Jamiyat

19 avgust 2020, 15:17 3

UzAuto Motors avtomobillarining narxi qanchaga arzonlashadi — ro‘yxat

Monopoliyaga qarshi kurashish qo‘mitasi UzAuto Motors tomonidan 2020 yil mart oyida avtomobillar uchun tasdiqlangan va iste’molchilarga realizatsiya qilingan, asossiz kiritilgan xarajatlarni chegirishni va ushbu mablag‘larni iste’molchilarga qaytarib berishni so‘radi. Yangi shartnomlar ham ushbu chegirmalar asosida tuziladi. Buning oqibatida Spark 3,5 mlngacha, Cobalt 10,5 mlngacha, Gentra 19,8 mlngacha va Damas 15,7 mln so‘mgacha arzonlashishi kutilmoqda.

19 avgust 2020, 14:04

OTMlarga kirish imtihonlari o‘tkaziladigan joylar ro‘yxati e’lon qilindi

O‘zbekiston OTMlariga kirish imtihonlari 65 ta joyda bo‘lib o‘tadi. Toshkentda imtihonlar uchun «Paxtakor» stadioni, Milliy bog‘, Talabalar shaharchasi xiyoboni, «Ashxobod» sayilgohi va Botanika bog‘i tanlandi. Bu yil abituriyentlarning ota-onalari uchun kutish joylari tashkil etilmaydi.

19 avgust 2020, 12:33

Miting, yig‘ilish va namoyishlar o‘tkazish tartibi belgilanadi

Miting, yig‘ilish va namoyishlar to‘g‘risidagi qonun loyihasi ishlab chiqildi. Unga ko‘ra, ushbu tadbirlarni ish kunlari kunduzi 10:00 — 18:00 orasida 2 soatdan oshmagan vaqt davomida o‘tkazishga ruxsat beriladi. Bu kabi tadbirlarni o‘tkazishga ruxsat olish uchun ariza namoyishlar o‘tishidan o‘n besh ish kunidan kam bo‘lmagan muddatdan oldin taqdim etilishi lozim — batafsil.

19 avgust 2020, 12:21

Uchinchi qoidabuzarlik qonli yakun topdi — «ZIL» Cobalt bilan to‘qnashdi, 4 kishi o‘ldi

Urgut tumanida 21 yoshli «ZIL» haydovchisining yil davomida uchinchi bor YHQ buzishi qonli avariyaga sabab bo‘ldi. Xavfli burilishda qarama-qarshi yo‘ldan yurgan yuk mashinasi ro‘paradan chiqqan Cobalt bilan to‘qnashdi. Yengil mashinadagi 4 kishi qurbon bo‘ldi, yana 3 kishi jarohatlandi.

19 avgust 2020, 11:24

Urgutda mashina urib yuborgan bola halok bo‘ldi

Samarqand viloyatining Urgut tumanida «Moskvich» haydovchisi yo‘lni velosipedda kesib o‘tayotgan besh yoshli bolani urib yubordi. Bola shifoxonada vafot etdi.

19 avgust 2020, 11:11

Shaxsga yo‘naltirilgan ta’limning kuchi

Inson kapitali hamda jamiyat va davlatning iqtisodiy yutuqlari chambarchas bog‘liqdir. Faylasuf, jamiyatshunos va antropolog Valeriy Xan nima uchun pedagogik ta’lim sifati O‘zbekistonning innovatsion taraqqiyotida hal qiluvchi ahamiyatga egaligi to‘g‘risida fikr yuritadi.

19 avgust 2020, 09:59

Sentyabr oyidan aholini gripp va pnevmoniyaga qarshi emlash boshlanadi

Aholini gripp va pnevmoniyaga qarshi emlash maqsadida chet eldan vaksinalar olib kelinadi va joylarda emlash punktlari tashkil qilinadi. Emlash ishlari sentyabr oyidan boshlanishi kutilmoqda.

19 avgust 2020, 09:43

Ko‘chalarni isiriq bilan dezinfeksiya qilish hazil edi — hokimlik

Qo‘qon hokimligi shahar ko‘chalarini isiriq bilan «dezinfeksiya» qilinayotganligi aks ettirilgan video «Toza hudud» korxonasi xodimlarining hazili ekanligini ta’kidladi.

19 avgust 2020, 09:20

Mahalliy yo‘nalishlarda yo‘lovchi poyezdlar qatnovi qayta tiklanadi

«O‘zbekiston temir yo‘llari» kompaniyasi 20 avgustdan qayta tiklanadigan poyezd qatnovlari jadvalini e’lon qildi.

19 avgust 2020, 09:03

Toshkentdan Yusufxonaga avtobus qatnovi yo‘lga qo‘yildi

Toshkent va Bo‘stonliq tumanining Yusufxona qo‘rg‘oni o‘rtasida avtobus qatnovi yo‘lga qo‘yildi. Kun davomida 18 ta qatnov amalga oshiriladi, chipta narxi 10 ming so‘m.

18 avgust 2020, 23:24

Bosh prokuratura BEVERLee Businees faoliyatini o‘rganishni boshladi

BEVERLee Businees moliyaviy piramidaga asoslangani va o‘z mahsulotlarini koronavirusga davo sifatida pullayotgani haqidagi xabarlardan so‘ng Bosh prokuratura kompaniya faoliyatini o‘rganishni boshladi.

18 avgust 2020, 18:34

Samarqandda Milliy gvardiyaga ishga kiritaman, deb 27200 dollar olgan firibgar ushlandi

Samarqandda Milliy gvardiyaga ishga kiritib qo‘yaman, deb 27200 dollar olgan firibgar ushlandi. U yana 300 dollar talab qilib, pullarni olgan vaqtida ashyoviy dalillar bilan qo‘lga tushirilgan.

18 avgust 2020, 18:09

Toshkentda mast haydovchi boshqarayotgan mashina beton to‘siqqa urildi, yo‘lovchisi halok bo‘ldi

Toshkentning Mirobod tumanida mast haydovchi boshqarayotgan avtomobil beton to‘siqqa borib urildi. Yo‘lovchi voqea joyida hayotdan ko‘z yumdi.

18 avgust 2020, 17:33

Ataulla Xudaybergenov olamdan o‘tdi

Nukusda Qoraqalpog‘istonda xizmat ko‘rsatgan sanoat xodimi Ataulla Xudaybergenov hayotdan ko‘z yumdi.

18 avgust 2020, 17:15

Qashqadaryoda rag‘bat pulini ololmayotgan tibbiyot xodimlari viloyat hokimligi binosi oldida to‘plandi

Qashqadaryoda rag‘bat pulini ololmayotgan tez yordam haydovchilari va hamshiralar viloyat hokimligi binosi oldida to‘plandi. Viloyat hokimligi murojaatchilarning aksariyati dispecherlar ekani va ularning rag‘batlantiriluvchilar ro‘yxatida yo‘qligini ma’lum qildi.

18 avgust 2020, 15:54

17 avgustni Toshkent shahri kuni deb e’lon qilish taklifi bildirildi

Toshkent shahar hokimligi huzuridagi Jamoatchilik kengashi 17 avgustni shahar kuni deb e’lon qilish va har yili ushbu bayramni keng nishonlash taklifini ilgari surdi.

18 avgust 2020, 14:29 1

Maktab va bolalar bog‘chalari ochilishiga tayyorgarlik ko‘rilmoqda

Ta’lim muassasalarida amal qiluvchi sanitariya me’yorlari ishlab chiqilib, Adliya vazirligining huquqiy ekspertizasidan o‘tkazilganidan keyin bolalar bog‘chalari va maktablar faoliyatini boshlashga ruxsat beriladi.

18 avgust 2020, 14:06

Chet eldagi muvaffaqiyatli fuqarolar nomi «oltin daftar»ga kiritiladi

Prezident tashabbusi bilan «oltin daftar» ma’lumotlar bazasi yaratiladi. Uning tarkibiga o‘zbekistonlik potensial sarmoyadorlar va nufuzli universitetlarning professor-o‘qituvchilari kiritiladi.

18 avgust 2020, 13:56

Surxondaryoda mudhish avariya — olti kishi o‘ldi, olti kishi jarohatlandi

Surxondaryoda quvib o‘tish qoidasini buzgan Cobalt haydovchisi olti kishining o‘limiga sababchi bo‘ldi. Ular orasida 2 oylik chaqaloq ham bor. Yana olti kishi, jumladan, o‘zi va 1 yashar go‘dak jarohatlandi.

18 avgust 2020, 11:52

Mayitni o‘likxonadan chiqarish evaziga 200 dollar talab qilgan ekspert ushlandi

Vafot etgan fuqaroning murdasini o‘likxonadan chiqarib berish evaziga 200 AQSH dollari talab qilib olgan sud-tibbiy eksperti ushlandi. Unga nisbatan jinoyat ishi qo‘zg‘atilib, tergov harakatlari o‘tkazilmoqda.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting