo‘lgan edi.

13 avgust 2020, 19:51

BMT O‘zbekiston uchun yangi dasturni ishga tushiradi

BMT tizimidagi agentliklar koronavirusdan zarar ko‘rganlarga 1 mln dollarlik yangi dastur orqali yordam ko‘rsatadi. Dasturda muhojirlar va ularning oilalariga, norasmiy sektorda ishlaydigan ishchilarga, mojaroli zonalardan qaytib kelgan oilalarga, ayollar va qizlar, shuningdek, gender zo‘ravonlik qurbonlariga yordam ko‘rsatish ko‘zda tutilgan.

13 avgust 2020, 16:38

Koronavirus va gripp qanday farq qiladi?

Koronavirusga qarshi kurashish shtabi a’zosi COVID-19 va oddiy gripp o‘rtasida qanday farqlar borligini tushuntirib berdi. Ushbu ikki kasallikning yashirin davrlari, yo‘tal ko‘rinishlari va boshqa alomatlari bilan farq qilishi ma’lum qilindi.

13 avgust 2020, 13:37

Kimyo va biologiya fanlariga ixtisoslashtirilgan maktablar tashkil etiladi

Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish maqsadida respublika bo‘ylab ushbu fanlarga ixtisoslashtirilgan maktablar tashkil etiladi. Shuningdek, xalqaro olimpiadalar g‘oliblari va ularni tayyorlagan professor-o‘qituvchilar rag‘batlantirilib, kimyo va biologiya fanlaridan bilimlarni baholash bo‘yicha milliy sertifikatlash tizimi joriy qilinadi.

13 avgust 2020, 11:33

Imom Moturidiy nomidagi xalqaro stipendiya ta’sis etildi

Prezident qarori bilan O‘zbekiston xalqaro islom akademiyasi huzurida Imom Moturidiy xalqaro ilmiy-tadqiqot markazi tashkil etiladi. Shuningdek, markazdagi xorijiy tadqiqotchi va izlanuvchilar uchun Imom Moturidiy nomidagi xalqaro stipendiya ta’sis etildi.

13 avgust 2020, 11:16

Karantinda saqlash muddati 7 kunga qisqartilishi mumkin

Karantinda saqlash muddati vrachlar kuzatuvi ostida davolash-profilaktika chora-tadbirlarini amalga oshirgan holda 7 kun etib belgilanadi. «Qizil», «sariq» va «yashil» reyslar ro‘yxati yangilandi.

13 avgust 2020, 10:32

Chorvoqda cho‘milishga ruxsat berildi

Bosh vazir o‘rinbosari Aziz Abduhakimov 15 avgustdan Chorvoq suv omborida cho‘milish va ko‘ngilochar vositalar borasida barcha cheklovlar yechilib, ulardan foydalanishga ruxsat berilganini ma’lum qildi.

13 avgust 2020, 01:56

17 avgustdan masjidlar faoliyatiga ruxsat berildi

O‘zbekistonda 17 avgustdan boshlab barcha diniy tashkilotlar, jumladan, masjidlar faoliyatiga ruxsat berildi. Bunda karantin qoidalariga qat’iy rioya etilishi shart. Juma namozini vaqtincha ado etmaslik belgilandi.

12 avgust 2020, 23:55

Bobomurod Abdullayev Bishkekda O‘zbekiston so‘roviga asosan qo‘lga olindi

Jurnalist Bobomurod Abdullayev Bishkekda O‘zbekiston so‘roviga asosan qo‘lga olindi, deya xabar qildi O‘zbekiston Bosh prokuraturasi. Hozirda uning ekstraditsiyasi masalasi hal qilinmoqda.

12 avgust 2020, 20:00

Toshkentdagi 7 ta tuman tibbiyot birlashmasiga yangi rahbarlar tayinlandi

Toshkentning yettita tumanida tibbiyot birlashmalariga yangi rahbarlar tayinlandi.

12 avgust 2020, 18:58

Toshkentdagi YTHda bir kishi halok bo‘ldi va bir kishi jarohatlandi

Toshkentning Chilonzor tumanida Labo yuk mashinasining reklama ustuniga borib urilishi oqibatida avtomobil yo‘lovchisi voqea joyida vafot etdi, haydovchi jarohat oldi.

12 avgust 2020, 18:24

Qibraydagi qotillik yuzasidan ikki gumondor qo‘lga olindi

Qibray tumanida murdasi sayohat jomadoni ichidan topilgan erkakni o‘ldirishda gumon qilinayotgan ikki kishi qo‘lga olindi.

12 avgust 2020, 18:11

15 avgustdan karantin choralari bosqichma-bosqich yumshatiladi

15 avgustdan boshlab karantin choralari yumshatiladi: shaxsiy va jamoat transporti harakati, qator faoliyat turlari, bozor va madaniy-ma’rifiy muassasalar ishini bosqichma-bosqich qayta tiklanadi. Belgilangan talablarga amal qilgan holda uyda 30 kishilik oilaviy marosimlar o‘tkazish mumkin bo‘ladi. 17 avgustdan hududlar o‘rtasida avtotransport qatnovi tiklanishi belgilandi.

12 avgust 2020, 16:59

Yarim yilda Davlat mehnat inspeksiyasi deyarli 3900 nafar mansabdor shaxslarni jarimaga tortgan

2020 yilning birinchi yarmida Davlat mehnat inspeksiyasiga mehnat munosabatlari buzilganligi to‘g‘risida 12 mingdan ortiq murojaat kelib tushgan. Ularni o‘rganishi natijasida 3886 nafar mansabdor shaxsga nisbatan 6,3 mlrd so‘m miqdorida ma’muriy jarimalar qo‘llanilgan.

12 avgust 2020, 15:08

Ijtimoiy himoya tizimini baholash — hisobot muhokamasi

O‘zbekistonda ijtimoiy himoya tizimi nisbatan yaxshi tashkillashtirilgan bo‘lsada, aholining deyarli yarmi va kam ta’minlangan oilalarning uchdan bir qismi ijtimoiy himoya dasturlari bilan qamrab olinmagan. Bu haqda mamlakatdagi ijtimoiy himoya tizimini baholash bo‘yicha hisobotda aytiladi.

12 avgust 2020, 14:38

MIB Qarshi shahar bo‘limi boshlig‘iga xizmat tekshiruvi tayinlandi

Ijtimoiy tarmoqlarda MIB Qarshi shahar bo‘limi boshlig‘ining Milliy gvardiya xodimiga qo‘pollik qilib, uni haqoratlagani aks etgan videoyozuv tarqaldi. Ularning har ikkisiga nisbatan xizmat tekshiruvi tayinlandi.

12 avgust 2020, 13:38

Abituriyentlarga sanitariya-gigena vositalari tarqatiladi

Qabul test sinovlari o‘tkaziladigan joylarda abituriyentlarga barcha sanitariya-gigiyena sharoitlari yaratilishi va ularning xavfsizligi ta’minlanishi ma’lum qilindi. Shuningdek, respublika bo‘yicha bir kunda 100 mingga yaqin abituriyentni test sinovidan o‘tkazilishi qayd etildi. Test sinovlari birinchi smena uchun 08:00 da boshlanib, 10:00 gacha davom etadi va ikkinchi smena 17:00 da boshlanib, 19:00 da tugaydi.

12 avgust 2020, 12:38

1200 ta maktabda kundaliklar elektron shaklda yuritiladi

Yangi o‘quv yilidan boshlab respublikadagi 1200 ta maktabda kundalik yuritish elektron shaklga o‘tkaziladi va qog‘oz shaklidagi kundaliklar bekor qilinadi. Xizmatdan foydalanishda internet-trafik hisoblanmaydi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting