Jamiyat

21 avgust 2020, 14:40

Afg‘onistonda «So‘g‘diyona trans» vakillariga qurolli hujum uyushtirildi

Afg‘onistonning Balx provinsiyasida «O‘zbekiston temir yo‘llari» tarkibiga kiruvchi «So‘g‘diyona trans» sho‘’ba korxonasi vakillariga qurolli hujum uyushtirildi. O‘zbekiston tomoni Afg‘oniston hududidagi o‘zbek kompaniyalari xodimlari himoyasini kuchaytirishni so‘radi.

21 avgust 2020, 13:18

22 avgustdan boshlab abituriyentlar ruxsatnomalarini olishlari mumkin

22 avgustdan abituriyentlar DTM saytidagi shaxsiy kabinetidan abituriyent ruxsatnomasini yuklab olishlari mumkin. Shuningdek, hujjat to‘ldirishda kiritilgan telefon raqamiga bu haqdagi SMS-xabar yuboriladi. Imtihonlarning qanday o‘tishi va tashkillashtirilishi bo‘yicha ham qo‘shimcha ma’lumotlar berildi.

21 avgust 2020, 13:12

«O‘zbekneftgaz» hududiy boshqarmasi mas’ullari 297,8 mln so‘mlik materiallarni talon-toroj qildi

«O‘zbekneftgaz» hududiy boshqarmasi mas’ul xodimlari o‘zlariga topshirilgan 297,8 mln so‘mlik quvur va qora metallarni talon-toroj qildi.

21 avgust 2020, 12:33

Sentyabr oyidan gripp va pnevmoniyaga qarshi emlashlarni boshlash rejalashtirilmoqda

Epidemiolog Rustam Ikromov sentyabr oyida aholini gripp va pnevmoniyaga qarshi emlash uchun tayyorgarlik ko‘rayotganini e’lon qildi. U aralash infeksiya xavfi haqida ogohlantirgan.

21 avgust 2020, 11:58

Sirdaryoda KamAZ piyodani urib yubordi

Sirdaryo viloyatining Oqoltin tumanida KamAZ haydovchisi piyodani urib yubordi. Erkak voqea joyida vafot etdi.

20 avgust 2020, 19:55

Ochiq sport maydonidagi ilk imtihonlar boshlandi

«Metallurg» sport majmuasining futbol maydonida Moskva po‘lat va qotishmalar instituti («MISiS») Olmaliq filialiga kirish imtihonlari bo‘lib o‘tmoqda.

20 avgust 2020, 17:53

Maktabgacha ta’lim tizimida 48,3 mlrd so‘mlik moliyaviy xato va kamchiliklarga yo‘l qo‘yilgan — Hisob palatasi

Hisob palatasi 2,5 yil davomida maktabgacha ta’lim tizimida 48,3 mlrd so‘mlik moliyaviy xato va kamchiliklarga yo‘l qo‘yilganini aniqladi. Ularning 7,2 mlrd so‘m quyi bo‘g‘inlarda mansabdorlar tomonidan talon-toroj qilingan. Bolalar uchun 2,2 mlrd so‘mga yaroqsiz «saryog‘», 10,1 mlrd so‘mga shubhali go‘sht sotib olingan.

20 avgust 2020, 17:52

Xususiy uy-joy mulkdorlari shirkatining sobiq direktori 230 mln so‘mni o‘zlashtirganlikda ayblanmoqda

Bosh prokuratura Toshkentdagi xususiy uy-joy mulkdorlari shirkatining sobiq rahbariga qarshi jinoiy ish qo‘zg‘atdi. U shirkatga qarashli uylarni ta’mirlash uchun olingan kreditdan 229,3 mln so‘mni o‘zlashtirganlikda ayblanmoqda.

20 avgust 2020, 15:59

Qaysi viloyatlardan qancha kishining xorijda ishlayotgani ma’lum qilindi

BMT ma’lumotlariga ko‘ra, bugungi kunda 2 mln dan ortiq O‘zbekiston fuqarosi xorijda ishlamoqda. Eng ko‘p mehnat migrantlari Rossiyada — 1,5 mln faoliyat yuritishadi. Viloyatlar hissasi bo‘yicha esa eng ko‘p mehnat migrantlari Samarqanddan — 268 ming va Farg‘onadan — 247 ming ekanligi ma’lum qilindi.

20 avgust 2020, 14:47

Munir Mamedzade YUNISEFning O‘zbekistondagi vakolatxonasi rahbari bo‘ldi

Munir Mamedzade YUNISEFning O‘zbekistondagi vakolatxonasi rahbari lavozimida ish faoliyatini boshladi. U inson huquqlari, bolalar huquqlari, yoshlar va rivojlanish sohalarida 20 yillik rahbarlik tajribasiga ega.

20 avgust 2020, 14:09

Korrupsiya haqida xabar qilganlarga pul mukofoti beriladi

Bosh prokuratura korrupsiya haqida xabar qilganlarga bir martalik pul mukofoti berilishini ko‘zda tutuvchi qaror loyihasini jamoatchilik muhokamasiga qo‘ydi. Unga ko‘ra, pul mukofoti miqdori pora, yetkazilgan zarar miqdori yoki o‘g‘irlangan mulk qiymatiga bog‘liq holda — bazaviy hisoblashning 3 baravaridan summaning 10−15 foizigacha beriladi.

20 avgust 2020, 12:47

O‘zbekistonda yil boshidan 92 mingdan ortiq o‘lim holati qayd etilgan

Yanvar-iyul oylarida O‘zbekistonda 92 mingdan ortiq o‘lim holati qayd etildi. Eng ko‘p o‘lim iyul oyida kuzatildi.

20 avgust 2020, 11:49

«Avtomobillar narxi asosli va hozir narxni pasaytirish imkonsiz» — UzAuto Motors

UzAuto Motors kompaniya avtomobil narxlarini asossiz oshirganligi bois, avtomobillar narxini pasaytirishi kerakligi to‘g‘risidagi qaror ustidan shikoyat qilishini bildirdi. Kompaniya ish bir taraflama ko‘rib chiqilganini, qaror uzil-kesil emasligini va keyingi xatti-harakatlar sud muhokamalari yakunlaridan kelib chiqib belgilanishini ta’kidladi. «Avtomobillar narxini hozir pasaytirish imkonsiz», — deyiladi bayonotda.

20 avgust 2020, 11:27

Xorazmda kadastr bo‘limi boshlig‘i tadbirkordan 20 ming dollar pora talab qildi

Xorazm viloyati Tuproqqal’a tumanida yer resurslari va davlat kadastri bo‘limi boshlig‘i huquqni muhofaza qilish organlari tomonidan ushlandi. U 15 gektar yer maydoni ajratib berish evaziga 20 ming AQSH dollari miqdorida pora talab qilganlikda ayblanmoqda.

20 avgust 2020, 10:28

Chiroqchida YTH natijasida 3 kishi vafot etdi va 1 kishi jarohatlandi

Qashqadaryo viloyati, Chiroqchi tumanida Neksiya avtomobili haydovchisi quvib o‘tish qoidalarini buzish oqibatida qarshisidan kelayotgan «NOWO» rusumli yuk avtomashinasi bilan to‘qnashgan. Natijada Neksiya haydovchisi va ikki nafar yo‘lovchi vafot etgan, ulardan biri 1 yashar bola. Moshinaning yana bir yo‘lovchisi tan jarohati olgan.

19 avgust 2020, 19:06

Bekobod tuman IIB boshlig‘i o‘rinbosari pora bilan qo‘lga olindi

Toshkent viloyati Bekobod tumani Ichki ishlar bo‘limi boshlig‘i o‘rinbosari 5000 dollar pora olayotganida ushlandi.

19 avgust 2020, 15:17 3

UzAuto Motors avtomobillarining narxi qanchaga arzonlashadi — ro‘yxat

Monopoliyaga qarshi kurashish qo‘mitasi UzAuto Motors tomonidan 2020 yil mart oyida avtomobillar uchun tasdiqlangan va iste’molchilarga realizatsiya qilingan, asossiz kiritilgan xarajatlarni chegirishni va ushbu mablag‘larni iste’molchilarga qaytarib berishni so‘radi. Yangi shartnomlar ham ushbu chegirmalar asosida tuziladi. Buning oqibatida Spark 3,5 mlngacha, Cobalt 10,5 mlngacha, Gentra 19,8 mlngacha va Damas 15,7 mln so‘mgacha arzonlashishi kutilmoqda.

19 avgust 2020, 14:04

OTMlarga kirish imtihonlari o‘tkaziladigan joylar ro‘yxati e’lon qilindi

O‘zbekiston OTMlariga kirish imtihonlari 65 ta joyda bo‘lib o‘tadi. Toshkentda imtihonlar uchun «Paxtakor» stadioni, Milliy bog‘, Talabalar shaharchasi xiyoboni, «Ashxobod» sayilgohi va Botanika bog‘i tanlandi. Bu yil abituriyentlarning ota-onalari uchun kutish joylari tashkil etilmaydi.

19 avgust 2020, 12:33

Miting, yig‘ilish va namoyishlar o‘tkazish tartibi belgilanadi

Miting, yig‘ilish va namoyishlar to‘g‘risidagi qonun loyihasi ishlab chiqildi. Unga ko‘ra, ushbu tadbirlarni ish kunlari kunduzi 10:00 — 18:00 orasida 2 soatdan oshmagan vaqt davomida o‘tkazishga ruxsat beriladi. Bu kabi tadbirlarni o‘tkazishga ruxsat olish uchun ariza namoyishlar o‘tishidan o‘n besh ish kunidan kam bo‘lmagan muddatdan oldin taqdim etilishi lozim — batafsil.

19 avgust 2020, 12:21

Uchinchi qoidabuzarlik qonli yakun topdi — «ZIL» Cobalt bilan to‘qnashdi, 4 kishi o‘ldi

Urgut tumanida 21 yoshli «ZIL» haydovchisining yil davomida uchinchi bor YHQ buzishi qonli avariyaga sabab bo‘ldi. Xavfli burilishda qarama-qarshi yo‘ldan yurgan yuk mashinasi ro‘paradan chiqqan Cobalt bilan to‘qnashdi. Yengil mashinadagi 4 kishi qurbon bo‘ldi, yana 3 kishi jarohatlandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting